>



صفحة 1 من 3 123 الأخيرةالأخيرة
النتائج 1 إلى 6 من 13
  1. #1
    jeep-co غير متصل مميز
    تاريخ التسجيل
    Jan 2010
    الدولة
    !!
    المشاركات
    467

    افتراضي عناااااد فيكم ما بشترك


    السلام عليكم ورحمه الله وبركاته ..

    اخواني انا في سنه التخرج .. وادرس "التسويق" وعندي خلفيه عن اساليب الدعايات والي اول عامل من عوامل النجاح هي المصداقيه و الوضوح ...

    قبل لا ناخذ امثله على عدم المصداقيه .. واخبركم قصتي ..

    البنوك مثال حي على استغفال العملاء بطريقه غير مباشره .. نقول الكريديت كارد او الفيزا كارد .. البعض على باله النسبه تبقى وحده .. ما عندهم علم ان الفوائد تتضاعف اضعاف مضاعفه .. و وقت ما تصير الوهقه او المشكله تقول ياليتني ما خذت الكريديت كارد ..
    عموما معروف ها اليومين اذا لك رغبه انك تستخدم اي خدمه من الخدمات البنكيه .. اسأل مجرد او حد قريب لك عارف بالحسبه وكيف راح يكون الوضع وقت الدفع للبنك ..

    عموما انا اتكلم عن الاعلانات

    نلاحظ اعلان للسياره الفلانيه .. نروح ونلقى السياره ذات مواصفات سيئه او حتى تنحرج تطلع فيها .. او حتى بعض المرات يقولك العرض فقط يسري في الفرع الفلاني !!



    موضوعي اليوم ..

    وانا اقلب الجريده امس .. شفت اعلان دو عن الانترنت المتحرك وكان العرض هو ان باقه ال2 جيجا سعرها 75 درهم .. والباقه اللامحدوده سعرها 150 درهم .. حلو .. طبعا نويت على الباقه اللامحدوده ..

    وانا طالع شفت دو قريب وقلت لربيعي .. فيه عرض عندهم الحين بسير اشتريه وانا مغمض "بالحرف"

    وصلت وعميل المبيعات واقفلي .. سألته عن الانترنت المتحرك ..

    تبدا الاحداث

    السلام عليكم .. عرض الانترنت المتنقل موجود ؟
    نعم موجود ..

    خلونا نشبه الصدمات بتبدييل الغيارات بما اننا في منتديا سيارات :D

    اول شي كتوووف محترم = العرض فقط يسري ل6 شهور وبعد مابتدفع ال 150 .. راع تدفع 400 درهم ..

    قامت السياره دخان :D = لازم تشتري اليو اس بي ب 200 درهم للسرعه 7.2 ميغا .. 400 درهم تقريبا 21 ميغا
    بدل 2 !! = لازم تشتري بطاقه عنهم واقل سعر 55 درهم ..

    بدل قير 3 = مجموع الي راح تدفعه اذا كنت تبغي الباقه اللامحدوده ..

    حاليا مع العرض
    150 + 55 + 400

    600 درهم ..

    قلت حق الموظف .. مب لان السعر ما ناسبني .. لانه اعلاناتكم مافيها مصداقيه وانا كزبون ما اعرف ان كل شي راح يكون غير الاشتراك .. عنااااد فيكم ما بشترك ..
    والله يقطع الاعلانات النصابه

    الصور المرفقة الصور المرفقة  

  2. #2
    تاريخ التسجيل
    Jun 2006
    المشاركات
    6,421

    افتراضي

    اصلن ها شي معروف من زمان انه مافي مصداقيه في الدعايا

    عسبيل المال يكتبولك في الدعايا انه سياره الفلانيه سعرها كذا و كذا و انك تقدر تاخذها بقسط و بهاذا السعر و تحت بخط صغير حتى الي نظره قوي مايشوفه قابل لشروط و الاحكام جي اظني يكتبونها و يوم سير يحطولك الف شرط و شرط و يكون ربحهم 100% او 90%

