>



صفحة 1 من 12 1234567891011 ... الأخيرةالأخيرة
النتائج 1 إلى 6 من 68
  1. #1
    الصورة الرمزية kuwait
    kuwait غير متصل عضو فعّال جداً
    تاريخ التسجيل
    Jun 2006
    الدولة
    ٢٦
    المشاركات
    1,701

    افتراضي تغطية مباشرة : رحلتي لـ بـوكت


    السلام عليكم ورحمة الله وبركاته

    اولاً عيـــدكم مبارك ،، وعســاكم من عواده

    انا حالياً اتواجد في بوكت ( لأول مره في حياتي)... وللـمرة الثالثه على التوالي أقضي اجازة العيد خارج الكويت وشكلها بتصير عاده

    سافرت بتاريخ ٩/٩ على طيران الاتحاد .....ارفع القبعة على هذا الصرح العظيم

    طياره ممتازه وفيها شغلات تسليك وتنسيك الوقت من افلام واللعاب ومخرج كهرباء عشان تشتغل على كمبيوترك الخاص ومدخل يو اس بي عشان اتحط الايبود الخاص فيك ... يعني اخر دلع


    المهم خط سير الرحله (كويت .. ابوظبي ..بانكوك..بوكت) بدون توقف

    الاهل وياي ولأول مره حسيت انهم فقدوا الثقه فيني


    الصراحه تعب ... اللي بياخذ العايله لازم يرتاح ولو يوم واحد في بانكوك وتالي يروح بوكت


    ( معلومه : قررت اسافر قبل موعد السفر بيومين ...)

    كنت قاعد وملان وفتحت الكمبيوتر اشوف تذاكر الطيران إلى بوكت ... فتحت على القطريه حصلتها غاليه وفتحت على الاماراتيه لقيتها غاليه ..قلت اشوف الاتحاد وحصلتها بنصف السعر ...وعلى طول احجز

    اشوف موعد السفر كان يوم الخميس الفجر والوقت اللي انا قاعد احجز كان يوم الاثنين بليل

    اســــــتــــــــــــنـــ ــــــــــــفــــــــــــ ـار وحالــــــــة طواريء


    المهم الاستعدادات كانت على قدم وساق .. والرحله كانت متعبه


    والان انا الان في بوكت ... هل راح تنسيني عناء التعب


    تابعوني ( بنفس الموضوع ) مع اليوم الاول



    الردود مسموحه خلال سرد اليوميات

  2. #2
    الصورة الرمزية kuwait
    kuwait غير متصل عضو فعّال جداً
    تاريخ التسجيل
    Jun 2006
    الدولة
    ٢٦
    المشاركات
    1,701

    افتراضي

    اليوم الاول


    الفندق

    Bundarika Resort Phuket, Thailand

    نوع الغرفه - فيلا مع مسبح خاص

    عدد الايام = ٢


    مكان الفندق بعيد جداً عن اشهر منطقه اللي اهيا الباتونج بيتش ..لاني الصراحه أبي فتره نقاهة من الشغل وحر الكويت وووو.. وايضاً من الرحلة المتعبه

    قلت اخذلي يومين ادلع عمري فيها وبعدين أدخل في المـــعــــمــــعـــــة


    اتفضلو معاي نشوف الفندق


    (التعليق فوق الصوره)




    في هالصورة انا واقف في الرسبشين لعمل تشيك إن .. الرسبشن في الهواء الطلق ... اول مره يمر علي رسبشن جذي .... وتشوفون الصوره مدخل الفندق والشارع





    إلى الان انا واقف في الرسبشن بنفس وضعيه الصوره الاولى بس هالمره لفيت لليمين واخذت الصوره هاذي اللي اهيا عباره عن الفلل




    نفس مكاني بس اخذ كم خطوه للوراء عشان اتشوفون المكتب اللي قعدت عليه عشان اوقع على الاوراق لزوم التشيك ان .. شوفو المكتب والكرسيين ( مامليتو من الفخامه ،... البساطه قمه الفخامه)






    بعد ماخلصنا روتين التشيك ان رحنا عالغرفه ... اقصد الفيلا ..... حيااااكم






    اول ماتدخل على طول اتشوف يمينك .. الميني بار ...شغلات بفلوس وشغلات ببلاش





    ولما اتشوف جدامك اتشوف هالمنظر ...السرير






    وعلى يساري وخلف السرير توجد الخزانه





    تاخذ خطوتين جدام وتشوف يمينك المغاسل ...ويمين وشمال المغسله في الشاور وتكرمون الحمام





    امام السرير -- الدلع كله -- المسبح






    وعلى يمين المسبح تكتمل مسيره الدلع




    وهذا انا واقف عالمسبح اصورلكم الفيلا




    وهذا المنظر من مكان المسبح ( الخصوصيا كبيره بس انا رافع ايدي مع الكاميرا )




    هذا انا




    وعالمسبح عندك شجره مادري نخله ممكن تتسلقها ههههههه





    اتوقع تقدر تتسلقها دامها في حدود فيلتك




    اتوقع لازم تتسلقها وتاخذلك وحده من هالكور تشرب منها





    اهني انا بالمسبح ومعاي الكاميرا ... ابي أخذ لقطه فيها اكشن




    شجرة جوز الهند عاجبتني خلصت عليها ميموري كامل خخخ






    انا اهني قاعد بالمطعم اكل فطوري --الجلسه خارجيه -- والجلسه الداخليه اتشوفنها يمين الصوره والاكل ايضاً




    نفس مكاني بس من جهة اليسار اتشوفون المسبح الرئيسي للفندق ويقع عالشاطيء على طول




    ونفس مكاني بس من الخلف تقع الفلل الكبيره ... لانه الفيلا اللي انا قاعد فيها تعتبر ستاندرد




    السلم هذا يوديك من الفندق على الشاطيء ...




