>



النتائج 1 إلى 5 من 5
  1. #1
    s351 غير متصل عضو نشيط
    تاريخ التسجيل
    Aug 2007
    المشاركات
    81

    افتراضي وكالة دودج-الكويت-انحش


    دخلت سيارتي حق سيرفس 15 الف وجم مشكلة عندي وكان يوم السبت الفاحص الفني عطاني موعد لاستلام السيارة يوم الخميس يوم الخميس من الساعة 9 صباحا وانا اتصل ومافي احد يرد قلت انام واروح العصر, العصر من الساعة 3 اتصل لغاية الساعة 4 ومافي احد يرد خذيتلي تكسي ورحت لهم اكتشفت انه الخميس نص دوام والصبح الرسيبشن ماكانو مداومين على حساب الزباين الي يتصلون ومافي احد يرد عليهم, سألت عن السيارة قالولي موخالصة داخل الورشة قاعدين يشتغلون عليها على مشكلة البريك وتم اصلاح المشاكل الاخرى,وانا طالع من الوكالة شفت بالباركنغ ولا سيارتي سافطة رديت حق مدير العلاقات العامة موذاكر اسمة حاليا وقلتله قالي ها ماادري مااقدر افيدك تعال السبت علشان تتكلم مع مسؤل الكراج .
    يوم السبت رحت الوكالة وقبل لا يشرف المسؤول سألت الفاحص عن السيارة رد علي تم اصلاح جميع المشاكل وهذا اوراقها وطالعين فيها تست درايف وكل شي اوكي قلتله السيارة شلون طلع تست درايف والسيارة مازاد فيها كيلو واحد قال مايحتاج كيلو الفحص امتار قلتله انا مشتكي من شغلة وعلشان تفحصها لازم تمشي 60شوي بعدين تزيد السرعة وين سويتوله التست مو المفروض على خط سريع سكت وقال هذا الي جدامي بالاوراق مااقدر اقولك شي شوف المدير دخلت على المدير سألته عن السيارة قالي خالصة بس باقي مشكلة المكيف رديت عليه شلون تقول باقي المكيف والفاحص يقول خالصة وطالعين فيها تست درايف وجاهزة للتسليم والخميس تقولون البريك والسيارة من الخميس مقطوطة بالباركنغ محد حركها والمشاكل الي مسجله بالكارد جوب بعدها بالسيارة والسيارة عندكم من السبت الي طاف شنو بس بدلتو زيت وفلتر قلتله اطلع معاي شوف السيارة واوريه المشاكل البسيطة الي مسجلة وبعدها موجوده يعني عندي صوت لما ادوس بريك لنة الدسك وصخ يحتاج تنظيف اشوفه بعده وصخ ماتنظف البلاستيكة المثلثة مفتوحة تحتاج لاصق دبل فيس وماسويتوها قعد يتحجج لا انطر لما تنغسل السيارة قلتله شنو تنغسل السيارة شي مله شغل بغسيل تقولي انطر لما تتغسل السيارة وانا اتكلم رن تلفونة سألني بس ارد على التلفون جاوبتة لا ترد على التلفون انا قاعد اكلمك حل مشكلتي بعدين افضى حق تلفون رد علي (يلعن ام التلفون احكي شو بدك) وريته ضربات على السيارة بسبب اهمال موظفينه قعد يقول شو من عنا من عندك قلتله روح شوف اوراق التسليم واهو ماله خلق قالي انطر بالمكتب وانا ايك وطلع تلفونة علشان يتصل على الي كان داق علية , نطرتة بمكتبة يالي بعد 7 دقايق تقريبا
    سألته خلصت تلفونك قال انطر اشرح لك قلتله ماابيك تشرح انا اسألك خلصت تلفونك وفضيت علشان تحل مشكلتي قال لا تسمع شنو عذري وليش ابي ارد على المكالمة قلتلة لا ترفع حسك وجاوبني خلصت تلفونك قعد يصرخ وانا اصرخ دخل كويتي نائب مدير العلاقات العامة يشوف شنو المشكلة قاله المدير اخذه طلعه برة الكويتي قالي امش مكتبي طلعت معاه ولا المدير يصرخ يقول انا مااشتغل عندك ولا فاضيلك ولا فاضي حق سيارتك وماني مشتغل فيها

    الكويتي مشكورا شاف الجوب كارد وعطاني موعد يسلموني السيارة يوم الاثنين يعني 9 ايام.

    طلعت من عنده وكلمت مستشار المبيعات بالوكالة وقالي تعال ادخلك على المدير وتقولة المشكلة وانشالله مايصير خاطرك الا طيب
    دخلني على المدير واسمة ماهر بوشعبان ووقتها كان قاعد احد عيال بهبهاني عنده وشرحتله المشكلة والي صار طبعا عطاني الشمس بايد والقمر وبايد والكلام المأخوذ خير وانا راح اتابع وراح اكلم مدير الخدمات شخصيا الي يعتبر فوق المسؤل الي تهاوشت معاه علشان يحل مشكلتك.

