>



النتائج 1 إلى 4 من 4
  1. #1
    الصورة الرمزية rfee3 el mestwa
    rfee3 el mestwa غير متصل عضو متميز
    تاريخ التسجيل
    Jun 2006
    الدولة
    25
    المشاركات
    2,683

    Exclamation محاسبة الآباء على الحوادث المرورية للأطفال . موضوع للنقاش


    السلام عليكم ورحمة الله وبركاته

    لاحظت في الآونه الأخيرة كثرة الأطفال اللي يركبون الدراجة الهوائية و انا لست ضد هذا الموضوع لما فيه من صحة و قوة للبدن بدل أكل الكافتيريا و المطاعم السريعة و كل واحد مكبرلي كرش و مايتحرك . المهم مايضر بصتحه وحياته من طرف آخر بأنه يمشي بالشارع العام مركب ربيعه معاه و مو مهتم لأي سيارة او أي شي وحتى هو ما يبين بالليل و للأسف يجي سائق كافي خيره شره و يصدمة و يروح الولد و السائق يتبهدل !!!! انا معا اللي يقول لازم الواحد ينتبه لكن في بعض الشوارع تضعف فيها الرؤية و ساعات يطلعون بطريقة صدق ان تكون غير مدرك لأنه بينط عليك من الشارع الآخر و حتى لو كنت على سرعة 40 فسوف تدهسه و بيتعور الطفل !!!

    مواقف حدثت لي و ما اظن كل واحد منا ما يسوق و ماصار له نفس الموقف :

    - كنت في الشارقة مقابل حديقة الحزام الأخضر و لا اشوفلك طفل بالحظ هو و ربيعه يمشون عكس السير ضارب بعرض الحائظ كل من أمامه يعتبر نفسه ملك الطريق ودخل الفتحة من المكان الممنوع !!!! و طبعاً انا من العصبية بغيت انفجر وماتقدر تقوله شي لأنه ابوه اول المدافعين و أمه ماشاء الله ولدها مايغلط

    أين دور الأب و الام من هذه المشاكل !!! أليس للسائق حق !! يسجن و يدفع دية 200 الف درهم لطفل لم يراعوه أهله !!! بيقولون الأهل ما ندري يسوي جذا بقولهم لا إنتو عطيتوه الأداة اللي بدل ما تنفعه ضررها كان عليه اكبر ...

    حبيت أناقش هذا الموضوع و ياليت الشباب يشاركوني الرأي فيه .

    رأيي : أنا اعتبر الأب و الأم أكبر المسؤولين في السيطرة على هذه المواقف و عدم ترك الأطفال يلعبون في الشوارع من دون حسيب ولا رقيب ...

  2. #2
    أبو محمد غير متصل مراقب عام
    تاريخ التسجيل
    Jun 2006
    الدولة
    الإمارات
    المشاركات
    5,398

    افتراضي

    يا ريتها دراجات هوائية .. لكن دراجات نارية

    وهذي صارت موضة في الفترة الأخيرة تحصل كل اثنين راكبين دراجة ويتحوطون في الشارع .. بالطبع ما عندهم رخصة قيادة دراجة نارية والأدهى من ذلك ( مثل ما ذكرت ) انهم يخالفون قوانين السير .. طبيعي تحصله يقود الدراجة عكس السير وكثيرا ما تشوفهم يتهورون بطريقة غريبة جدا وكأنهم لا يهتمون .. صرت كل ما اشوف حد منهم يسوق في الشارع اخذ انتباهي خوفا من اني اصدم واحد فيهم



    شخصيا اوافقك تماما .. المفترض اذا الشرطة مسكت حد منهم تستدعي ولي أمره وتحقق معه بتهمة الإهمال والتسيب .. بسبب إهماله ممكن يضيع ولده أو السايق أو كلاهما


    بس هل في قانون عندنا يحاكم الأب على تسيبه وإهماله لولده ؟؟ .. ما عندي فكرة كثير عن هذي الجزء من قوانين الدولة لكن أعتقد ان في شيء من هذا القبيل والله أعلم .. اذا حد منكم عنده فكرة يا ليت يشاركنا النقاش

  3. #3
    الصورة الرمزية MAXIMA
    MAXIMA غير متصل عضو فعّال
    تاريخ التسجيل
    Nov 2008
    المشاركات
    668

    افتراضي

    مثل ما قال ابومحمد
    اليوم الدراجات النارية اخطر بكثير من العادية
    خصوصا انه بعضهم يتجمعون ويسوون مسيرة

  4. #4
    genes power غير متصل Banned
    تاريخ التسجيل
    Jun 2010
    الدولة
    K.S.A - Tokyo
    المشاركات
    570

    افتراضي

    ليتها على دراجات وبس

    امس شفت لاند 2010 فكسار راكبه واحد في سادس ابتدائي

    وسواقته بالهم ورايحة فيها

    وكثرت مرة مرة بشكل عجيب سواقة الاطفال

    والحين صار اغلب الحوادث تلقى الغلطان طفل

    والا الدراجات النارية: ياخذو الصغير ابو 800 ريال وسعرته ماتتعدى 60 ويروح هو وكم دباب معه يلفلفو في شوارع عامة

    .

    لكن السبب هو الاب

    لان الام تبغى ولدها يفرح وهذا اهم شي خصوصا الحين رمضان

    بس الاب وينه؟؟؟؟؟

    واكيد هو اللي يتحمل المسؤولية الاكبر

    خصوصا انه هو اللي ربى ولده وتربية ولده بتتنسخ في ولد ولده والعيلة تصير خايسة بسب اب هامل عياله

المواضيع المتشابهه

  1. مشاركات: 4
    آخر مشاركة: 13-09-2010, 08:11 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14