>



صفحة 1 من 2 12 الأخيرةالأخيرة
النتائج 1 إلى 6 من 7
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي هل الزمن وقف في راس الخيمه ؟


    السلام عليكم ورحمه الله وبركاته :D

    اول شي اعترف اني ابا اتكلم عن موضوع ما يستاهل اني اسوي موضوع كامل !!
    تامه في الخاطر وافضل اني افضفض لانه يقولك مب زين تشل همك بنفسك لازم تتشاطره ويا الناس :D

    برنامجنا من سنين .. اول العيد في دبي وثاني العيد في راس الخيمه "مسقط رأسي" واهلي كلهم من هناك .. نروح نسلم والي مريحني اننا نتيمع في بيت واحد ..

    وصلنا "معيريض" وطبعا الغداء الي لا يعلى عليه .. عيش ابيض .. مع مشاوي بحريه طبخ البيت .. صحن الجشيد موجود والمالح والسمن على صوب .. سمج القباب يتم قابض في ايدك 3 ايام ونص من قوه ريحته لكن مره في السنه ماعليه ..

    طلعت من معيريض وتوجهت ل الرمس على ذمه "سندس" (نافيقيشن الجارمن) كتبت الرمس وطلعت من اهل راس الخيمه ودلتني ..

    و وصلت وضيعت بيت الاهل ووقفت مع ريال مسكين ماقصر وصلني لين باب بيت الاهل وسلمت عليه ..

    الموضوع خلاني اوقف افكر للحظه .. الزمن وقف هني ؟ ولا انا في حلم .. الترابط الاجتماعي .. وطيبه الناس .. وتعاونهم .. خدومين وعلى اكثر من نياتهم .. محترمين والتكبر شي ما يعرفون معناه حتى ..

    يلست وبديت اسمع صوت الالعاب الناريه .. وصوت صغاريه يلعبون برع .. ولهجتهم الي تدخل القلب

    نروح لشبابهم .. طبعا العادات انتقالها متوقف على تعلق الشباب فيها .. وصلتهم عشان يوصلونها للي بعدهم ؟ هذا السؤال مهم ..

    ندخل الانترنت لمنتديات الرمس .. انا مب عضو وانا مب يالس اسويله دعايه ... فلان عرس .. فلان تخرج .. فلان وصل بالسلامه .. فلان توفى .. حفريات المكان الفلاني .. عزا المكان الفلاني ..

    اجلس مع نفسي للحظه واقول .. الزمن وقف عندهم ؟

    لاننا وايد غير الحين ..

    اجمل التحيات من خيماوي الاصل مقيم في دبي

  2. #2
    الصورة الرمزية Precious
    Precious غير متصل عضو فائق النشاط
    تاريخ التسجيل
    May 2008
    المشاركات
    4,613

    افتراضي

    هيه والله انا اشهد انه الخيماويه اطيب ناس والله .. بس تدري هاللوث الي يروحون ويخربون راس الخيمه المفروض مب كل حد يدخل الي شكله محترم يدخل ههههه


    ويعطيك العافيه عالموضوع وبالعكس هذا شي نحن نفتقده وااايد سواء في دبي او الشارجه او حتى بوظبي.. تحس كل واحد في حاله ومايبا يساعدك ويوم تكون مضيع وتسأل شباب الفريج يقولون لك مانعرف !

  3. #3
    alawy911 غير متصل Banned
    تاريخ التسجيل
    Sep 2009
    الدولة
    UAE iS My LoVe
    المشاركات
    41

    افتراضي

    وانا بعد اشهد بأنهم رجال وناس طيبين وطبعا ابوي كان ف الراك زعابي ولاكن بعدها انتقلنا

    ولي زيارات ف المناسبات الطيبة مثل الاعياد والافراح ومرات ارووح اتمشى اغير جوو وارجع

    ومنتدى الرمس فعلااااا مميز ودايما يباركلون حق الي يتخرجون ويتحمدون بسلامه حق الي يسون حوادث

    واشكرك على الموضوع الحلووو وبصراحه ماعرف كيف اعبر الموضوع يستحق الرد بكل صراحـــــــه

  4. #4
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي

    اتمنى الزمن يتم واقف فراس الخيمه بصراحه

    ما نبغي بنايات ولا ابراج ولا فنادق كبيره و لا مولات
    بس الي نبغيه شوارع مثل الناس و يخلون البر ما يسوون فيه شي

  5. #5
    الصورة الرمزية MAXIMA
    MAXIMA غير متصل عضو فعّال
    تاريخ التسجيل
    Nov 2008
    المشاركات
    668

    افتراضي

    اقتباس المشاركة الأصلية كتبت بواسطة بو علي مشاهدة المشاركة
    اتمنى الزمن يتم واقف فراس الخيمه بصراحه

    ما نبغي بنايات ولا ابراج ولا فنادق كبيره و لا مولات
    بس الي نبغيه شوارع مثل الناس و يخلون البر ما يسوون فيه شي
    صدقك
    هذا الي خرب بوظبي ودبي ><
    عفسه واجانب
    غير الزحمة الي تجيب الملل

  6. #6
    الصورة الرمزية المشاغب2
    المشاغب2 غير متصل مشرف سابق
    تاريخ التسجيل
    Jul 2008
    الدولة
    -
    المشاركات
    5,350

    افتراضي

    اقتباس المشاركة الأصلية كتبت بواسطة بو علي مشاهدة المشاركة
    اتمنى الزمن يتم واقف فراس الخيمه بصراحه

    ما نبغي بنايات ولا ابراج ولا فنادق كبيره و لا مولات
    بس الي نبغيه شوارع مثل الناس و يخلون البر ما يسوون فيه شي
    حلم كل واحد من راس الخيمة

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14