    يوم الاثنين اتصل الكويتي وقالي تعال استلم سيارتك خالصة رحت لهم الساعة 2.45 قالولي سيارتك خالصة اوكي قبل لا استلمها سويت حركة السويج ويطلعلي الكود
    p2110 +p2118
    سألتهم خلاص استلم السيارة قالو اي حلينا المشكلة وكله تمام قلتلة شنو الكود هذا توهق البطل ويدخلون السيارة علشان يسون سكان حقها من الساعة
    ثلاث الا ربع الى الساعة خمس وانا طول فترة انتظاري ابي اشوف الريبورت مال شغلهم وكل شوي واحد يقول الحين بريك , اوكي استريح شوي ايبلك ياه , الاوراق وي الفني وطالع يجرب سيارة يعني بالعربي يتهربون بعدها يالي الفني وقال اسف ماحلينا المشكلة لازم تخلي سيارتك عندنا واحنا باجر نكلمك نقولك خلصت ولا لا هديته ورحت حق مدير الخدمات الي المفروض عنده خبر بمشكلتي بحكم انه ماهر بوشعبان يكون كلمه بخصوص السيارة واكتشفت انه مايدري اي شي عن السيارة ولا كلمة احد ولا شي نادى مدير العلاقات العامة الي اول شي يقول مااقدر اسويلك شي علشان ياخذ السيارة ويوديها الورشة الثانية لنهم بيصكرون قلتله شلون استلم السيارة وانتو مو مخلصينها رد لا ماعليك هذة برمجة 5 دقايق وتمشي ادفع فلوس السيرفس وخل نروح , رحنا اهناك الفلبيني بطل تحت السكان وحاول لغاية ساعة 7 تقريبا اخر شي قال لازم تظل السيارة جهاز الفحص مو راضي يشبك صح مع السيارة يفصل
    ياني مدير الكراج الثاني قالي خلاص مافي شي قلتله شلون مافي شي والكود رد لا هذة برمجة قلتله اوكي برمجها عيل كلم العامل رد عليه مايقدر وهذه مو برمجة لازم تظل السيارة يشوف مشكلة الجهاز ليش مايكمل فحص بعدين يشوف مشكلة الكود

    ياني الي اخذ السيارة من الكراج الرئيسي قالي خلاص اخذ السيارة وباجر تعال نسويلك ياها بعدين لا تخاف ماطلعتلك علامة البرق قلتله الحين السيارة صارلها 9 ايام عمل عندكم وعشر ايام انا بدون سيارة والسيارة فيها مشكلة وتقول علامة برق وماادري شنو اصلا انتة حتى ريبورت قلتلي معاك والحين تقول مومعاك
    ثاني يوم رحتلهم السوبر فايزر الهندي اهو اشتغل على السيارة ماسلمها احد نفس امس
    نص ساعة قالي خلصت سيارتك, شنو كانت المشكلة رد عندك سن من السنون معوج علشان جذي ماقاعد يكمل فحص السيارة اما بخصوص الكود طلع واير مفصول من مكانة وماادري ليش فاصلينة بالاساس .
    ----------------------------------------------
    اخوي دخل سيارتة حق سيرفس 40 الف ودفع تقريبا 160 دينار السيرفس الي بعده قالوله نفس المبلغ لما سأل ليش قالوله راح نبدل كذا وكذا وكذا واهي شغلات المفروض انها تبدلت بسيرفس 40000 رد عليهم شلون وانا دافع المرة الي طافت ردو عليه مو مبين بالكمبيوتر انزين شلون دفعتوني المرة الي طافت 160 الفاتورة مو تطلع من الكمبيوتر ولا مزاجكم ولما طلع الفاتورة بدلو الشغلات ببلاش لنهم اصلا ماتبدلو
    يعني بالعربي حرامية اصلا في موظف رجع على شالنجر ودعمه وكسر كلبس الدعامية مااهتم لنهم ثنتينهم سيارات زباين
    -------------------------------------------------
    طبعا حاولت اني اتكلم مع المركز الاقليمي بس ماكو فايده بعد 10 دقايق انتظار قالتلي لا لازم تدز ايميل والايميل الي عطتني ياه غلط رغم انه خذيته حرف حرف
    -----------------------------------------------
    المشاكل الي دخلت عليها السيارة وانا ادري بحلولها وانتو حكمو
    صرير بالابواب الحل تنظيف المكان وتشحيم
    صرير من مقعد المرافق - تشحيم
    الزاوية المثلثة فاتحة - دبل فيس لاصق
    صوت بالبريك- يجيك على الفحمات وتبديلها اذا احتاج او تنظيف الدسك والفحمات
    لاغ(تأخير) لما تدوس مرة وحدة من 60 مثلا الي 120
    طبعا قالي الهندي سوينه اعادة برمجة للجير

    والسيرفس
    -----------------------------------------------------
    تدرون القراج الرئيسي جم فني فيه ؟؟؟
    !!! مايتعدون 7

    تدرون الخدمة السريعة زيت وفلتر شكثر تطول ؟
    صح الوكلات الثانية نص ساعة ساعة اما اهم يوم ,يوم ونص


