>



النتائج 1 إلى 6 من 6
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي آداب الطعام .. بين الحريه والتصنع


    السلام عليكم ورحمه الله وبركاته

    اكتب هذا الموضوع مباشره بعد الاذان والحمدلله عبينا التانكي حد خط مدته تقريبا 14 ساعه

    الله يآجرنا على صيامنا وان شاء الله نحتسب منه الاجر والثواب :)

    موضوعي اليوم يتكلم عن اداب الطعام وطريقتنا في الاكل لبعض انواع الاكل .. وطبعا مع اخذ الاعتبار للمكان الي موجود فيه :)

    احب اكتب مواضيعي على شكل قصص من بالي عشان اوصل رسالتي

    انت وربيعك احمد ومحمد يالسين في مطعم ستيك "لحم" وطالبين الشي الطيب .. انت طالب ستيك عادي .. واحمد طالب ribs اي ضلوع .. ومحمد طالب نوع من الستيك اسمه t-bone .. الي لهم في ها الشغلات يسيل لعابهم :D .. الضلوع يا اخواني هو الصدر الموجود في الذبايح تخيل نفسك تاكله بشوكه وسكين .. وصلت الوجبات وبديتوا انت ومحمد تاكلون الستيك بالشوكه والسكين .. والاخ احمد مسك الشوكه والسكين وبدا يقص اللحم من العضام وبين العضام وخيس نفسه .. في النهايه شبع من الطبق الجانبي والمقبلات ومالمس شي من الضلوع ..

    انت رايح ويا خويك "قلب سعودي" :D ونازلين كوفي شوب فرنسي .. و وصل الكرواسون بالجبن .. ومسك صاحبك الشوكه والسكين .. وبدا ياكل الكرواسون ويقطع ..
    معلومه جديده على البعض .. الكرواسون فرنسي .. والفرنسيين ياكلونه باليد

    نرجع لموقف حقيقي .. دخلت مطعم هندي وطلبت دجاج تندوري مع رز برياني .. ويت الطلبيه .. سألت النادل "مؤدب" :D سألت الهندي .. كيف ياكلونه هذا من باب المزح لان البعض يسأل ها السؤال ولازم ارد عليه اقوله "تشله بإيدك وتحطه في حلجك "فمك" :D مع العلم المطعم في مول يعني شوي محترم .. قالي sir الاكل باليد هي الطريقه الصحيه واليد اصلا تنتج فيتامينات مفيده للمعده والاكل الذ .. صاحبكم شمر عنه يده وظرب بالخمس ..

    هل وصل بنا الحال اننا نعيش تصنع لدرجه اننا نراعي شعور غيرنا اكثر من شعورنا نحن نفسنا .. انولدنا ونحن ناكل كل شي بإيدنا وهذا مب عيب .. ناكل من صحن واحد وتصير خلافات على اماكن الصحن لمنو .. مابا ادش في تفاصيل .. لكن غير بعد الصالونه تتمزمز بالي باقي بإيدك :D
    نروح مطاعم ندفع بلاوي ومن هناك مسوين فيها ايتيكيت وراقين ونطلع على طول الكافتيريا ..

    نعم كل اكله ولها اسلوبها الخاص .. ولكن اذا ما ناسبني الاسلوب هذا .. وين الغلط بإني اكل بالطريقه الي تريحني .. وطبعا الناس الورديين "الاجانب" قدوه لتصرفات البعض واولهم الهنود ويا تقليدهم الاعمى ..

    ليش ما يكون لك اسلوبك الخاص تعتز فيه وتخلي الناس يقولون .. هذا ماخذ راحته وصدقني صارت لي بإني انزل مطاعم و الشباب مستحين .. اعق الشوكه والسكين وابدا اكل براحتي .. ويتشجعون الشباب ويبدون ياكلون بإيدهم ..