    والمنظر هذا بعد السلم





    شاطيء خاص لنزلاء الفندق




    هذا انا




    صوره بانوراميه للشاطيء




    وهذا الفندق من الشاطيء




    فلل تطل على الشاطيء --- بس اتوقع بدون مسبح ويمكن جاكوزي -- الخصوصيه بهالفلل صفرررر





    المسبح الرئيسي للفندق





    هذا كل شي بالنسبه لهالفندق .. انا إلى الان متواجد فيه واذا حصلت شي جديد بصوره لكم


    وانتظروني مع

    الـــيوم الثــــاني ( بنفس الموضوع)

    اللي يبي يحط رد او استفسار ياخذ راحته لا ينتظر انتهاء الموضوع

  3. #3
    الصورة الرمزية Brhoom
    Brhoom غير متصل عضو فعّال جداً
    تاريخ التسجيل
    Jan 2009
    الدولة
    22
    المشاركات
    1,320

    افتراضي

    الفندق ششششغل عدل ما شاء الله ..

    ياخي انت تخررش واحد هع :D

    بس ماعليه كلها يومين ويصير جونـآ احلآ من جوهم <~ اي هيين هههه :D



    الصوره البانوراميه كذآآ

  4. #4
    الصورة الرمزية kuwait
    kuwait غير متصل عضو فعّال جداً
    تاريخ التسجيل
    Jun 2006
    الدولة
    ٢٦
    المشاركات
    1,701

    افتراضي

    اقتباس المشاركة الأصلية كتبت بواسطة Brhoom مشاهدة المشاركة
    الفندق ششششغل عدل ما شاء الله ..

    ياخي انت تخررش واحد هع :D

    بس ماعليه كلها يومين ويصير جونـآ احلآ من جوهم <~ اي هيين هههه :D



    الصوره البانوراميه كذآآ
    هلا برهوووم

    اي والله الفندق عجيب ببساطته

    حياك الله


    -----

    اواجه مشكله

    الانترنت يشبك مع الايفون ومايشبك مع الاب توب

    ان شاء الله تنحل المشكله وانزل تقرير عن نهاية اليوم الاول قبل الانتقال لليوم الثاني

  5. #5
    الصورة الرمزية kuwait
    kuwait غير متصل عضو فعّال جداً
    تاريخ التسجيل
    Jun 2006
    الدولة
    ٢٦
    المشاركات
    1,701

    افتراضي

    تابع اليوم الاول : بعد الظهر


    بعد السباحه واكتشاف الفندق والشاطيء ....ضربنا الجوع ضرباً مبرحاً


    قررنا ناكل بره الفندق ونتسوق لحاجيات ضروريه بأي سوبرماركت ...بس المشكله خارج الفندق مافي شي لأني انا قلت لكم احنا بعيد عن مركز الجزيره والسوق والمطاعم ....إلخ

    رحنا نستنجد باللي تشتغل بالرسبشن وشرحنا لها المشكله

    قالت لنا في سوق ومطاعم قريبه بس لازم تاكسي ..قلنا لها ماكو مشكله ...قالت راح يكلفكم ٧٠٠ بات روحه ورده وانتظاركم بالسوق والمطعم

    جان اقولها " تووو ماتجججج"

    قالتلي لحظه .. مسكت التليفووون وقعدت تقرق *٪##*$**#*$*$*#*#*$*$*$*#**$*#٤

    سكرت التليفون وتوجهت لي وابتسامتها تعلو محياها وقالت اوكي ٣٠٠ بات روحه ورده وانتظار عند السوق والمطعم

    انا فتحت حلجي ...واقول بيني وبين نفسي شلون جذي نزلت نص السعر ياهي نصابه او شقرديه

    المهم قلت لها اوكي مع نظرة ثناء ومديح لها ،،،


    المهم انتظرنا التاكسي




    والتاكسي وصل
    -
    -
    -
    -
    -
    -
    -
    -

    -
    -
    -
    -
    -
    -

    -
    -
    --
    -

    -
    --
    -
    -
    -
    --
    -

    -

    ( لايوجد تعليق )





    اخذت ( دقيقه صمت ) اتأمل الوضع ....ابتسمت وقلت عجييييب انجرب شي جديد ....وهووباااا







    دريولنا عاش عاش دريولنا ديييد دييييد






    واول محطه وقفنا عندها سوبر ماركت سفن إلفن





    وعبينا الخط فلوس ....اول مانزلنا مطار بوكت كانو يوزعون كروت اتصال ببلاش وانت عليك فقط اتعبيه






    ورحنا للمحطه الثانيه ....المطعم





    وهذا اسمه ...مالي خلق اقراه من طوله :)





    هلا هلا




    المطعم من داخل




    الكرسي خشب ...بس يعوووور






    بصراحه الاكل لذيذ جداااااً وبدون مبالغه ربيان وسمج ...لدرجه اني نسيت اصور الاكل ...وصورت عقب ماخلصت هههههه






    بس كانت مقبلات لانه العود كان بعده ماوصل





    قلناله نبي تشيبس ..... الحبيب راح فتح لنا بطاطس ليز وحطه لنا بصحن ...المفروض انقوله فرنش فرايز خخخخ




    وعقب ركبنا " الرولز " وردينا الفندق




    ( للقصه بقيه) .....

  6. #6
    ®Ahmad.M غير متصل عضو متميز
    تاريخ التسجيل
    Oct 2009
    الدولة
    20
    المشاركات
    2,973

    افتراضي

    هههههههههههه ماشاء الله والله رحلاتكـ فلة ...
    اهم شي تتونس ياخوي والتاكسي .. لاتعليق .. :)

صفحة 1 من 12 1234567891011 ... الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14