    اذا كنت تفكر تشتري دوج كرايسلر جيب من الملا وبهبهاني رد فكر صحيح انها سيارات تحسنت بس الوكيل اسوء السيئين وتقدر تسأل اي شخص يمتلك سيارة منهم

    وعموما لا تفكر تاخذ من بهبهاني شي لنه اساسا معاملتهم زفت حتى البورش

  2. #2
    الصورة الرمزية FuLL MoOoN
    FuLL MoOoN غير متصل مشرف عام
    تاريخ التسجيل
    Jun 2006
    الدولة
    27
    المشاركات
    4,863

    افتراضي

    ماقول الا الله يعينكم ووكيلكم عجيب يقل ادبه واهمال ونصب عيني عينك هالوكاله حاله خاصه بصراحه

    بالسعوديه سيارتي الكرايسلر كانت لادخلتها ماتقعد اكثر من يوم يعني مثلا ادخلها الصبح واستلمها اليوم اللي بعده وتعاملهم مقبول معاي ولو انها بعض القطع مو متوفره ومراكز الصيانه ينقصها الحجم والعمال لكن يؤدون الغرض على الاقل

    انصحك لاتسكت قدم شكوى لمقرهم بالامارات وارسل تفاصيل كلشي لهم من اهمال الى عدم احترام العميل وقدم لهم اسماء اللي غلطو عليك ومناصبهم صدقني بيدقون عليك بيحطونك فوق روسهم هالتعبانين

    كل الوكلاء للاسف بهالطريقه تعال شوف عبداللطيف جميل اعرف ناس معاهم سيارات مايقل سعرها عن 250 الف من لكزس او كروزر لاراحو للصيانه يحسسونهم انهم يشحتو منهم

  3. #3
    s351 غير متصل عضو نشيط
    تاريخ التسجيل
    Aug 2007
    المشاركات
    81

    افتراضي

    الله يعينكم بعد اخوي على الوكلاء الي همهم المال
    للاسف موقادر اوصل حق الشركة بالامارات التلفون يقولون دز ايميل الايميل يطعلي غلط ترجع تتاكد يقولولك نفس الايميل موقعهم يعطيك ايرر لما تحاول تسوي كونكت اس

    للاسف انه الوكيل اهو قاعد يطيح سمعة السيارة مو خراباتها

  4. #4
    ®Ahmad.M غير متصل عضو متميز
    تاريخ التسجيل
    Oct 2009
    الدولة
    20
    المشاركات
    2,973

    افتراضي

    اقسم بالله الوكيل اللي للان احترمه .. التوكيلات العالمية للسيارات

    قد ماشفت شرشحة وانقطاع وقلة ادب ف الوكالات الباقية عبد اللطيف جميل وبالبيد والجميح و الجبر

    مافي مثل التوكيلات العالمية .. كان عندي عيب مصنعي في باب واحد بس هو باب السواق ماينفتح او ينقفل

    يعلق بعض احيان يفتح وبعض احيان لا ..

    السيارة خلصوها بيوم واحد بس .. وماغيروا زر الباب الخربان بس .. غيروا كل الدينمو حق الابواب .. !

    وتغيير الزيت تدخل السيارة الصيانه 9 تخرج 10:30

    خدمتهم روعه ولو انها غالية شوي بس عن الباقي لكن والله سريعين وخدمتهم ممتازة مرره

  5. #5
    s351 غير متصل عضو نشيط
    تاريخ التسجيل
    Aug 2007
    المشاركات
    81

    افتراضي

    للاسف انه الوكالات بالكويت حرامية مع مرتبة الشرف
    تدري انه دخلت قطع الغيار ابي اشوف عندهم جهاز الانذار واسمة evs والعامل مصمم انه اسمه abs ولما قلتلهم اذا يبته من برة تركبونة قالو لا مانعرف
    لو تشوف حوش الوكاله من كثر السيارات تعتقد انه سكراب

المواضيع المتشابهه

  1. وكالة الفطيم للسيارات تحل مبنى وكالة الكندي للسيارات في دبي
    بواسطة grandv8 في المنتدى قسم السيارات العام
    مشاركات: 4
    آخر مشاركة: 28-03-2011, 07:05 PM
  2. عروض وكالة BMW
    بواسطة Precious في المنتدى قسم السيارات العام
    مشاركات: 18
    آخر مشاركة: 21-12-2008, 11:35 PM
  3. فيديو : دودج إي في الكهربائية ضـــــد دودج تشالنجر أس آر تي8
    بواسطة Porsche Stuttgart في المنتدى قسم السيارات العام
    مشاركات: 0
    آخر مشاركة: 17-11-2008, 09:55 PM
  4. من وكالة الفورد الي بسعودية ..
    بواسطة E_TYPE في المنتدى قسم السيارات العام
    مشاركات: 11
    آخر مشاركة: 26-09-2008, 11:03 PM
  5. سقوط لوحة إعلانات كبيرة على سيارات وكالة دودج بالخبر
    بواسطة أكورد في المنتدى قسم السيارات العام
    مشاركات: 15
    آخر مشاركة: 11-07-2006, 10:51 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14