مرحبا شباب حبيت اضيف لكم اليوم موضوع حلو وهو هل تأجر سياره فارهه اجرتها في اليوم 500 دينار كويتي ما يعادل 6.300 درهم اماراتي و6.500 ريال سعودي طبعا المبلغ كثير عالي لكن الاكثريه يتهاتفون على تأجيرها ولا ازيدكم من الشعر بيت بالدور والحجوزات سابقا كنا نشوف سيارت الامبو والفيراري والمرسيدس الفئه amg بشكل بسيط جدا اما حاليا دش اي فريج تلقي بورش فيراري لامبو الخ ..... طبعا ما اطول عليكم الموضوع راح يحلى بنقاشكم واقولكم انا عن نفسي ما اجر سياره بهل القيمه في اليوم واقول هل المبلغ هذا اشتري فيه احسن لاب توب و5 اجهزه نوكيا
ولو اجرت خلال اسبوع هل السياره اروح اشتري كامري من الوكاله 2006 وشباب اتمنى ان يكون في حسن الحوار مافي احد يجرح الثاني وبدون نرفزه ويكون نقاش هادف وحوار ممتع

[GLINT]تحياتي اخوكم الكونتش [/GLINT]

__________________

السلام عليكم والرحمه

انا لو عن نفسي لو عندي افلوس وراكب روز رايز او فراري وموتري في الوكاله بأجر هل مواتر الفخمه بس اذا كان حالتي وسط ليش اجر هل موتر ودفع هل كثر عشان الناس اتقول هذا راكب فراري ولا اي شي ثاني مع العلم ان في الامارات مواتر التأجير معروفه عند الشباب

تحياتي فديت الامارات

انا مثلك اخوي countach ..
لا احبذ استئجار السيارات الغالية الا في بعض الحالات النادرة والطارئة ...مثلا لو زارك ضيف عزيز جدا او في بعض الاحتفالات والاعياد ، او اذا حبيت تجرب السيارة قبل ما تشتريها تجربة مفصله تاخذ راحتك فيها مقارنة بتجربة سيارة الوكاله ...
وعموما في السعودية لا احبذ استئجار السيارات الفارهه ابدا لأن اسعارها جنونيه مقارنة بالخليج والمشكلة انها زي ما قلت مؤجرة اغلب الوقت ونادر تلقاها فاضية ....
اعتقد يعود السبب الى حب الظهور والكشخه عند شباب الخليج ، ولو انهم عرفوا كيف يستثمرون اموالهم بالطريقة الصحيحة ويحفظونها لأمتلك كثير منهم هذه النوعية من السيارات بدلا عن قيادتها يوم ولا اسبوع ...
ملاحظة : اخوي countach ، السيارة التي تؤجر ب6000 او 7000 قد تؤجر عندنا بالسعودية ب 10000 الاف او اكثر ،، وتؤجر بالامارات اقل من اي دولة في الخليج ...









اخوكم الشبابي

__________________

انا اتحدى

اول شي اقولكم مشكورين على الرد اخوي الشبابي اقولك انا معاك في النقاط اللي قلتها بس في مشكله صغيره وهي السياره المؤجره بعد ما يشبع منها صاحب الحلال من تأجيرها وبعد سداد قيمتها بل الكامل وزود الله يزيد الجميع انشاء الله ونتمنى الخير للجميع بس تدري وش يسوي قبل ما يبيع السياره يدخلها كراج الوكاله ويعملها سيرفس كامل وبوليش باضافه الى ترجيع العداد الى كيلو مترات اقل + تصليح جميح الدعمات طبعا الضحيه وهو الزيون المسكين اللي ما يدري انها اجار ولا يبيعها اقل من سعر السوق . الله يعين

__________________

والله ياخوي اذا ما عندي موتر .. لو الموووووت ما أأجر سياره .ز ان شاء الله لو كورولا او كامري .. لان ياخوي اذا لا سمح الله صارت مشكلة بالسياره او عملت حادث لا سمح الله .. انته المسؤول بكل شي و بيطلعلك مليون عيب .. بصراحة افضل اروح بتكسي كل مكان و لا أأجر سياره

__________________

هاي مغطيتها التأمين ابوي ما عليها خوف انت دافع تأمين دافع سواء استأجرت تيوتا ولا لامبورجيني

انا عن نفسي افضل لي اشتغل و امتلك هاي السياره هههه

لو عندي 500 دينار عشان أدفع أجرة السيارة في اليوم الواحد

فما بتكون عندي فلوس التأمين اللي بيررجعونه أصلا

بالنسبة لي ممكن أستأجر سيارة سبورت لكن أكثر من 50 دينار ما أعتقد *

* المعلومات قابلة للتغيير و التعديل حسب الحالة المادية لي يعني يمكن في المستقبل نشتغل شغلة عدلة و أستأجر بو 600 دينار ، و يمكن ما أحصل شغل يعني حتى بو 10 دينار ما أستأجر

__________________

لو ابي سياره فخمه بشتريها ما احتاج للأيجار

لان الي بيقدر يأجر سياره يوميتها 6 او 7 الاف اتوقع انه يقدر يشتري مثلها او احسن

ولا شرايك اخوي طرب نفسك كل يوم مو يوم واحد

عنا انا لايمكن استاجر سيارة بهذا المبلغ..

وذا كنت مصر دخل معاك شخصين او ثلاثة وخلوها بالقطة..

مرة مسكت معانا واستاجرنا لكزس جي اس 2005 ب 600 ريال في اليوم...
وكنا 3 اشخاص يعني 200 ريال للشخص

بس حللنا قيمة السيارة وقتها

__________________

اكبر مشكلة هي اذا كنت مو قد السيارة وتستأجرها ... يعني قبل سنتين جانا باكستاني كان يشتغل عندنا ويبينا نساعده ونطلع ولد عمه من السجن ... راح الوالد للشرطه وتبين ان ولد كفيل هالباكستاني طلب منه يستاجر BMW 745 بأسم الباكستاني والفلوس من الولد وافق الباكستاني بعد مادفع له الولد المقسوم وطلع بالسيارة بموكب تفحيط وصدم فيها طبعا شركة الذيب ((صاحبة السياره)) طالبت بحقها وسجنت الباكستاني ورفض كفيله يدفع قيمة التصليح وكانت اكثر من 20 الف يعني تساوي دخل الباكستاني في سنتين .. لما سمع الوالد هالقصة راح لشركة الذيب ووصل لاتفاق ان الوالد راح يدفع 15 الف بس واذا موعاجبهم تصير المشكلة بينهم وبين الكفيل والباكستاني و طبعا الشركة قدرت ان الوالد يدفع مع انه ماله دخل بس من باب الفزعه .... وطبعا بعد مادفع الوالد المبلغ الباكستاني حلف انه ما يجلس عند كفيله ودور له كفيل ثاني ... وهالباكستاني في هذا العيد مر علينا يسلم وجايب حلى باكستاني شاريه من البطحاء بس طعمه حلو