>



صفحة 1 من 2 12 الأخيرةالأخيرة
النتائج 1 إلى 6 من 11
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي نرجع لمحور حديثنا


    السلام عليكم ورحمه الله وبركاته ..

    تكلمت في السابق عن سياسه الشرطه من تفتيشات و حملات مروريه مكثفه وتركزهم في بعض الاماكن العامه الي يكثر فيها الناس لقضاء وقت فراغهم ..

    الإمارات اليوم - 81 ٪ من السائقين يطالبون بخفض المخالفات

    ي استطلاع أجراه مركز «إبسوس» لمصلحة «الإمارات اليوم»
    81 ٪ من السائقين يطالبون بخفض المخالفات

    هذا المقال الي حصلته من جريده الامارات اليوم نسخه اليوم .. تتكلم عن حال الناس مع المخالفات وطلباتهم بخفضها لانه وايدين انكسرت ظهورهم من هذي المخالفات .. لسبب ما !!

    فيه سنه 2008 اعلنت وزاره الداخليه عن تعديل نظام المرور واضافه النقاط السوداء للمخالفات وزياده قيمه المخالفات بشكل عام ..

    اعتقد الكل على علم بقيمه المخالفات الي تتراوح مابين 400 درهم "والي تصير نادرا" الى 1000 درهم والي لاحظته مع وايد شباب ان المتوسط هو 600 درهم ..

    الرادارات المتحركه منتشره في كل مكان .. اساليب وضعها مبتكره ومتخفيه بصوره يستحيل انك تعرف انك حتى انمسكت برادار متحرك ..

    نزلت رادارات "جن" الله يجنه :D ورادارات "قناص" والي هي عباره عن رادارات محموله يستخدمها رجال الشرطه يدويا لضبط السيارات المسرعه بدون فلاش طبعا .. والي له الفضل في مسك سيارات في سرعه جنونيه على شارع ابوظبي - دبي .. منها الليكزس والفيراري ..

    التفتيشات تحولت في دبي من الممزر وجميرا الى الورقاء والخوانيج "اماكن تجمعات الشباب" والممسوكين بالعشرات و "الوينج" موجود لسحب السيارات الى الحجز ..

    المخالفات للافراد في الايام الاخيره صارت تتراوح مابين 2000 درهم "هذا الملتزم الى 15000 .. واتكلم شخصيا وعن معارفي .. طبيعي ناس وصلوا ال20 الف و 60 الف ..

    في الفتره الاخيره ابوظبي نزلت المخالفات الى 50% بأمر من الشيخ سيف بن زايد وزير الداخليه ..

    القرار هذا نزل لسبب معين ..

    والسبب هذا معروف وهو التخفيف عن كاهل المتضررين من هذي المخالفات المبالغ فيها والي صارت جزء من ميزانيه بعض الناس ..

    ولكن الامارات ال6 لازالت تطبق القانون بحذافيره والدخل مستمر .. ما المح ان رفع قيمه المخالفات الهدف الاول منه جبايه اموال الناس .. صحيح اكيد طلعت بنتيجه ايجابيه وهذا الي اتمناه .. شخصيا بديت احاسب اكثر "بسبب خوفي من الرادرات|

    نلاحظ ان الاسلوب وبكل وضوح ان السايق يضطر انه يلتزم بالقانون خوفا من المخالفات المروريه .. مب التزاما فيه عن قناعه .. ناخذ لندن على سبيل المثال وهي المدينه الي دبي خذت منها قواعد المرور تقريبا .. نشوف اسلوب السواقه هناك غير .. فيه ذوق ..فيه احترام للسائقين بين بعضهم .. الشرطه موجوده ؟ نعم موجوده ولكن الناس "مثقفه" مروريا وما تتخوف بالمخالفات بهذا الشكل الجنوني ..

    سؤال في بالي .. هل الشرطه انفقت كل هذي الملايين على الرادارات لضبط المرور "فقط" واذا استغلت هذي الملايين في حملات توعويه في التلفزيون وفي الجرايد والجامعات واقامه محاظرات ونشر بروشورات الخ .. اعتقد هم اخبر في هذي الامور ..

    نرجع لخبر الرادار الي دخل 6000 مخالفه في كذا ساعه .. ونحسب المبلغ الي طلع .. ماودي احسب بأرقام لانه قلبي بينقرص ..

    نستنتج ان كل الي انمسكوا بالرادار كانوا يسوقون بسرعه تعرض الغير للخطر .. ونلاحظ ان الانسان الي هو نحن .. وضع القوانين هذي .. والي مشى 120 في شارع سرعته 100 .. ملتزم .. والي مشى في نفس الشارع 123 يعتبر مذنب .. والمفروض يدفع ال 500 درهم غرامه ..

    دوريات الشرطه بعيني اشوفها تسوق بدون اشارات .. بعض المرات اضاءتها محروقه .. بعض المرات تشغل اللواح عشان يطلعون من الزحمه "بعيني"
    شايف دوريات وسواقيها يسوقون ويتكلمون في التلفون ..
    شايف دوريات يسوقون وهم يشربون وياكلون ..

    يا جماعه الخير .. انا ما ودي اطلع الشرطه سيئه .. ولكن الانسان قابل انه يخطي .. قابل انه يكون عنده ظرف .. قابل انه يكون سهى .. قابل يتعرض لاي شي يخليه يزل ويطلع عن قانون النقاط السوداء والمخالفات الي متكون من 130 بند والله اعلم ..
    وكلامي عن الشرطه فوق مب ذم لهم بالعكس .. ابغي اوصل رساله انهم اوادم ويحق لهم يتصرفون فوق القانون .. ربك يغفر الذنوب لان الانسان سمي بهذا الاسم لكثر نسيانه .. و ديننا دين يسر وتسامح .. وقانون من وضع الانسان مافيه اي تساهل ؟

    وانا كاتب هذا الموضوع ماعليي مخالفات سرعه من سنتين .. ماعليي اي مخالفات بأي نوع من انوع المخالفات ..

