شباب كيف حالكم عساكم طيبين...
الموضوع وبكل صراحة نريد نشتري سيارة جديدة .... وهذه السيارة إلى الوالد ... الصراحة الميزانية ما تتعدى 100.000 الف درهم وفي بالي الكامري الجديد فل اوبشن .... وحاطط عيني على البرادو.... انتو شو تشيرون علي ايو آخذ ...ولو في سيارات اخرى ارجو ذكرها .... ولي طلب خاص كل واحد مجرب سيارة معينة من فئة فورويل او صالون يكلمنا شو العيوب والمميزات....

ومشكور جدا لكم ....

__________________

BMW M8

موضوعك صعب جدا ......اختيار السيارة تبقى مسألة ذوق وميزانية ,, يعني انت ممكن تختار كذا موديل وتعمل مقارنة بينهم

__________________

أمحو ذنوبك في خلال دقيقتين

أخي الحبيب في الأخير أتمنى أن تدعوا لي ولوالدي بكل ما هو خير

وان تدعوا لي بالتوفيق في دنيتي وآخرتي و في دراستي

ولـ صاحب الفكرة جزاه الله ألف خير

ووفق الله ناشرها وقارئها وأدخلهم فسيح جناته

http://www.shbab1.com/2minutes.htm

يبي لك تشوف الفورد اكسبيدشن الجديد روعه..هالسياره اثبتت تحملها في الموديلات السابقه..احنا عندنا موديل 98 ماغيرنا له غير استهلاكيات والمشكله الوحيده تصلحت على الضمان وكانت تهريب زيت لان غطا المكينه كان معيوب من المصنع وهالكلام من سنة 2000 ولحد الآن الموتر ماشاء الله ماشي زي الحلاوه...حتى الديكور مايطلع اصوات نهائيا..الجديد افضل بمراحل من ناحية الراحه والمميزات...وتصميمه فله..والمكينه عزمها جبار وتعطيك علطول



واذا ابوك استخدامه رايق ويبي سيدان الكابرس 2006 LTZ بيعجبه وبيريحه وبيخدم معاه بعض النظر عن الي صادتهم مشاكل..هالشي طبيعي في عالم السيارات تجي سياره مضروبه من كل 100 سياره


في النهايه الخيار لك وانا قلت رايي الي اشوفه لو كنت مكانك


تحياتي

__________________

GM 2008

Some say

"The '08 car has a world-class interior, a two-tone design that is better over all than the Camry and the Accord. This Malibu is at least a match for both on the road in terms of powertrain and handling."

اخوي ليش ما تشوف الباثفايندر الجديد يبداء من الثمانين وطالع ... والله يوفقكم

فورد اكسبلولر الجديد حلو

__________________


Mustang GT

أرشح الفورد اكسبلولر مر الوكاله و شوفهااا

__________________



Nothing Can Stop my FJ

الكامري مواصفاتها سياحيه ماتستاهل ال81 الف
اذا كنت ملزم تايوتا خذ افلون

__________________

انا ارشح للوالد الفورد اكسبلورر تبدأ اسعارها من 97 الف ..والاولبشن اللى بهالسعر وايد فنان
فيه رنجات حجم 17 وكراسي كهرباء للسائق وانظمة الثبات وديكوره حلو وشاشة معلومات باللغة العربية
ومحركه 4,0 لتر ..ومكيف بارد واستهلاك معقول جدا للوقود

السيارة رائعه وتعتبر سيارة عائلية وهي عملية جدا وتتسع لسبعه ركاب بكل سهولة ومستوى الراحه راقي فيها وتعتبر اكثر سيارة مبيعا حول العالم من هذي الفئة واحنا عندنا موديل 2003 ومرتاحين منه ومكروف كرف كأي سيارة يابانية ولااشتكى من اي شي حتى قطع غياره اقدر اقول انها رخيصه جدا وخدمه الوكالة رائعه جدا وعلى مدار الساعه ..
انا انصح الوالد بهالسيارة الرائعه ..خله يجربها من الوكاله وصدقني راح تعجبه
واي سؤال عن السيارة انا حاضر لاني سبق وجربتها موديل 2003 وموديل 2006 ..اسأل وانا اجاوبك

__________________


( قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا )

نصيحت اخو باجيرو فل كامل عليه عرض عندنا في السعودية وكيد بعد في الأمارات فقط بـ 110 الأف ريال .. ولله موتر عليه العلم وجبار .. امبغيته بر فهو ملك الرمال .. مدينة رشيق وانيق .. سفر مريح وهادي وعائلي

او مثل ماقال اخوي غريب السيف الفورد اكسبلورر مريح لأبعد درجة

__________________

زيادة على كلام مؤيد ، عندنا اكسبديشن 2005 ، أشوفه Best Value for the Price

يعني سيارة قويييييييييية عزمها جبار ، مريحة جداً هيدروليك ، المساحة في كل مكان واسعة جداً ، الديكور حلو و جودته حلوة ، يعيبه شي واحد و هو المحرك صوته شوي قوي و بعض الأوقات تسمع صوت كأنه مروحة تفتر مع المكينة ، لكنه لما تحطه مع باقي المواصفات المفروض تتغاضى هالشي

بس ما جربناه في البر و لا ودي أجربه موتر جديد

شوف كل هالمواصفات و القوة و الراحة و الجودة و الإعتمادية خاصة ، بسعر ممتاز جداً

و إذا ما تقدر على ال V8 و صرفيته

عندك الإكسبلورر الجديد تمام بس مو مجربه ، واحد من الأهل عنده الماونتنير ، ممتاز جداً و فخامته أفضل من الإكسبديشن لكنه أصغر حجم و قوته أقل


نسيت أقولك تأكد إن البريكات يكونون ABS لأنه كثير من الموديلات في البحرين من فورد تجي بدون هالنظام

و بالتوفيق

__________________