وين أحصل محل يصبغ كروم؟ وكم التكلفة يا أهل الخبرة

K10 · 06-11-2006, 12:56 PM

السلام عليكم ورحمة الله وبركاته

اخواني ادور محل يصبغ كروم في الشارقة

ياليت تشوفون محل اوكي صبغته مضبوطة وما تبين للكروم او النجل

وياليت تشوفون كم التكلفة ماعليكم امارة

المطلوب رنج مكسيما ينصبغ كروم او نجل بالكامل

قياس الرنج 18" × 4 رنجات طبعا

الزرعوني · 06-11-2006, 03:51 PM

هلا فيك اخوي ..

اذا اتدل وكاله الحبتور في الشارجة .. فيه دخله قبل الوكاله .. بتلقى محلات على يمينك ..

على ما اذكر ان الجنط الواحد بيكلفك 100 - 150 درهم .. و بياخذ يوم و نص ..

و اللي يشتغلون ايرانيين مب بنغاليه ... يعني شغلهم نظيف

K10 · 06-11-2006, 06:06 PM

اخوي الزرعوني انا دخلت الشارجة مرة وحدة وكنت رايح لمحل الفين !!!

وين بيكون المحل بعيد ولا قريب ؟

او اسم المحل لو تتذكره

الزرعوني · 07-11-2006, 12:26 AM

لااااا وين ياخوي .. بعيد عن الفين بوايد

اخوي .. لو اتدل نادي الشارقة الرياضي ..

اذا كان على يسارك النادي .. بتلقى اشارات جدامك .. تاخذها يسار ..

اتكمل سيده بييك بعد اشاره .. و اتكمل بعد سيده سيييده لين ما بتلقى وكاله الحبتور ( ميتسوبشي ) على ايديك اليسار ..

بعد مسافه بتلقى نيو تيرن .. ارجع منه ..

و قبل الوكاله فيه دخله اتدخلك المنطقة .. ادخلها .. و اول ما بتدخلها بتشوف على ايديك اليمين كراجات و بتلقى من بينهم محل يصبغ رنجات .. إسأل عنه و بيدلونك اذا ضيعت

و اذا بغيت اي مساعده .. راسلني ع الخاص

بالتوفيق خالد

Sayedco · 07-11-2006, 02:29 AM

و الله زينة الأسعار عندكم

آنا سمعت إنه الأسعار 40 دينار لأربع رنجات

رحت محل ، قالي 90 دينار :S ، يعني 900 درهم !!

السعر كصبغ رنجات ما يستاهل !

K10 · 07-11-2006, 11:00 PM

ماشي مشكلة اخوي الزرعوني

على العموم انا اخذت رقمك من ابوالعبد وان شاء الله ما اضيع

يحتايلي اروح والف على الشارجة مرتين في الاسبوع

وبحفظها ان شاء الله

الزرعوني · 10-11-2006, 03:57 AM

لووووووووووووووووووووووول

ماشي مشكلة اخوي

و اي وقت انا حاضر ..

سولي تيلفون بس

SparK · 10-11-2006, 03:14 PM

إنزين عندهم الألوان الثانية .. مثل الكروم المطفي و الاسود
وكم ياخذ على الرنج الواحد ؟؟؟

سلاااااااااام