حبيت استفسر عن كيفية شراء سياره من امريكا

السؤال يتكون من شقين :

الاول : ان لي صديق يعيش في امريكا ووجد لي سياره هناك بسعر ممتاز اريد ان اعرف كيف استطيع نقل السياره من هناك وكم تكاليف الشحن وكم تكاليف الجمرك الموجود في السعوديه

الثاني : اني وجدت سياره عن طريق النت من موقع بيع سيارات اريد ان اعرف هل هي طريقه موثوقه لشراء السياره وكيف يمكن شحن السياره بعد ذلك .

اهم شيء ان اعرف كم تكلفة الجمرك في السعوديه .

والله اخوي ماعندي خبره في هالامور بس العضو سناري مشاء الله له خبره واسعه في هالمجال

اتمنى يرد عليك ويجاوب اسئلتك

تحياتي

www.al-bakr.net

إن شالله يكون فيه شرح يفيدك

و موقع موثوق

وصاحب الموقع معروف في الامارات
واسمحلنا يالغالي

__________________

اخوي بالنسبة لسؤالك الاول:
اول شي ابحث عن شركة شحن والشحنة شي نوعين تكون تصدير سيارة عادية او تصدير سيارة بداخل الحاوية والحاوية اضمن لك من السرقة من محتويات السيارة، وتكلفة شوي اغلى من تكلفة العادية بشي بسيط تقريبا، واظن شحن السيارات تفرق من ولاية الى ولاية يعني يطلع لك تقريبا شحن من امريكا الى السعودية تقريبا من 2000 ريال الى 5000 ريال.
اما الجمارك فهي5 % مع اجور الشحن والقيمة المرسمة للسيارة.

ثانيا: موقع ebay يضمن لك السيارة وكثير من الاشخاص اشتروا عن طريق هذا الموقع.

بالتوفيق

__________________

المشكله موقع ebay يعطي لسياره كم سعر وما أعرف كم سعرها المطلوب

مشكور اخوي على المعلومات ويعطيك العافيه

والشكر للاخوان

اي صحيح يا شباب مين يقدر يفيدنا عن طريقة الاسعار في موقع ebay?

كيف نعرف السومه اللي انسامت به السياره و متى يوقف السوم عليها ؟

ثانيا لو صاحب السياره طالب 5000 دولار مثلا و انا جيت و سمت ب 2000 دولار ..

ثم ما احد جا يسومها بعدي ابد لفتره طويله شوي ... تسير السياره لي انا بسومتي ؟ ولا على كيف البياع يبيعني ولا ما يبيعني ينتظر لسومات اعلى ؟

يا جماعه انا ودي اشتري من موقع اى باى بس صراحه ماني عارف الطريقه وخايف ينصبون على


افيدونا افادكم الله

__________________


أســــــــــــــــتغر الله وأتوب اليه

حياك الله أخوي كاتيوشا...

بالنسبة لسؤالك الأول... مدام عندك شخص في أمريكا فإنشاء الله الأمور بتكون سهله... بس لازم تنتبه لسالفت الضريبه(tax) لانك ممكن تدفعها وممكن لا وطبعا هذا شي راجع للبايع والطريقه إلي بيستخدمها صاحبك...

مثال --- إذا كان صاحبك شاري السيارة من نفس الولايه إلي هو موجود فيها فهاذا شي راجع للبايع يمكن يلزمك بدفع ضريبة الولايه... أما في حاله إذا صاحبك شاري السيارة من ولايه غير اللي ساكن فيها فبيستلم ورقة السيارة وبدال مابيسجل السيارة وبيدفع الضريبه في ولايته بيسفر السيارة خارج أمريكا ...

الشحن البحري للسيارة بين ال 1000$-22000$ والسعر يعتمد على نوع السياره (sedan,suv,van...) وطريقة الشحن (رول إن رول أوت "أو" كونتينر)... وطبعا هذا غير تكاليف الشحن الداخلي!

بالنسبه للسؤال الثاني... في موقع في أمريكا إسمة www.carfax.com طبعا من هذا الموقع ممكن تعرف تاريخ السيارة (متى إنشرت, دخلت في حادث, غرقانه .....)... إذا كانت السيارة مشتراة من وكيل فممكن تطلب الكارفاكس منه وتضمن السيارة... أما إذا كنت شاري السيارة من شخص فتسوي كارفاكس حق السياره وتجيك عليها... وفي كلتا الحالتين لازم تطرش صاحبك علشان يشوف السيارة ويتأكد منها ...

أما في حالت إذا السيارة كانت وكاله (جديدة) فلا تحاتي كارفاكس ولا غيرة...

بالنسبه ل Ebay إذا كنت خارج أمريكا فما أنصحك فيه لان النظام فيه مثل المزاد وقوانينه كثيره ولازم يكون عندك حساب في أمريكا ومشترك في ال PayPal ... عندك مواقع كثيرة غير ال Ebay وأشهرها www.autotrader.com لأن النظام يكون مثل العرض وإنته إلي تتواصل مع البايع.

وإسمحولي على التطويل

طبعا البايع في في ebay ممكن يختار أكثر من شي لما يعرض سلعته:
1- يحط السعر الي يريده (reserve) ويكون مخفي... والمزايد ممكن فقط يعرف إذا المزاد وصل أو لم يوصل لل reserve.
2- بدون reserve في هذي الحالة السومه الأعلى هي الي تربح.
3- يحط أشتري بالسعر الفلاني أو حط عرضك(buy it now or best offer) ويختار أعلى عرض.

نقاط مهمه:
-المزاد يكون لفتره معينه والبايع ممكن ينهيه في أي وقت.
-بعضهم يشوف تاريخ الشراي(في الموقع) وممكن يمنعه من المشاركه إذا كان ماعندة تاريخ أو تاريخه أسود

وهناك قوانين الدفع وغيرها الكثير ...