وصلت في الـ24 من هذا الشهر اول دفعة من Porsche 911 Turbo الى الدوحة عند الوكيل المعتمد لسيارات بورش في الدوحة شركة البُراق للسيارات.

الجيل الجديد من Turbo 911 مع المحرك الجديد بسعة 3.6 لتر و بـ 6 اسطوانات بقوة 480 حصان، من التقنيات الجديدة التي استخدمت ولاول مرة، تسمى (Variable Turbine Geometry (VTG باختصارهي تقنية تتحكم بكمية الهواء التي تدخل الى التيربو وسرعة الهواء، و الحجم، ففي السرعات و عدد الدورات(rpm) المنخفضة يتم تضيق حجم (Volume) التيربو مما يزيد من سرعة الهواء الداخل للتيربو فتزيد سرعة دوران التيربو مما يؤدي الى زيادة كمية الاكسجين الى وحدة الاحتراق في المحرك فيصل العزم الى اقصى حد مع ان المحرك يدور في دورات منخفضة من 1950 rpm، اما على السرعات العالية يزيد حجم التيربو ويعمل كتيربو كبير الحجم باعطاء بوست اعلى...

بقوة هذا المحرك و هذه التقنية الجديدة و4WD، فان الـTurbo 911 تصل الى سرعة قصوى تصل الى 310km/h وهناك فرق كبير بين التسارع في الجير العادي والـTiptronic...انا لحد الحين مب مصدق، شي غير طبيعي هذا الفرق.

Manual/Tiptronic S

0 - 100 km/h 3.9/3.7 s

0 - 160 km/h 8.4/7.8 s

Elasticity 80 - 120 km/h 3.8/3.5 s

ملاحظين الفرق!!!!!!!!!!!!!!! هذا اول مره تصير ان تسارع الـTiptronic يكون اسرع من الجير العادي

كانت هناك 4 سيارات 911 Turbo في معرض وكلهم بايعينهم(1 لونها ابيض,، 1 احمر، 2 فضي)...احلى وحده كانت الفضية ومن داخل اسود....وحش والله وحش...
السعر كان 484 الف ريال...
المهم ما ابي اطول عليكم... اترككم مع الصور








لمعرفة المزيد عن تقنية الـVTG اضغط هنا

...يوم رحت الوكالة خلوني اجرب الـCayman S كنت اتمنى انهم يعطوني اياها يوم بس ما رضو خلوني اجربها عندهم..روعة روعة، ما قدرت امسك نفسي وصلت 220 وكنت بزيد(الموتر اطيعك ما يقول لا، يعطي قوة وصوت ولا مرةعشتها)...وعلى طول من اول ما خلصنا الحبيب حجزلي وحده (على كييييفه...) عاد انا طبعا كنسلت...ما في غير حبيبنا الـ VXR

وشكراً

الله يعطيك العافية وشكراً على مجهودك


والله التيبترونيك قوووووووي ويختصر وقت التعشيق

روووووووووعه

يسلموووو

__________________


Leon 218 =====>>>>> Mr-Turbo

قبل حوالي 4 أيام شفت الـ 911 الجديد في بوظبي وعليه لوحة ( تحت التجربة ) ،، كان لونها أبيض ،، وللأسف ما قدرت التقط له صورة .. وبصراحة على الطبيعة أجمل بكثير من الصور ..


يعطيك العافية ،، ما قصرت

__________________

مممم انا مبارح شفت وحدة في شارع السد رقمها 818

ومثل ماقال اخوي عالطبيعة احلى بكثير

مشكوووريييين اخواني على المرور...وانا بعد معاكم عالطبيعة احلى بوايد

Ferrari F40...انته ساحر ولا شو الموضوع؟؟؟

توني كنت بكتب موضوع عن هذي السيارة...لكن يالله انته كفيت ووفيت مثل ما يقولون...

مشكور على الموضوع الأكثر من رائع والسيارة فظيعة وما عليها كلام...

__________________


أخـــــ شيخ الشمال ـــوكم

يعطيك العافيه أخوي ، وما قصرت

بخصوص التبترونيك ترى تبديلاته سريعه ، من جي التسارع يكون أسرع عن القير العادي ..
حتى في النيسان فتك وايد شباب يقولون ان التبترونيك أسرع من العادي .. !

ترى السواق يلعب دور هني ، وشطارته تبين في القومات باستخدام القير العادي ، وسرعته في التبديل ..
أنا جربت سواقة الـ 911 تيربو ، بس كان معدل شوي عليه chip وسستم قزوز وشوية خفايف ، بصراحه شعور ما ينوصف ، أحلى شي فيه يوم تدعس مره وحده وتشوف البوست جدامك عالطبلون يزيد ويزيد ويزيد ، والقلب يدق ويدق
ما توحي تنزل راسك الا وانت موصل 260 عالبراد في ثواني معدوده .

هالموتر صدق فنان ، وانا من عشاق البورش بشكل عام .. وخصوصا الـ 911 تيربو


الموضوع مثبت تقديرا لجهودك ، بس لو حطيت اسمك على الصور لحفظ الحقوق

__________________

تسلم مشرفنا هذا شرف لي ان موضوعي يتثبت....
انا بعد سواقتي للـCayman S بديت بعشق البورش اكثر، بالظبط مثل ماقلت ما توعى اللا انت طاير, بورش فخر الصناعة والهندسة الألمانية
والله ما قدرت احط اسمي على الصور لان للأسف ما عندي فوتوشوب