>



صفحة 1 من 4 1234 الأخيرةالأخيرة
النتائج 1 إلى 6 من 22
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي نعم انا أناني .. نعم انا اخذ حق غيري


    السلام عليكم ورحمه الله وبركاته ..

    اتمنى انكم تكونون في افضل حال ..

    موضوعي اليوم الي حاب اتكلم فيه سبق وتكلمت عنه ولكن حاب ادخل فيه اكثر شوي ..

    من اطباعي اني اشوف الاخبار المحليه "اعتقد الاغلبيه نفسي" وبعدها اشوف الاخبار الاقليميه والعالميه والاقتصاديه الخ ..

    بين فتره وفتره في جريده الامارات اليوم .. اشوف صور سيارات تاخذ موقفين بشكل عرضي في المولات او المراكز التجاريه والتسوق .. تحت عنوان "حق الغير" ..

    نتكلم عن الي ساق و وقف في الموقفين بهذي الطريقه

    اعتقد فيزيائيا فيه شي اسمه لكل فعل رده فعل .. نعم هذا الكلام ينطبق على حياتنا اليوميه .. لكل فعل تجاهنا تصير لنا رده فعل .. شي طبيعي ..

    سؤال وجيه .. شو الي خلى صاحب السياره الفلانيه بإنه يوقف بشكل عرضي وياخذ حق حقه وحق غيره في المواقف ؟



    طبعا الاغلب عنده الاجابه .. الخدوش والاضرار الي تصير له ..

    سيارتي الاف جي عليها ضربات من الجانبين تكلفه تصليحها تزيد عن ال 3000 درهم ..
    عندنا بورش كايين مظروب ظربه على الباب على قوله القايل "ظربه كفر" يعني ظربه واحد حاقد على صاحب السياره الله اعلم منو يكون ..
    رانج روفر مخدوش بشكل متعمد على باب السايق .. احسبوا تكلفه البورش والرنج كم تصليحهن ..

    صارتلي و3 مرات .. مره في العربي مول في المزهر .. مره في الممزر .. ومره عند كافتيريا في المدينه الجامعيه .. سيارات توقف عدالي وطبعا العي عدالي ينزلون وطراااااخ سيارتي تنظرب ظربه القلب يعورك عليها وانزل واظاربهم ولكن التمسكن والدموع تخليك تتجاوز عنهم ..

    مستعد اتراسل مع جريده الامارات اليوم وبالفعل بتراسل معاهم وبرسل لهم الاضرار الي حلت بسيارتي وسيارات ناس اعرفهم والي تقدر بآلاف الدراهم ..

    واقولها بأعلى صوت .. مستعد ادفع ال 150 درهم غرامه على كل وقفه ولا تنظرب سيارتي ضربه تصليحها 500 درهم وبعد البيع يطيح من سعرها 2000 درهم ..

    نعم انا اناني .. ونعم باخذ حق غيري "لان غيري ماعطاني حقي"

    وشكرا

  2. #2
    الصورة الرمزية GMC LoveR
    GMC LoveR غير متصل مميز
    تاريخ التسجيل
    Nov 2008
    الدولة
    20
    المشاركات
    2,004

    افتراضي

    و الله شو اقولك .. كلامك منطقي لأبعد الحدود .. لكن تكلم منو انته ..؟!

    تكلم شعب يتكون من خليط عجيب من المواطنين و عشرات الجنسيات المختلفة ..

    ما ابالغ إذا قلت لك ان 90% من هذا الشعب الموقر .. الوعي الاجتماعي عنـده معـدوم في كل النوآحي ..

    اقصد بالوعي الاجتماعي اساسيات التعايش مع الآخرين في المجتمع ..

    و هذي الفئة تستحوذ عليها الجنسيات الآسيوية بشكل كبير .. خصوصا العمآلة الفقيرة منهم ..

    اولا شعوب - عذرا - قذرة لأبعد الحدود .. ما يعطـون أدنى احترام لنظافة لمكان اللي هم قاعدين فيه ..

    ثانيا "النظـام" و "القانون" كلمـات لا توجد في قاموسهم .. و لو تحاول تفهمه النظام بيقعد يطالعك مثل الاهبل حتى لو كلمته بلغته ..!

    ثالثا و الاهم .. يمشون على القآعدة الشهيرة [ مال عمك ما يهمك ] .. خرب كسر دمر .. عآآآآدي جدا مب ماله ..!

    و مب بس في الاموال الخاصة .. الادهى و الامر هو تخريب الممتلكات الحكومية ..!!

