>



صفحة 1 من 4 1234 الأخيرةالأخيرة
النتائج 1 إلى 6 من 22
  1. #1
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي وصول فورد اكسبلورر 2011


    بعد طول انتظار وصلت فورد اكسبلورر 2011 و نحن عدينا نص السنه
    وعلى قولة اهل البلاك بيري
    سندخل عام 2012 و ما زال . . . الخ



    المهم السياره وصلت الامارات حاليا و وصلت باعداد قليله للعرض و بعدها ما وصلت السيارات الي للزبائن

    ها السياره هي الوحيده الموجوده في الامارات الشماليه(الشارجه-راس الخيمه) ما ادري عن دبي بس اكيد عندهم وحده بعد

    المهم السياره انا شفتها و خذت فيها لفه عالسريع و بصراحه انصدمت من مستوى التطور الكبييير الي طال السياره

    يا جماعه السياره ما عادت هي نفس الاكسبلورر... السياره التليديه الي كنا نعرفها في السابق
    و ما عادت هي مجرد سياره دفع رباعي امريكيه بسيطه و عاديه بمواصفات مقبلوه و محرك جيد مقابل سعر في متناول اليد

    صارت سياره تزخر بكل ما هو جديد من تقنيات و مواصفات وصلوا لها في عالم السيارات


    بتكلم شوي عن مواصفات السياره و فئاتها واسعارها و بخليكم مع الصور

    و مع وعد تكون لها تجربه مفصله بعدين يوم بتوصل باقي السيارات

    اول شي بتكلم عن محرك السياره حيث تم الاستغناء عن محرك السياره القديم الي كان 4.0 لتر يولد 290 حصان

    الى محرك 3.5 لتر يولد نفس القوه مع زياده في العزم و تحسين كبير في استهلاك الوقود

    تم تزويد السياره بنظام دفع رباعي ذكي مثل الموجود في الرنج و نيسان باترول اليديد

    الي اشرف على تصميم السياره هو نفسه كان رئيس التصميم في لاند روفر و هو الي اشرف على الرنج روفر الحاليه

    فما استغرب من التطور الكبير الي وصلت له الاكسبلورر من ناحية التصميم الداخلي و الخارجي

    من غير نظام الدفع الرباعي الذكي تم تزويد السياره بأفضل انظمة السلامه
    من حيث تقنية الايرباج حتى يقولولي ان الكراسي الخلفيه حزام الامان فيه ايرباق!
    و من ناحية التراكشن و نظام نزول المنحدرات و انظمة الثبات و نظام البريك مع نظام تحذير من الاصتدام
    نظام تحذير الزاويه العمياء و نظام ايقاف السياره الاوتوماتيكي
    و نظام SOS مال الحوادث و غيره من الانظمه الي ما تحضرنا لكن على ها الانظمه بعد الاعتماد على الله
    المفروض اتكون السياره قمه من ناحية الامان و السلامه

    من داخل السياره اتي بنظام My ford اليديد الي يتوفر في فئات السياره ما عدا النوع البيسك

    هاذا النظام هو عباره عن شاشه و فيها التحكم بكل شي في السياره
    مسجل\مكيف\بلوتوث\نفجيشن\ . . الخ
    و مع وجود شاشتين صغار يمب العداد تقدر تتحكم بعد من خلالهم بمعلومات السياره و حتى المكيف تقدر تتحكم فيه من خلال السكان و حتى تكيف الكراسي و غيره

    ايضا نظام My key الي يمكن صاحب السياره من برمجة مفتاح سيارته
    مثلا يخليها ما تتعدا سرعه معينه او ما يتعدا صوت المسجل مستوى معين و غيره من الاشياء مثلا ما تقدر تفصل التراكشن


    السياره تنزل ب 4 انواع

    النوع الاول الي هو البيسك و سعره 119 الف درهم

    طبعا السياره ما فيها مواصفات وايد
    بس تقريبا هي كسياره افضل من الاكسبلورر فل اوبشن 2010 ههههه

    يمكن الفرق الجلد بس

    الفئه الي بعدها رقم 3 سعرها 134 الف

    تتميز عن البيسك انها تتوفر بنظام مايكروسوفت سينك و كاميرا خلفيه و بانوراما طبعا فيها شاشة ماي فورد

    رقم 2 سعرها 164 الف

    تتميز عن رقم 3 بنظام تحذير الزاويه العمياء و تشغيل بزر و و التشغيل عن بعد و الكراسي الصفه الثالثه تنطوي اوتوماتيكيا
    و نظام ماي كولور الي يخليك تتحكم بألوان الاضائه الداخليه

    بالنسبه لرقم 1 الي هي الفل اوبشن سعرها 174 الف
    تفرق عن الي قبها بنظام مثبت السرعه الذكي او مثل ما يسمونه رادار و نظام تحذير الاصتدام
    حساسات مطر
    رنقات 20
    مصابيح HID
    نظام ايقاف السياره الاوتوماتيكي



