>



صفحة 1 من 2 12 الأخيرةالأخيرة
النتائج 1 إلى 6 من 7
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي تعالوا سموا الموقف


    السلام عليكم ورحمه الله وبركاته ..

    في يوم السبت تاريخ 3 اكتوبر الساعه 8 تقريبا .. راجع من الخوانيج للبيت و وقفت في دربي في محطه بترول وقفت السياره اعبيها ورحت للميني مارت او السوبرماركت الصغير ..

    وانا نازل على يميني دورية شرطة واقفه تعبي بترول ..

    فاصل اعلاني "اعزائي اصحاب النياسين ".. no hard feelings :D

    نرجع لمحور حديثنا ..

    دخل نيسان المحطة .. وهو طايف عدال الدورية .. وقف السيارة قريب الدورية وبحكم انه قير عادي .. يحرك السياره بشكل استعراضي .. كلتش خفيف والريس .. وننن وننن ونن وننن اعتقد فاهمين قصدي ..
    النيسان الهدرز الي عليه اعتقد مفصل عند محل خيام .. فصل له بيب وركبه .. عااااااالي ..

    المهم راعي الدوريه صد على اليمين وبدا النيسان يتحرك .. شوي شوي ومب هاد الكلتش كامل .. يدوس ريس كأنه على الخالي والسياره تتحرك شوي شوي .. الي عنده جير عادي فاهمني

    وقف في المحطه .. رحت اشتريلي شوكه لاني ميت يوع والعشى في السياره ..
    وانا احاسب .. صاحب النيسان واقف عدالي وفتح محفظته .. المهم مبينه بطاقته العسكريه وصورته بالزي العسكري .. الله اعلم .. مرشح .. ولا شرطي ولا في الجيش .. الخ ..

    وهو طالع وانا طالع وراه .. راعي الدوريه واقف ورا شوي كأنه ينتظر .. وصاد يمين يشوف النيسان .. ركب راعي النيسان .. صاحب الدوريه مثل الي كان يسوي شي داخل .. يسجل رقم .. يبلغ .. الله اعلم لاني ماشفت ولكن صاحب النيسان ركب وكان يشوف من منظرته اليمين ..

    راحت الدوريه .. وبعدها راح النيسان مع العلم ماعليه ارقام شرطه دبي الي تبدا بأرقام معروفه ..

    السؤال الي يطرح نفسه .. شو كان صاير ؟ صاحب الدورية ليش ماكان له رده فعل .. فيه شخصيات وابناءهم ماراح اتكلم عنهم لاني اعتقد الشرطه موجهين انهم مايتكلمون معاهم.. ولكن الي شفته عسكري في المحطه من بطاقته العسكريه ...

    هل هي عقده نقص ؟ انك تثبت وجودك باستعراضك على الشرطه ؟
    كره للشرطه ؟ والغريب ان المستعرض بلباس عسكري !
    الشرطيين فوق القانون ؟ السياره هدرز والله العالم بالباقي .. مخفي اسووود وتواير 900 والسياره منزله
    ثقة زايده ؟

    اترك التعليقات لكم ..

    ولا حول ولا قوه الا بالله .. اذا كان ماصار اي اجراء تجاه صاحب السياره

  2. #2
    الصورة الرمزية MAXIMA
    MAXIMA غير متصل عضو فعّال
    تاريخ التسجيل
    Nov 2008
    المشاركات
    668

    افتراضي

    يا شيخ خله يستعرض
    نحن المساكين يالله ناخذ موتر سبورت (مزود من الوكالة)
    شغل نظييف ولا خرابيط المحلات والكراجات ( مع احترامي لكل المزودين )

  3. #3
    الصورة الرمزية غريب السيف
    غريب السيف غير متصل مشرف عام
    تاريخ التسجيل
    Jun 2006
    المشاركات
    6,763

    افتراضي

    اللى صار واحد من الاثنين حسب ما يصير هالايام ........

    مخالفة غيابية على السيارة من نوع عدم الالتزام بخط السير او اصدار ضجيج

    أو

    تعميم على السيارة بمراجعة المرور

    هاي سوالف شرطتنا هالايام ....مع احترامي لما يفعلونه لكن البعض منهم همه بس يعبي الدفتر

  4. #4
    الصورة الرمزية Precious
    Precious غير متصل عضو فائق النشاط
    تاريخ التسجيل
    May 2008
    المشاركات
    4,613

    افتراضي

    ^^^


    هيه والله صدقك ياخوي .. اكيد كل الشرطه همهم يترسون الدفتر وبس

  5. #5
    بالهداوه غير متصل عضو فعّال
    تاريخ التسجيل
    Sep 2008
    المشاركات
    653

    افتراضي

    اذا كان رقم النيسان رباعي و بدايته 8 يعني من و كود A ولا B .. !!

    هذا موتر واحد من الضباط ..^^ يشمله و لا ما يشمله محد يقدر يقوله شي .. ^^

    و راعي الدوريه اكيد شاف الرقم و عرف هذا موتر منو قال خلني فالسلــــييييم احسن >< خخخخ

  6. #6
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي

    كود تاسياره كان i اخوي

صفحة 1 من 2 12 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14