    ادري اني شطحت وايد عن الموضوع لكن هذي المقـدمة عشان اقولك ان في فئة من الناس اخلاقهم الاجتماعية زيرو

    و الواحد منهم ما يفكر ابدا بتكاليف تصليح سيارتك دام انه قدر يفتح باب سيارته على الآخر

    و يسمع صوت الطقة الحلوة على باب سيارتك و يطلع من سيارته و هو مرتاح و كأن شيئا لم يكن ..

    بالنسبة للحل .. انا عندي الحل و لكنه حل من المستحيلات طبعا .. و هو انك تدخل في مخ هالنوعيات - إذا كان عندهم مخ - ..

    و تبدله بأي قطعة كمبيوتر سكراب من الصنآعية تكتب فيها [ رفيق سوي فكر هذا نفر سيارة بعدين خراب ] ..!

    و الحل الثآني اللي هو مستحيل يطبق بعد .. ان تكون الحوادث ضد مجهول يتحمل تكلفتها التأمين سواء كان ضد الغير او شامل ..

    و طبعا مستحيل لأن هوامير التأمين بيحتجون و ما بيرضون رغـم ان هذا من حق الزبون حتى لو كان تأمينه ضد الغير بما انه [ متضرر ] و ليس [ متسبب ] ..!

    الحل الثآلث ان نهآجر اوروبا .. منبع الوعي الاجتماعي و النظامي ..

    الصراحة تنبهر بنظآمية هذي الشعوب و احترامهم للقوانين و احترامهم للغير بطريقة مدهشة ..!

    الحل الرآبـع انك تغطي بيبان سيارتك بربل [ مطاط ] و هذا الحل اشوفه الاسهل و الاوفر :D

  3. #3
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي

    الحل الخامس طال عمرك وقف عرض وتريا الامارات اليوم تصورك وانت سامت ..

    اشكرك على ردك .. فاهمني

  4. #4
    الصورة الرمزية GS430
    GS430 غير متصل عضو متميز
    تاريخ التسجيل
    Jan 2008
    الدولة
    29
    المشاركات
    2,526

    افتراضي

    السلام عليكم ورحمة الله وبركاتة


    كلامك صحيح 100%

    وذكرتني يوم مطلع لكزس من الوكالة جديدة بعده ما وصلت 1000 كلم

    و واقف في البارك وكان يوقف عدالي موطن و تبطل بنته الباب طاااااااااااااااخ في باب لكزس

    والله العظيم حفر حفرة في باب لكزس اهتزة لكزس من قوة الضربه

    نزل الحبيب يوم شافني معصب قالي " تعرف يهال مشكلة " وعطاني ظهر وكمل سيره وكان ما صار شي


    حتى كلمة " آسف أو أسمحلي " ما شي


    جان أقبض حديدة من الغصه الى فيه قلت بشق الباب له


    وعقب تعوذة من الشيطان وقالت أكون مظلوم ولا أكون ظالم

    وحقي يوم القيامة بأخذة منه ..


    حتى من قوة الضربة ما حصلت مكان يصلحة الا كان أصبغ الباب كامل

  5. #5
    الصورة الرمزية Precious
    Precious غير متصل عضو فائق النشاط
    تاريخ التسجيل
    May 2008
    المشاركات
    4,613

    افتراضي

    الحل الوحيد انهم يوسعون الباركنات يعني بدال باركنغ يخلونه باركنغ ونص عسب يوم تفتح الباب مادق الموتر الي عدالك .. او انهم يحطون حواجز بلاستيك او حديد بين كل باركنغ والثاني .. بس هم طماعين مايهمهم موتر الزبون اهم شي يدخل يشتري ويجلب ويهه ويطلع

  6. #6
    الصورة الرمزية IS300
    IS300 غير متصل مشرف سابق
    تاريخ التسجيل
    Sep 2008
    الدولة
    UAE & UK
    المشاركات
    4,416

    افتراضي

    كلامك عين الصواب .. و احيي الاخ جمس لوفر ..

    انا سيارتي تخدشت و ياها فوق 10 ضربات في رفرف's و القهر محد كتب رقمه ولا اتصل ( معنى رقمي مكتوب )

    كنت دايما اسير التامين و اظهر ورقة ضد محهول و الشركة حفظتني :S .. ( اخر شي قلت بلاها .. كل ما ارد من العين ساير التامين )

    مب حالة يا ناس .. هل هو عدم مبالاة من الناس ولا شو قصتهم

    ( انا ابا اعرف شي واحد الحين شركات التأمين عندنا تربح ؟!؟! )

صفحة 1 من 4 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14