السلام عليكم ورحمة الله وبركاته

يا أخوان أنا محتار الحين بين سيارتين

كلها تتميز بمميزات فخمة اللي هي هونداي أزيرا وتويوتا أفالون

وش اللي تشوفونها متطورة أكثر وأفضل أنتظر آرائكم

مرحبا اخوي
انا ماعرف اسم الهايونداي اليديده
اذا هي قصدك الليديده ترها واااااااااااايد حلوه وتوكل على الله
والافلون بعد وايد حلو
بس انا ارشح الهايونداي

__________________

قوة المحرك والاتساع الخلفي لصالح تويوتا

اما من ناحية السعر فهو لصالح هايونداي

أنا اقول تسوي تجربة قيادة للسيارتين وتشوف بنفسك الأفضل

__________________

أمحو ذنوبك في خلال دقيقتين

أخي الحبيب في الأخير أتمنى أن تدعوا لي ولوالدي بكل ما هو خير

وان تدعوا لي بالتوفيق في دنيتي وآخرتي و في دراستي

ولـ صاحب الفكرة جزاه الله ألف خير

ووفق الله ناشرها وقارئها وأدخلهم فسيح جناته

http://www.shbab1.com/2minutes.htm

الأزيرا هدوءها ممتاز حتى على سرعات عالية لكن قاسية شوي في المطبات وأشوف ان تصميمها افضل من الأفالون

الأفالون محركها اقوى (ازيرا 230 حصان والافالون 263)

لكن اشوف ناس كثير تشتكي من الازعاج في الافالون بعد سرعة 120

مادري كم سعر الافالون بالضبط لكن اتوقع الفرق بينهم 40 الف او أكثر شوي يعني مبلغ موبسيط

سعر اعادة البيع لصالح الافالون وبفرق كبير.. اذا انت من الناس اللي تحب تبدل سياراتها بسرعة فالأفلون انسب لك

بالنسبة لي افضل الازيرا


هذا موضوع مقارنة بالتفصيل لكن لاحظ ان الازيرا في الموضوع بمحرك 3.8 مايجي عندنا الخليج

http://www.motortrend.com/roadtests/...son/index.html

وهذا موضوع عن الازيرا

http://www.edmunds.com/insideline/do...ticleId=109613

اشوف الأفلون افضل محرك جديد ناجح قوي وواسعه وديكوراتها ومميزاتها عاليه اضافه ان شي ترتاح معاه

الهيونداي افضل من ناحيه السعر وهي جيده

بس الواقعيه انت تحتاج سياره محركها ناجح وجديد قوي ومايصرف بترول ومقصوره مريحه حق الي يجلسون معاك جمعت الراحه والقوه والفخامه

كمحرك وسيارة تمسك بعد البيع وكأسم بالسوق ارشح الافالون ... اما من ناحية السعر فالازيرا ارشح...
... المهم لاتنسى تستخير وتجرب السيارتين والخيره بما يختارها الله ...

والله شوف افضل الافالون يكفي عليها اسم تويوتا وهالشي مابتعرفه الا بعدين

بس حسب ماسمعت ان قطعها غاليه شوي

__________________

((ربي لا تذرني فرداً وأنت خير الوارثين))

من كل النواحي الافالون احلى واضمن

بعدين الافالون مكينتها 280 حصان للي فوق ^^^

ومن ناحية الجوده ترا اكيد التويوتا معروف

السلام عليكم ,,

انا ارشح الافالون ..

لاتنسى اسم تايوتا !!

من ناحية الفخامة الافلون افخم ,,

الازيرا حلوة بعد .. وسعرها مغري

انا جربتها .. قيادتها سلسة جدا

وتمشي مشية حلوة

280 هذي نصبة من الوكيل

قوتها 268 وانا ظلمتها في 5 حصان بالغلط

تقدر تتأكد من المواقع