>



صفحة 1 من 3 123 الأخيرةالأخيرة
النتائج 1 إلى 6 من 13
  1. #1
    الصورة الرمزية rfee3 el mestwa
    rfee3 el mestwa غير متصل عضو متميز
    تاريخ التسجيل
    Jun 2006
    الدولة
    25
    المشاركات
    2,683

    افتراضي لعبة Dark Souls ... هل جاهز للموت ... Spoilers


    السلام عليكم و رحمة الله وبركاته

    طبعا اسم الموضوع مستوحى من اللعبه و هي Dark Souls و صحيح ان الموت فيها محتم و لو كنت من أقوى اللعيبه في العالم .

    اللعبه نقدر نعتبرها الجزء الثاني من لعبة Deomen Souls اللي طبعا فازت بالعديد من الجوائز السنتين اللي مضت و ايام قليلة تفصلنا عن الانطلاق الرسمي للعبه ...










    نوع اللعبة : Action RPG
    الصعوبة : 8 من 10
    طريقة اللعب : Online or Offline
    العوالم او المناطق : غير معروفه ( بناء علي اللي قاعد العبه الحينه 15 ساعه 5 اماكن ومختلفة الصعوبة )

    _________

    تقييم 9 من 10 ( IGN )



    _________


    شرح بسيط عن اللعبه : اللعبه مثل ماقلت إنها Action RPG يعني فيها تطوير لشخصيتك و اسلحتك , و الدروع , و الملابس و حتى المساعدات مثل الطاقة ... في بداية اللعب بتحس إنك ضايع و ماتعرف شو القصة أو وين تسير أو شو تسوي , ريح بالك فالمشوار طويييل ...

    الشخصيات :

    طبعا عندك العديد من الشخصيات تختار منها في اللعبه , الحرامي , الفارس , و الساحر و الكثير و العديد له خواصه و إنته عليك تشد حيلك و تختار اللي تحبه ...
    في البداية تبدا في منطقة تحضيرية لما هو الأسوأ القادم لك و بعدها للمنطقة الثانية و الثالثة و هلم من ذلك . عليك ان تركز على كل شخصية تتكلم معاها في اللعبه و تفهم شو يقول او يقصد و لاتضرب اي واحد من اللي واقفين بروحهم و شكلهم طيبين ومحترمين , ترا في شخصيات مسجونة و تقدر تطلعها و لكن إذا خليتهم أحياء بيقتلون كل الشخصيات الطيبية في اللعبه لأن من الشخصيات الطيبة الباعه , اللي يعلمونك السحر و السحر الابيض مثل المعالجة من اللتسمم , اللعنات و الكثير من الامور .. يعني ركز على شكلهم و يبينون هم اصلا شكلهم يكون شرير و يوم تقتلعم يعطونك انواع من الادوات او الاسلحة العجيبة و القوية ..
    ركز على كل شي تلبسة مثل الخواتم : في بعض الخواتم قوية لكن إذا لبستها مره و شليتها تنكسر و ما تتصلح للاسف وفيها خواص عجيبية و غريبة مثل يساعدك يوم طاقتك تكون نازلة , واحد يحميك من السموم و واحد يحميك من اللعنات وهلم من ذلك القبيل ...
    ركز على الاسلحة لأن فيها مدة معينة و تخترب و في بعض الاحيان تنكسر و تحتاج لشخص مختص بالاسلحة إسمه blacksmith موجودين 2 حاليأ إكتشفتهم واحد في المنطقة الثانية تحت الارض و الثاني في مكان بعيد بتوضله بعد 10 ساعات لعب .
    ____

    طريقة اللعب الأونلاين :

    اللعب أونلاين مختلف عن بقية الألعاب مافيه سيرفرات تنتظر تلعب فيها , حال ماتبدا تلعب و تتكلم مع الشخصيات الطيبة بيعطونك حصاة معينة بيضة تقتدر تسخدمها إستخدام غير محدود و فيها تستدعي اي شخص يلعب أونلاين يدخل عالمك و يساعدك ..

    لحظة , لاتنسى إن في ناس أونلاين يقدرون بعد يدخلون عالمك غصب و يذبحونك و يسمونها Invade شدوا حيلكم و خذوا كتاب إسمه guilty book يسجل اسم اللي دخل عليك و عقب تقدر تنتقم منه ( ياسلام إحساس جميل )

    ( حاليا الاونلاين مقفل للأسف إلين الإطلاق الرسمي )

    ____

    نصيحة : لاتدخل في معارك من الفرسان العمالقة و إنته توك بادي اللعبه لأنهم أقوياء و في ضربة وحده بيذبحونك و خلك مستريح . مثال:

    الفارس الأسود : على الاقل يكون عندك سيف محترم و قوتك لاتقل عن 20
    الفارس ( الفضي ) موجود تحت في الطابق السفلي للقلعه : لاتقل عن 25

    ____

    حاول أنك تكون منتبه لكل شي و لا تستعجل في التحرك في مكان جديد و غريب لأنك ماتعرف شو بيطلعلك و خاصة في المعارك خذ راحتك و ادرس الوحوش شو تسوي و إبني استراتيجيتك عليها .


