المشاركة الأصلية كتبت بواسطة Engineer

حياك الله أخوي كاتيوشا...

بالنسبة لسؤالك الأول... مدام عندك شخص في أمريكا فإنشاء الله الأمور بتكون سهله... بس لازم تنتبه لسالفت الضريبه(tax) لانك ممكن تدفعها وممكن لا وطبعا هذا شي راجع للبايع والطريقه إلي بيستخدمها صاحبك...

مثال --- إذا كان صاحبك شاري السيارة من نفس الولايه إلي هو موجود فيها فهاذا شي راجع للبايع يمكن يلزمك بدفع ضريبة الولايه... أما في حاله إذا صاحبك شاري السيارة من ولايه غير اللي ساكن فيها فبيستلم ورقة السيارة وبدال مابيسجل السيارة وبيدفع الضريبه في ولايته بيسفر السيارة خارج أمريكا ...

الشحن البحري للسيارة بين ال 1000$-22000$ والسعر يعتمد على نوع السياره (sedan,suv,van...) وطريقة الشحن (رول إن رول أوت "أو" كونتينر)... وطبعا هذا غير تكاليف الشحن الداخلي!

بالنسبه للسؤال الثاني... في موقع في أمريكا إسمة www.carfax.com طبعا من هذا الموقع ممكن تعرف تاريخ السيارة (متى إنشرت, دخلت في حادث, غرقانه .....)... إذا كانت السيارة مشتراة من وكيل فممكن تطلب الكارفاكس منه وتضمن السيارة... أما إذا كنت شاري السيارة من شخص فتسوي كارفاكس حق السياره وتجيك عليها... وفي كلتا الحالتين لازم تطرش صاحبك علشان يشوف السيارة ويتأكد منها ...

أما في حالت إذا السيارة كانت وكاله (جديدة) فلا تحاتي كارفاكس ولا غيرة...

بالنسبه ل Ebay إذا كنت خارج أمريكا فما أنصحك فيه لان النظام فيه مثل المزاد وقوانينه كثيره ولازم يكون عندك حساب في أمريكا ومشترك في ال PayPal ... عندك مواقع كثيرة غير ال Ebay وأشهرها www.autotrader.com لأن النظام يكون مثل العرض وإنته إلي تتواصل مع البايع.

وإسمحولي على التطويل

المشاركة الأصلية كتبت بواسطة كاتيوشا

اولا : انا جدا محظوظ بأني وجدت واحد مثلك يجاوب على تساؤلاتي فالشكر لك جزيل الشكر ...

بالنسبه للاجور الشحن فأنا تفاجأت بهذا السعر فياليت لو تقولي عن شركه ممتازه وسعرها متوسط بالنسبه للاجور الشحن وما المقصود برول اند رول ؟؟ وهل هناك شركة تقوم بنقل السياره من المعرض الى بلدي ؟؟

الشيء الثاني انه صديقي موجود في ولاية بنسلفينيا .... مادري هل هذي الولايه اسعارها مناسبه بالنسبه لسيارات المستعمله او انه هناك ولايات تكون اسعارها اقل من الاخرى ؟؟

صديقي قالي انه بيروح مع احد اصحابه للمزاد وقالي ان صاحبه لديه تصريح لدخول الى المزاد فهل الافضل الذهاب الى المزاد ام الذهاب الى المعارض ؟؟ وهل للمزايد عليه ضريبه ؟؟

المشكله ان السياره سعرها يتراح مابين 135 الى 140 الف ريال سعودي واخاف انه بعد الشحن والجمرك السعر يكون مكلف ..

اعتذر عن اسئلتي الكثير واتحملنا بابش مهندس

المشاركة الأصلية كتبت بواسطة Engineer

حياك الله أخوي كاتيوشا وإنشاء الله أجاوبك على أسئلتك

roll on/roll off : هي أرخص طريكه للشحن و معناها إن السيارة يدخلونها الباخرة وتتوقف فيها بدون ما تكون داخل بوكس(كونتينر)...

ومدام صاحبك ساكن في بنسلفينا بالأمور بتكون أسهل إن شالله ... السبب إن بنسلفينيا قريبه من ميناء بلثمور وأعتقد تبعد عنها من 2-3 ساعات تقريبا... فصاحبك ممكن يسوق السيارة لين بلثمور وحتى لو فضل يشحنها من بنسلفينيا لين باثمور فما أعتقد يطلع غالي لان شركات الشحن البري تحسب التسعيرة بالمايل ...

إنت ناوي تاخد السيارة من المزاد وبصراحة السياره تطلع أرخص من المعرض ولعلمك تري كثير من السيارات في المزاد تكون من المعارض أصلا... وصاحب صاحبك يقدر يدخل المزاد فأكيد عند ليسن ديلر (تاجر سيارات) وإن شالله يحصلك السيارة المضمونه وبسعر رخيص وكل ماتكون السياره تحت ضمان الوكاله كل مايكون أحسن وممكن تجيكها في الوكاله قبل ماتشحنها والضمان في أمريكا يشمل كل شي في السيارة ماعدا الأشياء الي تستهلك... بس حط في بالك إنك يوم بتشتري السيارة من المزاد بتدفع بين 100$-200$ ضريبت المزاد...

في حالت إن صاحبك بيسوق السيارة من بنسلفينيا لين بلثمور فممكن يحط على السيارة لوحة مؤقته وما بيدفع (tax) وأكيد صاحب صاحبك بيكون أعلم في هالأمور وحتى ممكن يفيدة أكثر بشركات الشحن لأنها كثيرة وما عندي خلفيه عن أرخصهم...

والله يوفقك أخوي كاتيوشا وإذا في سؤال ثاني فأنا حاضر

المشاركة الأصلية كتبت بواسطة كاتيوشا

حبيت استفسر عن كيفية شراء سياره من امريكا

السؤال يتكون من شقين :

الاول : ان لي صديق يعيش في امريكا ووجد لي سياره هناك بسعر ممتاز اريد ان اعرف كيف استطيع نقل السياره من هناك وكم تكاليف الشحن وكم تكاليف الجمرك الموجود في السعوديه

الثاني : اني وجدت سياره عن طريق النت من موقع بيع سيارات اريد ان اعرف هل هي طريقه موثوقه لشراء السياره وكيف يمكن شحن السياره بعد ذلك .

اهم شيء ان اعرف كم تكلفة الجمرك في السعوديه .