السلام عليكم ورحمة الله وبركاته

اليوم مريت على صالة الطاير للسيارات فرع الشارع الشيخ زايد.
ولم استطع التصوير السيارة .
سالت عن اسعار فورد تورس فقط.
والسيارة جميعها متوفر بكمية للموديل 2011 وموديل 2012 بينزل قبل نهاية السنة..

محرك 6 سلندر بقوة 260 حصان و6 تباديل للقير,


فورد تورس SEL بسعر 119 الف درهم.



كراسي جلد وتباديل قير في المقود وبدون شاشة ملاحة وبدون تدفئة وجلد,


فورد تورس LIMITED بسعر 145 الف درهم.



كراسي جلد وشاشة ملاحية وكاميرة امامية لتنبيه السيارة لحد المسافة بين السيارتين انثاء سيرها، وتدفئة وتبريد للكراسي ورينكات كروم والخشب لون رمادي غامق.


فورد تورس SOH وسعره 175 الف درهم.



تنزل عليه كراسي لونين بني واسود ومحرك تيربو 365 حصان



المزيد من الصور على هذا الرابط:

2012 Ford Taurus | View Full Gallery of Photos | Ford.com

وهذا صور ومقارنة وسعره في امريكا

انا قبل اسبوع كنت في وكالة الطاير

و كانت عندهم وحدة فيها جلد و سعرها 109 الاف

و الاس اتش او قالي بتنزل بعد فترة و سعرها حدود 170


بس سيارة تستاهل صراحةً قوة و فخامة و جودة

سعرها يبدا عندنا من اقل من 100 الف

الاسعار تغيرت وصارت غالية وايد .....الطمع وصل للطاير في سيارات فورد اخيرا وكنت اظنه الوحيد اللي يبيع سيارات بسعر معقول .....

توجد فئة se ما ذكرتها يا جراند وهي الوحيده اللى سعرها قريب جدا من سعر امريكا وتبدأ من 84 الف درهم

اما ليميتد كانت السنة الماضية ب125 الف والايكو بووست كانت ب155 الف ........20 الف زيادة من أخر مرة سالت فيها عن السيارة قبل سنة !!!!!!!!!!!


الايكو بووووووووست حدها اصلا 155 الف درهم مع نظام الدفع الرباعي والتيربو ......

السلام عليكم ورحمة الله وبركاته

هلا اخواني

بخصوص اقل فئة لم اشاهدها في الصالة وهذه الاسعار في رمضان وعندهم كم لون فقط ، والسيارات خلصت ، على قولت مندوب المبيعات.

جزاكم الله خير

هاك اليوم خبرني موظف الطاير ليش زوايدين الاسعار

زايدين الاسعار عشان يتحايلون على البنوك بسبب قرار الدفع الاولى 20%
فهم زادو السعر بس انت يوم بتاخذها بيسوولك خصم شي جي المهم ان هو خبرني انهم سوو طريقه يتحايلون فيها عالقرار و ها الزياده هي الحيله هههههههه
يعني نقص من قيمة السياره 20 الف بيكون ها سعرها الاصلي