    اصلن اغسل ايدك من الدعايا الموجوده في الجرايد كلها جذب في جذب

  3. #3
    الصورة الرمزية FuLL MoOoN
    FuLL MoOoN غير متصل مشرف عام
    تاريخ التسجيل
    Jun 2006
    الدولة
    27
    المشاركات
    4,863

    افتراضي

    صدقت وشركات كثيره تتبع هالنظام من اتصالات وشركات سيارات وبنوك ....... الخ

    العميل لازم تكون عنده فكره وحاسبها صح وللأسف اغلب الناس يجرون خلف جملة (عرض ولفتره محدوده) وبعدها تتكر الجمله المشهوره ياليتني ماخذتها ونصابين وو.........

    على سبيل المثال سيارتي كنت متابعها من موديل 2009 وكنت ناوي عليها نزل موديل 2010 الاس ار تي والوكاله قالو سعرها 195 الف ريال بعد 3 شهور من نزولها قالو لي فيه عرض وسعرها 188 الف ريال وقالي الموظف ماراح تنزل اكثر من كذا وماشريت وطنشت وكنت اتابع سعرها بامريكا وكان من 45 الى 48 الف دولار وسبحان الله برمضان نزل سعرها الى 161 الف ريال وحجزتها وعرفت انه هذا سعرها المنطقي وحدها الادنى وماراح تنزل اكثر من كذا واخذتها

    باختصار العميل لازم يتبع اشياء قبل الدخول بعالم الفوائد او الخدمات طويلة الاجل اللي بتسحب منه فلوس
    من هذه الاشياء المتابعه + السعر المنطقي + الفوائد ان وجدت وطريقة حسابها التراكمي وبعدها يتوكل على الله ويشوف اللي يناسبه

  4. #4
    الصورة الرمزية ALSHAMSI 2
    ALSHAMSI 2 غير متصل مشرف سابق
    تاريخ التسجيل
    Nov 2009
    المشاركات
    2,711

    افتراضي

    صراحه جفت الاعلان وعجبني لكن عقب انصدمت بالي مكتوب تحت بالخط الابيض

    عند اتصالات وخدمه الاي لايف اول ست شهور ميتين او اكثر وبعدين يرتفع لكن مب ذاكر السعر

  5. #5
    الصورة الرمزية ERT
    ERT غير متصل Banned
    تاريخ التسجيل
    Jun 2006
    الدولة
    الشارقة
    المشاركات
    2,441

    افتراضي

    اقتباس المشاركة الأصلية كتبت بواسطة only V8 مشاهدة المشاركة
    اصلن ها شي معروف من زمان انه مافي مصداقيه في الدعايا

    عسبيل المال يكتبولك في الدعايا انه سياره الفلانيه سعرها كذا و كذا و انك تقدر تاخذها بقسط و بهاذا السعر و تحت بخط صغير حتى الي نظره قوي مايشوفه قابل لشروط و الاحكام جي اظني يكتبونها و يوم سير يحطولك الف شرط و شرط و يكون ربحهم 100% او 90%

    اصلن اغسل ايدك من الدعايا الموجوده في الجرايد كلها جذب في جذب
    اخطاء املائيه

    اصلن = اصلا

    الدعايا= الدعايات

    عسبيل المال = على سبيل المثال

  6. #6
    الصورة الرمزية IS300
    IS300 غير متصل مشرف سابق
    تاريخ التسجيل
    Sep 2008
    الدولة
    UAE & UK
    المشاركات
    4,416

    افتراضي

    اقتباس المشاركة الأصلية كتبت بواسطة ERT مشاهدة المشاركة
    اخطاء املائيه

    اصلن = اصلا

    الدعايا= الدعايات

    عسبيل المال = على سبيل المثال
    الريال شاد حيله و كتب و انت ماسكنه على الاخطاء

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14