    ____

    انا حاضر لاي سؤال في اللعبه و آسف إذا لخبطتكم شوية

  2. #2
    الصورة الرمزية Mayed9990
    Mayed9990 غير متصل عضو فعّال
    تاريخ التسجيل
    Dec 2010
    المشاركات
    659

    افتراضي

    مممممممممممم مادري افكر اخذها ..

    مع اني لعبت ديمون سولز ماعرفت افهمها حسيتها معقدة و صعب اقيمها فا تركتها

    شفت اخوي شارنها مادري يقولي من محل .. استغربت قلت له شارنها اون لاين !!

    قالي لا من محل .. و يقولي بعدها ما نزلت ههههههه مادري

    المهم شكلي باخذها .. الصراحة انت حمستني للعبة .. بس ما بلعب روحي الا انت وياي ههههههههههه

    لاني اخاف

    يعطيك العافيه ..

  3. #3
    الصورة الرمزية rfee3 el mestwa
    rfee3 el mestwa غير متصل عضو متميز
    تاريخ التسجيل
    Jun 2006
    الدولة
    25
    المشاركات
    2,683

    افتراضي

    اقتباس المشاركة الأصلية كتبت بواسطة Mayed9990 مشاهدة المشاركة
    مممممممممممم مادري افكر اخذها ..

    مع اني لعبت ديمون سولز ماعرفت افهمها حسيتها معقدة و صعب اقيمها فا تركتها

    شفت اخوي شارنها مادري يقولي من محل .. استغربت قلت له شارنها اون لاين !!

    قالي لا من محل .. و يقولي بعدها ما نزلت ههههههه مادري

    المهم شكلي باخذها .. الصراحة انت حمستني للعبة .. بس ما بلعب روحي الا انت وياي ههههههههههه

    لاني اخاف

    يعطيك العافيه ..
    الله يعافيك الغالي , شوف انا لعبت daemon Souls اكثر من 8 مرات ورا بعض و صار Level مالي 180 و عقب وقفت اما واحد من ربعي ناوي على البلاتينبوم , ماعلينا المهم اللعبه يبالها صبر وااايد ومادري عنك , شوف اخوك إسأله , لازم تقرا وااايد بعد خاصه wiki مالها بينزل بعد كم يوم , ...

    اللعبه مسربه عندنا و في كندا :) و انا وياك على الدرب ماعليك ...

  4. #4
    الصورة الرمزية fALCON
    fALCON غير متصل مشرف عام
    تاريخ التسجيل
    Jul 2006
    المشاركات
    3,976

    افتراضي

    فعلا فيها صعوبة .. مب تعال واضرب اضرب اضرب

    حتى لو تساهلت بشكل بسيط مع الوحوش الضعيفة .. خلاص game over

  5. #5
    darksouls غير متصل عضو جديد
    تاريخ التسجيل
    Oct 2011
    المشاركات
    3

    افتراضي

    عندي مشكله في andor londo دائما فيه باب ضباب لونه اصفر وش الحل ياجماعة

  6. #6
    الصورة الرمزية rfee3 el mestwa
    rfee3 el mestwa غير متصل عضو متميز
    تاريخ التسجيل
    Jun 2006
    الدولة
    25
    المشاركات
    2,683

    افتراضي

    اقتباس المشاركة الأصلية كتبت بواسطة darksouls مشاهدة المشاركة
    عندي مشكله في andor londo دائما فيه باب ضباب لونه اصفر وش الحل ياجماعة
    ماشاء الله عليك واصل بعيد إنته انا بعدني هههه



    المهم تبا نصيحتي تريا لين باجر بفتحون الاونلاين wiki و بتعرف ان شاء الله كيف بتطوف ..

صفحة 1 من 3 123 الأخيرةالأخيرة

المواضيع المتشابهه

  1. Dark Void لعبة الاكشن من Capcom
    بواسطة Bu_7maid في المنتدى استراحة شباب الخليج
    مشاركات: 1
    آخر مشاركة: 25-06-2009, 12:27 PM
  2. ديمو لعبة Alone In The Dark قادم بتاريخ 13 يونيو
    بواسطة Bu_7maid في المنتدى استراحة شباب الخليج
    مشاركات: 0
    آخر مشاركة: 30-05-2008, 09:51 AM
  3. جاهز للريس
    بواسطة Patrol 5.6 VVEL في المنتدى استراحة شباب الخليج
    مشاركات: 1
    آخر مشاركة: 18-05-2008, 10:19 PM
  4. ديمو Alone in the Dark قادم في شهر مايو
    بواسطة Bu_7maid في المنتدى استراحة شباب الخليج
    مشاركات: 1
    آخر مشاركة: 12-04-2008, 07:14 PM
  5. عش ولا تقل للموت (لا) مرتين غداً!!!
    بواسطة ®Mr_Friday في المنتدى استراحة شباب الخليج
    مشاركات: 1
    آخر مشاركة: 15-05-2007, 05:34 PM

الكلمات الدلالية لهذا الموضوع

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14