السلام عليكم


اكتب مشكله واجتها مع وكيل سيارتك.


شكرا

راح اكتب مشكلتي مع وكيل سيارتي الاولى ... سيارتي الاولى كانت VW POLO 2003 بصراحه سيارة ممتازة لكن مشكلتها وكيلها ساماكو ... لما خرب دينمو حق دريشة الراكب الامامي رحت اصلحها على الضمان فكانت القطعه مو موجودة فطلبوها لي من المانيا وجلست انتظرها 3 شهور وبعدين لما وصلت جاء واحد عنده نفس المشكلة لكنه بدون ضمان فدفع فلوس واخذ القطعة اللي جايبينها لي واضطريت انتظر 3 او 4 شهور ((ما اذكر بالضبط)) حتى وصلت القطعه الخاصه لسيارتي ....والمشكلة الثانيه هي مشكلة قطع الغيار بصراحه نااار يعني غيرت سير المكينه اخذوا من تقريبا 700 ريال ...

تلاقي السير ب100 وشغل اليد 600..كالعاده

__________________

GM 2008

Some say

"The '08 car has a world-class interior, a two-tone design that is better over all than the Camry and the Accord. This Malibu is at least a match for both on the road in terms of powertrain and handling."

وكيل مرسيدس في دبي (قرقاش)




والله مافي شي صح في هذا الوكيل

يوم تشتري السيارة و هي جديدة مافي اي مشكلة لكن يوم تتدخل السيارة بعد 10000 كم تعال و شوف البلاوي و المشاكل

اقل شي بقول ان يسرقون قطع من سيارتك حق واحد ثاني هذا اقل شي

والله اني بستلم سيارتي باكر و كان المشكلة في المكيف و تصليحة يكلف 9400 درهم للمكيف فقط. اذا محد يصدقني بنسخ الفاتورة و بحطها

و في اشياء كثيييييييييييييييييييييرة

اذا كتبت المشاكل بياخذلي صفحتين او ثلاث

اذا حد قال ان صيانة قرقاش زينة يمكن يكون راقد. لاني اعرف ناس وايد عندهم مرسيدس و هم يواجهون نفس المشاكل مع قرقاش

اعرف ناس ارسلو رسالة حق مصنع مرسيدس بالمانيا يتكلمون عن مشاكل قرقاش

ولا تنسون هو كم رافع الاسعار اذا تشتري S500 من قرقاش انقول 480000 درهم مع مواصفات معينة و تحصل نفس المواصفات في EMC (وكيل مرسيدس ابوظبي) ب 450000 درهم

30000 درهم مش مبلغ بسيط

اخوكم
G 55

ماشاء الله عليك جبتها ... فعلا شغل يدهم اغلى من القطع مع ان الفنيين كلهم فلبينيين اللي يشتغلون بالصناعيه مثلهم او احسن منهم ...