>



النتائج 1 إلى 4 من 4

الموضوع: مقاصبنا الطبية

  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي مقاصبنا الطبية


    السلام عليكم ورحمه الله وبركاته ..
    محدثكم من جمهوريه الممزر الديموقراطيه الدكتاتوريه ..

    اعتذرلكم اخواني عن قله المواضيع المطروحه اخر كم يوم مني اتمنى انه لها حس في القسم

    مقاصبنا الطبية .. بسببها صار غرض من اغراض السفر هذي الايام وهو العلاج ..

    أخطاء مافيه مجال تتصلح .. وتشخيصات ماتدخل بال الشخص الي مايعرف ربع الي يعرفه الدكتور في الطب .. طبعا كلنا نؤمن بالقضاء والقدر .. ولكن ناس راحوا ضحايا هذي الاخطاء الطبيه ولا صابتهم اعاقات لان الحج فلان شخص غلط .. وعمل العمليه وغلط فيها وصارت قضيه وهذا يرافع وهذا يستنفر وهذا يستئنف طلعله المريض بكم قرش وخلص الموضوع .. ورجع البيت "خسر جزء منه"

    بنت صغيره امست تصيح من الم في اسفل الرجل .. خذها ابوها الى مستشفى دبي .. وبعدها الى مقصب دبي .. عفوا مستشفى راشد "الاسم الاول اكثر تداولا" .. عافاها الله وعافاكم .. وصلت المستشفى وبدا الدكتور يفحص .. بدون تفاصيل .. البنت محتاجه عمليه .. شو السبب .. كذا كذا .. التشخيص مادخل بال الاب .. وقال الدكتور وبكل ثقه طبعا هذا قرار يديد .. تعهد انك بإرادتك طلعت البنت من المستشفى وهي محتاجه عمليه .. رجعت البيت .. رقدت البنت واصبحت تلعب ...
    جزاكم الله خير

    رجل يعاني من السكر .. الله يبعد عنكم اي شر .. صابته غرغرينا في صبع من اصابع قدمه .. راح الى مستشفى في البحرين .. والدكتور قال هذي غرغرينا ورجلك لازم نبترها من الركبه .. واذا تأخرت 3 ايام راح نبترها من الحوض .. راح تايلند وبتر الصبع و خيروا الريال ب3 انواع من العلاج والحمدلله في احسن حال ..
    جزاكم الله الف خير

    شاب يخبرني موضوعه .. عنده الم في البطن بين فتره وفتره .. يروح ياخي مغذي في المستشفى ومسكنات كل كم شهر والموضوع تكرر عنده .. مره راحوا مستشفى ثاني .. تشخيص الدكتور انه فيه دوده زايده ولازم عمليه ولا الولد يموت بعد كم يوم اذا انفجرت .. الاب رفض وطبيعي وقع التعهد الي يحمله مسؤوليه اي شي يصيب ابنه اذا طلع من المستشفى .. وقع التعهد ورجعوا البيت وثاني يوم قام من النوم يلعب .. الابو راح للدكتور .. وقاله للاسف طلعت حمار لابس بالطوا دكتور .. الدكتور عصب وراح اشتكى للشرطه .. وابوا الشاب كلم الدكتور على جنب وقاله .. بورقه التعهد الي خليتني اوقعها امس يا دكتور الحين ارفع عليك قضيه .. سكت بسلامته
    جزاكم الله الف خير ويعطيكم الف عافيه

    وفي النهايه اختمها .. واقول .. الحمدلله على سلامتك يا صاحب السمو الشيخ خليفة بن زايد آل نهيان وعودتك بأفضل حال من "سويسرا" في "رحله علاج"

    واقول .. بدال مشاريع أطول .. و أضخم .. أسرع ... عطوا كلمة "أفضل" للقطاع الطبي حقة ..

    والله يبعد عنكم اي مكروه ان شاء الله

  2. #2
    الصورة الرمزية IS300
    IS300 غير متصل مشرف سابق
    تاريخ التسجيل
    Sep 2008
    الدولة
    UAE & UK
    المشاركات
    4,416

    افتراضي

    حمدالله على سلامة ابونا الشيخ خليفة .. و الله يعطيه طولة العمر

  3. #3
    الصورة الرمزية Precious
    Precious غير متصل عضو فائق النشاط
    تاريخ التسجيل
    May 2008
    المشاركات
    4,613

    افتراضي

    نتحمد بالسلامه لسموا الشيخ خليفة الله يحفظه ويطول بعمره



    صحيح كلامك منطقي والامثله او الاحداث الي قلتها كارثيه .. وتستغرب يوم تروح مكتبه وتشوف 500 شهاده معلقه عاليدار تستغرب كل هالخبره ومايعرف ؟!

    يعطيك العافيه على الموضوع الحلو وماشاء الله عليك كل مواضيعك هادفه

  4. #4
    الصورة الرمزية MAXIMA
    MAXIMA غير متصل عضو فعّال
    تاريخ التسجيل
    Nov 2008
    المشاركات
    668

    افتراضي

    ترا الي يجيون عندنا من الخارج اعزكم الله جميعا (زبالة )

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14