>



صفحة 1 من 2 12 الأخيرةالأخيرة
النتائج 1 إلى 6 من 11
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي ما سبب الحوادث الاخيره ؟!


    السلام عليكم ورحمه الله وبركاته

    بصراحه كتبت هذا الموضوع بعد موضوع حادث الفيراري ايطاليا الثاني وقبله حوادث مب قليله منها ايطاليا ثانيه .. بورش باناميرا ولمبرغيني وموضوع الاخ fcp نزل صور تعور القلب الله يهديه :D

    الحوادث اول شي قضاء وقدر وكلنا مؤمنين بهذا الشي .. ولكن طبيعي فيه اسباب تخصنا وكنا نحن مسببين لهذي الحوادث ,,

    عوامل الحوادث المعروفه :
    1-قياده متهوره "تشمل السرعه"
    2-الالتهاء
    3-سوء تقدير
    4-خطأ الغير
    5-خطأ في تصميم الشوارع او عطب جزء منه
    6-خطأ او عطل في المركبه
    7-تاكسي :D

    وطبعا عامل ما ذكرته افضل اني اسلط الضوء عليه اكثر ..
    العامل هذا قريب من رقم 3 ..

    مقدمه
    الكل عارف كيف الزمن طور السيارات والسوق اصبح فيه صواريخ توصل سرعتها لسرعه الطيارات .. وسيارات في متناول فئات كثيره من الناس لو قورنت قوتها مع "السوبركارز في الماضي" .. كننا بنتحسف على الايام الي اعجبنا بهذيج السوبركارز :D

    ناخذ على سبيل المثال اللكزس is 350 لكزس .. 307 حصان .. تسارعها بين 5.2 الى 4.9 حسب الجو .. توصل 200 في زمن جيد جدا .. سعر السياره في امريكا ما يتجاوز 200 الف درهم ..
    فئه السياره "سيدان صغير سبورت" يعني فيه فوقها اللكزس جي اس .. ولكزس ال اس .. وماخذنا الكوبي بالاعتبار ..

    وناخذ على سبيل المثال Ferrari 348 TS موديل 1991 .. V8 3400cc وقدره المحرك هذا 300 حصان
    تسارع السياره في 5.6 ثواني .. ماراح اتكلم عن سعرها .. ولكن ناخذ مبدأ نسبه وتناسب .. اسعار الفيراريات الوقت هذا من 600 الف لفيراري كاليفورنيا لين مليونين وطالع
    نقول سعر الفيراري هذي 250 الف درهم والي كان ذهب في 1991

    لاحظ من كان يقتني السيارات الي تتسارع في حدود ال 6 ثواني في التسعينات .. وتوصل الى 160 ميل اي 260 كيلو في الساعه .. ولاحظ انك تقدر هذي الايام تشتري كورفيت c6 تتسارع في 4 ثواني .. وتوصل 300 وانت مرتاح .. تاخذها مستعمله ب 80 الف درهم ..

    سيارات صغيره مثل الامبريزا والايفوليوشن لهن قدره جباره في التسارع .. انفينيتي ولكزس الفئات الصغيره بمحركات 3.5 و 3.7 تطير طيران ماطارته الفيراري واللمبرغيني في بعض الايام .. مرسيدس c63 مع برمجه تتسارع في اقل من 4 ثواني وال300 هذي كلام اول .. نتكلم عن 320+ الله يرحم يوم كنا نشوف العداد 260 نقول هذي سياره قويه ..

    وما ننسى ارتفاع مستوى الدخل للناس الايام الاخيره وبدينا نشوف السوبركارز مثل الخرده في الشوارع ..


    الخلاصه : مع الوقت .. تطورت قدرات السيارات وارجع واعيد سيارات في اقل فئات هذي الايام تنافس سوبر كارز ماصارت عليها 20 سنه يمكن اقل ..

    وطبيعي راح تتطور السوبر كارز اليوم بإمكانك تشتري سياره تتسارع في اقل من 4 ثواني بكل سهوله وتكون "فقط" سبورت كار .. نتكلم عن السوبر كارز هذي الايام مثل الفيراري ايطاليا والبورش باناميرا توربو و911 توربو .. لمبرغيني جلاردو lp560 الخ ..
    هل سابق الناس تطور السيارات هذي ؟
    هل قدراتهم تطورت على مر السنين بإنهم يسيطرون على سيارات تطورت بشكل ملحوظ الفتره الاخيره ؟

    العامل المقصود: تطور السيارات بسرعه سبقت تطوير الناس مهاراتهم لقياده هذي السيارات
    بالعربي : الناس مب مستوعبه قوه هذي الصواريخ :D

    تحياتي جيبكو

  2. #2
    الصورة الرمزية ALSHAMSI 2
    ALSHAMSI 2 غير متصل مشرف سابق
    تاريخ التسجيل
    Nov 2009
    المشاركات
    2,711

    افتراضي

    ممكن نضيف شي على اسباب الحوادث هيه التوصيلات الكهربائيه الخاطئه بعض الاحيان وهوه السبب الرئيسي
    هاليومين !!

    ااما عن السوبر كار فهذي هيه الحقيقه على سبيل المثال عندك المكسيما بهذا السعر لكنها طياره وبشويه
    زوايد توصل للمستوى المطلوب :)

  3. #3
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي

    ^^^^^^
    تقدر تقول الي تكلمت عنه يدخل في رقم 6 :)
    بالفعل سيارات سعرها في 100 الف مستواها مع التعديل ما يكون اقتصادي بالمره

    حياك الله :)

  4. #4
    الصورة الرمزية AKMARA
    AKMARA غير متصل عضو نشيط جداً
    تاريخ التسجيل
    Jul 2009
    الدولة
    20
    المشاركات
    254

    افتراضي

    عندك الكابريس L98 V8 6.0l قوته 360 حصان وسعره ما يتجاوز 100 الف نفس الكلام ينطبق عاللومينا سيارات قوية جدا وبأقل التعديلات ممكن توصل 400 حصان عالكفر (هوائيات) وهي اكثر سيارة تتعدل فالسعودبة

  5. #5
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    والله يحفظ الجميع من كل شر الحوادث

    باين من حادث فيراري

    اول شي سيارة جديدة

    الشارع ملتوي

    شارع ذو اتجاه واحد

    الاسفلت.

    اطارات السيارة بعدها باردة.

    خلل في انظمة الثبات للسيارة.

    الحسد


  6. #6
    الصورة الرمزية KID
    KID
    KID غير متصل عضو فعّال
    تاريخ التسجيل
    Feb 2009
    الدولة
    23
    المشاركات
    535

    افتراضي

    ياخي ليه انا دوم انتظر سوالفك الي ماتنمل
    تقبل مروري اخوي جيبكو

صفحة 1 من 2 12 الأخيرةالأخيرة

المواضيع المتشابهه

  1. محاسبة الآباء على الحوادث المرورية للأطفال . موضوع للنقاش
    بواسطة rfee3 el mestwa في المنتدى استراحة شباب الخليج
    مشاركات: 3
    آخر مشاركة: 01-09-2010, 12:20 AM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14