    ولكن تزيد قيمه المخالفات .. ويزيد تكثيف الحملات .. و عدد المخالفات والتدقيق على السواقين ..

    انكسرت ظهورنا ..

    وشكرا

  2. #2
    تاريخ التسجيل
    Jun 2006
    المشاركات
    6,421

    افتراضي

    ياريال ذبحونا بتفتيشاتهم السخيفه و جهازهم هذا المخرف

    انا عن نفسي حاط 30 و من شركه معروفه يعني ماي يتفلسف عليه و يقولي لا هذا مال الايرانيه و يغشونكم و الحمد الله الامور طيبه و محد يوقفني و مريح راسي

  3. #3
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    انا الحمد لله فالسنه حدي رادار ولا ثنين هاذيل بعد بالغلط ههههههههههههههه

    المشكله الشباب يسرعون و الله انا ما الومهم يوم يحطون رادارات

    الشباب مستهترين
    طبعا مب كلهم

    لكن نجوفهم عالخط كل يوم يخطفون تقول طيايير

  4. #4
    الصورة الرمزية Brhoom
    Brhoom غير متصل عضو فعّال جداً
    تاريخ التسجيل
    Jan 2009
    الدولة
    22
    المشاركات
    1,320

    افتراضي

    وعليكم السلام ورحمه الله وبركــآته ..~


    اسمحلي انا بختلف ويـآك ف اللي تقوله .. انا مـآظن الدوله بتخسر ملاييييين عشان اطلع مادري كم الف بس ..

    الدوله ولله الحمد في غنى عن هالبيزآت .. لانه عندها موارد اطلع منها اضعاف من اللي يظهر من المخالفات

    اتخيل الشوارع مافيها رآدارت ..!! ولا نقاط تفتيش ..!! و الششرطه نادر ماتشوفها <~

    كيف تتصور الشبـآب رآح يسوقون ..؟ 100 ~ 120 ..؟ ماظن

    اقل شي رآح يمشي 160 وفوق ، لانه الحين مع وجود هالرآدارآات كلها يسرعوون ويسوقون بتهور

    هذي نقطه ..


    والنقطه الثانيه .. بخصوص الحملات .. يعني الحين لو سوو حملات توعيه واعلانات ف كل شارع وكل مول وكل قناه
    وخسروا عليها ملايين .. هل في حد رآح يتعض ..؟ هل في حد رآح يعبرهم ..؟

    من مليون سنه و الاعلام كل يومين مسوي حملات توعيه ضد التدخين ... الصرآحه انا شفت المدخنين قامو يزيدون .. ومحلات الدواخه ماشاء الله تــآرسه البقعه ..<~

    ..

    وبخصوص اللي عليهم مخالفات 60 الف و 100 الف ومادري كم .. الواحد يستوي له ظرف مره او مرتين ف الشهر
    مب كل يوم .. والواحد بعد مب دووم ينسى ..!!

    امشي ف حدود السرعه القانونيه للشارع ومحد بيكلمك .. محد بيكتب لك مخالفات غصب عنك ..
    ومحد بيكسر ظهرك


    الدوله جزاها الله الف خير مب مهتمه بـ هالكم فلس اللي تطلع من ورآ الرآدآر .. الدوله ويـــآليت لو تفهموون المقصد انهـــآ تهتم فيكم .. تهتم ف الشعب اللي كل يوم وآحد منه توفى بسبه السرعه والحوادث

    تصرف على الواحد بس عسب يتم عايش بصحه و سعاده .. بيت ومدارس وعيادات ..الخ كلها ببلاش
    لو تقولون انه هدفها هو كسب الفلوس من المخالفات .. ابسط حل كان سوت كل هالخدمات بفلوس
    وحطت ضرآيب على كل شي ..

    لكن الواحد مب حاس بالنعمه اللي هو فيها .. احمدوآ ربكم ع النعمه اللي انتو فيها .. والله انه نحن شعب محسودين ع النعمه

    وفوق هذآ .. الواحد يخالف ويقول <~ ذبحونا بالمخالفات ..
    محد ضربك ع ايدك وقالك خالف


    والسمووحه ع الاطـــــــآله .. :)

  5. #5
    الصورة الرمزية ERT
    ERT غير متصل Banned
    تاريخ التسجيل
    Jun 2006
    الدولة
    الشارقة
    المشاركات
    2,441

    افتراضي

    باختصار مفيد ربعنا بقر ما يعرفون يسوقون بأحترام لازم يسوقون بتهور اللي يلف عليك واللي يديم لك مليون الف ديم وهرنات .

  6. #6
    الصورة الرمزية ALSHAMSI 2
    ALSHAMSI 2 غير متصل مشرف سابق
    تاريخ التسجيل
    Nov 2009
    المشاركات
    2,711

    افتراضي

    في نقطه الكل متأذي مثلا الرادار 120 واحد ماشي 121 على طول يتخالف وهذا طبعا يعتمد على العداد

    وقياس عداد لين الثاني يختلف مثلا واحد سيارته عليها رنقات 17 قرايه العداد غير عن واحد عند 20 انج

    وطبعا القرايه الاصح تكون للرنق الاصغر ... انا طبعا ما بتفلسف وما ابغي ادافع عن الي يسرعون..

    والمفروض الواحد يحاسب شوي ......

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14