السلام عليكم ورحمة الله....

أولا هذي من اول المواضيع بهذا المنتدى الاكثر من رائع والشامل وبكل اعضائه المحترمين...
.
.
.
والسموحه عن القصور لان التجربه كانت سريعه وعن قلة الصور لأن الصور كانت فقط لشكل السياره بدون صور داخليه ...واخليكم مع التجربه وانشاء الله تحوز على رضاكم.
.
.
.
.
نوع السياره:مرسيدس C 200 KOMPRESSOR
موديل السياره: 2006
عدد الكيلومترات:43250 تقريبا.
نوع المكينة: 2 لتر مع شاحن التيربو على حسب معلوماتي عن السياره..
.
.
أولا: قوة الموتر:
كان تسارع السياره من الصفر الى 120 معقوله جدا مع انها 4 سلنر بس مع شاحن تيربو بس لما تعدي ال 120 تشوفها تنزل زييي سلااام عليكم وكان طبلون عدادها 260 وجبت فيها 250 وبعدين ثقلت علي وكنت بكمل بس للأسف خلص الشارع

ثانيا:
تعليقها: للأسف كان تعليق الموتر قاسي بشكل ملحوظ وخاصة لما تمسك الخط وهي غير مريحه بالخط وهذي من حاظر تجربه بس كان الموتر رااااااسي جدا وخاصة في المنعطفات القويه كانت السياره ملتصقة بالارض حتى لو كانت على سرعات عاليه وتسحب بين السيارت انا اعطي هذي السياره 10 على 10 وهذي القاعده معروفه اختر شي بين الاثنين تبي الراحه ولا تبي الرساوه

ثالثا: مميزات وعيوب السياره:
1- جنوط 17 روعة التصميم.
2- قير تبترونك مع زر فيه تختار اوضاع القير بوكس كان فيه ثلاث احرف S , M , D تختار اي وضع وعلى ما اضن ال S هو وضع السبورت وM هو الوضع المتوسط وD هو الوضع العادي طبعا بكل السيارات الأوتو.
3- زينون عالي وواطي.
4- مكابح قويه جدددددددا والتصاق ملحوووظ بالأرض مع الكبح ومع ايضا جنوط عريضه وكفرات بريلي احلا كلااااااام وطبعا هذي المكابح مخرمه لتهوية الاسطوانه على حد علمي.
5- سياره غير مريحه لسفر أو للخطوط الطويله لقساوة التعليق الرياضي.
6- سياره عمليه جدااا

مانطول عليكم واترككم مع الصور ومقطع الفيديو "لتسارع من الصفر الى 120 على الوضع ال S للقير"....

مقطع الفيديو:
http://www.i1i2.com/uploads/cd52568ea1.mp4

الصور:

مقدمة السياره
[BIMG]http://www.i1i2.com/uploads/5f844ef9de.jpg[/BIMG]

[BIMG]http://www.khellan.com/up/uploads/8da36ccc17.jpg[/BIMG]

[BIMG]http://www.i1i2.com/uploads/ddf3489a1d.jpg[/BIMG]

وهذي صور للفرامل والجنوط:
[BIMG]http://www.khellan.com/up/uploads/230a360551.jpg[/BIMG]

[BIMG]http://www.khellan.com/up/uploads/8f9b1eb29a.jpg[/BIMG]

وهذي صوره للأنوار الأماميه:
[BIMG]http://www.khellan.com/up/uploads/c9d5bde65a.jpg[/BIMG]

وهذي صورة لخلفية السياره:
[BIMG]http://www.khellan.com/up/uploads/7430ad0486.jpg[/BIMG]

[BIMG]http://www.khellan.com/up/uploads/f44cccebc5.jpg[/BIMG]


وهذي كل الصور وأعذرونا على القصوروعلى عدم نظافة السياره

التصوير كان بكاميرا جوال N80نوكيا ....على فكره الصور تصير خلفيات للكمبيوتر وبقمة الوضوح

وأذا عندكم أي سؤال أسألو ومالكم الا الي يرضيكم أنشاء الله

ودمتم سالمين

مساكم الله بالخير
.
.
العفو اخوي grandv8
حياك الله اخوي AMG
طبعا ماعندي خلفيه عن سعر السياره بالظبط لأن السياره كانت مأجره
وهذي ثاني موضوع لي واول تجربه وكانت طريقة تنزيل الصور جديده علي وانشاء الله بعدلها بالمواضيع الجايه

وتستاهلون اكثر
ودمتم...