    و انا جربت نظام الايقاف كان جدا سهل الاستخدام و ممتاز و بالنسبه لأداء السياره تقريبا نفس اداء الشكل السابق مع تحسن خفيف و هدوء في المحرك

    يعيب السياره شوي العزل يمكن لانها بانوراما ؟
    ما ادري شو السبب لكن عزل السياره كان ما اقدر انه سيء ولا اقدر اقول انه ممتاز
    يعني جيد نوعا ما

    المهم اخليكم مع صور السياره مع طلب من الشباب الي يقدر يحطلي الشعار عالصور بكون له من الشاكرين
    لان ما عندي فوتوشوب ان شا الله بنزله بس حاليا ما عندي وقت انزله



    فديت الموستنج الي ورا بس
























    تابع تحميل بعض الصور
    الصور المرفقة الصور المرفقة           
    التعديل الأخير تم بواسطة grandv8 ; 24-07-2011 الساعة 06:39 PM

  2. #2
    الصورة الرمزية بو علي
    بو علي غير متصل مشرف عام
    تاريخ التسجيل
    Jan 2007
    المشاركات
    10,418

    افتراضي





    الصور المرفقة الصور المرفقة    
    التعديل الأخير تم بواسطة grandv8 ; 24-07-2011 الساعة 06:41 PM

  3. #3
    الصورة الرمزية grandv8
    grandv8 غير متصل الإدارة
    تاريخ التسجيل
    Jun 2006
    المشاركات
    28,640

    افتراضي

    السلام عليكم ورحمة الله وبركاته

    اشكرك اخوي بوعلي على التغطية والتجربة السريعه للسيارة وفورد ابدعت في اكسبلورر 2011 بشكل كبير.

    مزايا حلوة ومنافسة سعره بالنسبة لشفر ترافيس وجمس اكاديا.

    المواصفات الوقوف الاتوماتيكي.


    جزاك الله خير
    التعديل الأخير تم بواسطة grandv8 ; 24-07-2011 الساعة 06:44 PM

  4. #4
    ecowash غير متصل عضو نشيط
    تاريخ التسجيل
    Oct 2007
    المشاركات
    64

    افتراضي

    واخيرا نزلت بس الى الان ما نشوفها بالسعودية سبحان الله كنت ناوي عليها بس تاخرت شوي وخذت تاهو وله عندي سنة والى الان ما نزلت

  5. #5
    الصورة الرمزية بدرآ طلع
    بدرآ طلع غير متصل عضو نشيط
    تاريخ التسجيل
    Dec 2008
    الدولة
    1/يوليو/
    المشاركات
    50

    افتراضي

    التوقع بهذي التقنية ستحصد أعلى الجوائز ..
    سلمت على التقرير بوعلي

  6. #6
    تاريخ التسجيل
    May 2007
    الدولة
    23
    المشاركات
    5,600

    افتراضي

    السلام عليكم

    شيء جيد من فورد انهم غيرو التصميم القديم لاننا ملينا منه من سنه ٢٠٠٣ الى ٢٠١١

    والي يهم اكثر اتمنى انهم حلو المشاكل والعيوب الي كانت في الموديل القديم مثل صوت المكيف و مشاكل الجيربوكس والدفرنش

    كشكل اعطيها ٧ من ١٠ الواجهه نوعاً ما ماعجبتني لكن تغييير جيد

    الداخليه اعطيها ٨ من ١٠

    المواصفات اعطيها ١٠ من ١٠ لانها توفقت على المنافسين بشكل قوي جداً

    والسعر بعد اشوفه مرتفع شوي لكن مقارنة بالمواصفات الي فيها يعتبر معقول

    ابي اشوفها على الطبيعه حتى احكم عليها صح لان هالفئه او هالحجم من السيارات هو المفضل بالنسبه لي سياره دفع رباعي ومن حجم متوسط. بحيث سهل استخدامها بشكل يومي وتنفع لاكثر من استخدام
    التعديل الأخير تم بواسطة عاشق الالماني ; 25-07-2011 الساعة 12:26 AM

صفحة 1 من 4 1234 الأخيرةالأخيرة

المواضيع المتشابهه

  1. مشاركات: 3
    آخر مشاركة: 17-10-2008, 12:22 AM
  2. فورد اكسبلورر
    بواسطة سدير في المنتدى قسم البيع والشراء
    مشاركات: 6
    آخر مشاركة: 26-10-2007, 01:03 AM
  3. وصول فورد اسكيب الجيل الجديد في الامارات
    بواسطة بو علي في المنتدى أخبار السيارات
    مشاركات: 7
    آخر مشاركة: 24-05-2007, 09:36 PM
  4. وصول فورد اكسبلوررسبورت تراك و LR2 عند الطاير
    بواسطة بو علي في المنتدى قسم السيارات العام
    مشاركات: 11
    آخر مشاركة: 29-04-2007, 02:26 PM
  5. وصول فورد ايدج الى الامارات + تحديث لاسعار فورد
    بواسطة غريب السيف في المنتدى أخبار السيارات
    مشاركات: 23
    آخر مشاركة: 29-01-2007, 07:49 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14