    نصيحتي : تصرف بحريه والايتيكيت الزايد يعيشك في حياه مزيفه مافيها اي حريه .. نعم لك الحريه ولكن بحدود وماتتجاوز الادب والنظافه واحترام مشاعر الاخرين :D

    واخر شي حبيت اقول ..

    الي "يجز" اي ماياكل وما يشرب من وراك .. ما يعيش :D طبعا اتكلم عن الناس القراب منك مب اي حد في الشارع :D

    واذا فيه عزيمه تراني حشيم مب دفش محد ياخذ فكره غلط بس شوي لازم الواحد ياخذ راحته :D

    ونشوف مداخلاتكم واراءكم !!

    حياكم الله
    التعديل الأخير تم بواسطة jeep-co ; 27-08-2010 الساعة 06:24 AM

  2. #2
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    ماشاء الله موضوع حلو

    بالعكس وانت تجلس والناس تقول انه ياكل بيده ولا ملعقه ، خلهم يقولون ان هذا الشخص يأكل بيده ولكن اسلوب حضاري.

    وفي الاكلات لازم تأكلها بالملعقة كالشوربة او الكيك والايس الكريم وغيرها

    اما الاكل باليد ، بصراحة ناس تأكل بيدهم وتقول واحد مزبد، والاكل بيده ، ونظف يدك زين ، وقبل ماتغسله.

    انا من النوع اكل باليد والملعقة وماعندي اي مشكلة في المطاعم ولا مكان عام.


  3. #3
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    انا بصراحه فالاكل ما احاتي حد

    اكل بالطريقه الي تريحني

    و نادر ما اكل بالملعقه لان ما احس بلذة الاكل

    وسبان الله فعلا يقولك ايد الانسان تنتج مواد تساعد الانسان على الهضم

    وانا من الناس الي عقب ما ياكلون يمصون اصابعهم خخخخخخخخخ حت ى لو فمطعم

    ان شا الله كان جليز و لا غيره

    المهم اكل بالطريقه الي تريحني يعني و اخر همي الناس و بيقولون

    شو هم بيجوفوني كل يوم مثلا عشان اتلوم منهم

  4. #4
    الصورة الرمزية ALSHAMSI 2
    ALSHAMSI 2 غير متصل مشرف سابق
    تاريخ التسجيل
    Nov 2009
    المشاركات
    2,711

    افتراضي

    يا اخي نحن في بلادن وبنحاتي فلان شو بيقول

    هذي عاداتن وهذا الي يريحن مب عشان فيه اجنبي عندالك في المطعم بقوم اكل بالشوكه ولا غيرها ولا عشان

    جفته ماياكل بيده بقوم اقلده بالعكس هالشي الصح ونحن في بلادن لازم ناخذ راحتن يعني الي ياكل بيده مب

    متحضر !!

    طبعا ما بقول ما اكل (بالخاشوقه )) الملعقه اكل لكن حسب المكان مثلا ما بسير مطعم هندي وباكل لحم ووو

    والبهارات محنيه ايدي واخر شي يوم اقول وين اغسل يقولك في منديل منضف على الطاوله !!

    ولكن ارتاح يوم اكل بيدي :)

  5. #5
    الصورة الرمزية المشاغب2
    المشاغب2 غير متصل مشرف سابق
    تاريخ التسجيل
    Jul 2008
    الدولة
    -
    المشاركات
    5,350

    افتراضي

    كل اكلة ولها طريقة

    وانا افضل باليد

    ما اخذ راحتي الا يوم اكل بايدي تتلذذ بالاكل يا اخي

  6. #6
    الصورة الرمزية mx_22
    mx_22 غير متصل عضو فعّال جداً
    تاريخ التسجيل
    Dec 2009
    المشاركات
    1,041

    افتراضي

    ما تقدر تاكل برجر بملعقه وشوكه وبنفس الوقت ما تقدر تاكل ولا تشرب شوربه بيدك ! بس الى الان افضل اليد ..تتطعم فيها :D

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14