>



صفحة 1 من 3 123 الأخيرةالأخيرة
النتائج 1 إلى 6 من 16
  1. #1
    الصورة الرمزية الزرعوني
    الزرعوني غير متصل مشرف عام
    تاريخ التسجيل
    Jun 2006
    الدولة
    25
    المشاركات
    5,781

    Exclamation الزرعوني قرر يشتري سيارة


    السلام عليكم و رحمة الله و بركاته

    شحالكم يا شباب .. مشتاقين لكم والله ..

    ادخل المنتدى تقريبا بشكل شبه يومي .. لكن شبكات التواصل الاجتماعي زرعت فينا كسل الرد و الكتابة .. و صار اللابتوب فقط لمشاهدة الافلام .. و لا والله حتى اليوتيوب قمت اشوفه من التيلفون ..

    على العموم


    انا صارلي اكثر من سنة اتريا معشوقتي BMW X5 موديل 2014 ..

    و لكن يوم وصلت وقعت علي الصدمة .. سياره جميلة من الامام لكن بشعة جدا من الخلف + الداخلية السوداء الكئيبة المكررة + السعر الناري .. ثمانية سلندر بـ 420 الف و الستة سلندر بـ 335 الف .. و بصراحه ما تستاهل هذا السعر ابدا ..

    و عليه ..

    قررت اني اتجه الى الوكالات الاخرى .. و دعوني اشارككم تجربتي و دوختي


    مرسيدس :

    ML350 AMG: سياره جميلة و أنيقة و لكن طرازها الداخل قديم و لم يعجبني ابدا .. سعره حوالي 265 الف درهم
    CLS 350 : من اجمل السيارات في فئتها .. و لكن يوم ركبتها و نزلت منها طاح عقالي مرتين .. ما يناسب طولي + سعرها المبالغ .. 385 الف درهم
    A250 AMG: الاجمل في فئتها و لكن على قولة ربيعي بتسوقها سنتين و بتمل .. لانها سياره للمشاوير الصغيره فقط ..

    E300 AMG: من اجمل السيارات في فئتها بصراحة مع اني متعصب للـ BMW الا اني اقول هاي السياره اللي الواحد يستاهل ياخذها و هيه الاقرب الى قلبي الان

    ولكن !! و اخ ولكن .. السياره قيمتها 267500 درهم و مع الخصم يمكن يعطوني بـ 263 الف ..

    مكينتها 3.5 لتر تولد 252 حصان فقط ! و بصراحة يوم سقتها كان ادائها متواضع جدا .. هيه تنزل فئة ثانيه E 350 وتولد 306 حصان و فيها تبريد كراسي .. بس السيارة سعرها اغلى بـ 20 الف درهم فقط لهذتين الصفتين ! و انا ما عندي مشكله باخذها .. بس ماشي ستوك و لا طلبية خاصة و اتريا 3 شهور

    + ضمان السيارة 3 سنين فقط !! و سيرفس الى 45 الف كيلو


    BMW:

    الفئة الخامسة: الشكل الحالي صارله فتره نازل .. اعتقد من 2010 .. يعني من 4 سنين + ضمانها سنتين بس
    الفئة السادسة جراند كوبي: منافسة CLS و لكن شكلهاا مقبول جدآ .. السعر للـ 640 حوالي 345 الف

    Audi:

    Q7: جميلة و لكن ظالمينها في الديزاين الداخلي و تشعر ان السياره موديل 2004 و ليست 2014 .. 265 الف مع كت S-Line
    A7: اقوى المنافسين للـ CLS و لكن واجهت نفس المشكلة بصعوبة بركوب السيارة و الخروج منها و سعر الستة سلندر هو 310 الف درهم
    ضمانهم 3 سنين او 100 الف و بدون عقد صيانة

    Jaguar:

    XF: سياره دخلت قلبي بقوة و فاجئتني بصراحة .. جميلة من الخارج و راقية من الداخل و تحمل مكينة جباره 3.0 سوبر جارج يولد 340 حصان .. سويت تجربة للسيارة و ماشاء الله عليها من اقوى السيارات اللي سقتها. عجيبة
    سعرها مع البودي كت و الجناح و الزوايد حوالي 255 الف درهم
    اللي حمسني زيادة هو ضمانها 5 سنين او 250 الف كيلو !! و عقد صيانة 3 سنين او 60 الف كيلو .
    اللي مخوفني بان شكل السياره قديم و مسوين لها فيس لفت من 4 سنين .. واعتقد راح يكون تغيير جذري بعد سنة او سنتين
    انا دفعت عربون 5 الاف و لكن بعدني متردد .. شكلي بسحبها


    VW:
    Golf GTI : سياره غنية عن التعريف و ولد اختي عنده اياها موديل 2014 و السياره 10/10 .. بس يقولك اترياها 4 شهور ..
    Touarq R Line: جدا جميلة السياره و احلى من الطوارق العادية .. لكن عندنا طوارق 2012 في البيت .. ما يحتاي اخذ وحده ثانيه


    Infiniti

    Q50: من شفتها في معرض دبي للسيارات و انا كل يوم اقول باخذها .. لكن للاسف الشديد اليوم رحت الوكالة و التوقعات بوصولها في اواخر شهر ابريل .. يعني اول دفعة بعد 3 شهور .. سعرها يبدا بـ 160 الف و ينتهي بالفئة الرياضية بحوالي 200 الف درهم
    M37: الفئة غريبه شوي و منافسينها ابعد منها .. بس قلت خلني اسوي لها تجربة يمكن تعيبني و باجر ان شاء الله بجربها .. و السياره سوولها فيس لفت في 2011 .. و المكينة الكبيرة اللي هي 45 او 56 ما قاموا اييبونها هني

    Lexus

    GS350-F: السيارة جميلة من الخارج و بالذات مع زوايد الـ F باللون الرمادي و الرنجات Smoke .. سويت لها تجربة اليوم .. احس بعدني اسوق الكامري مالتي 2004 لكن مع داش بورد يديد .. اسف يا محبي اللكزس بس هذا رايي .. و الاسوأ من الناحية الجمالية الداخلية في فئتها .. بعدها اتحس فيها اشياء بداية .. يا جماعة حتى مثبت السرعة شرات مال الاف جي مالتي اللي موديلها 2009
    اللي مشجع الموضوع ان فيها كل شي و تبريد الكراسي (اهم شي) و ضمانها 5 سنين مفتوح بدون عقد صيانة و قيمتها بعد الخصم الاقوى شي هو 245 الف درهم .

    Massarati

    ghibli: سيارة واضحة من سياسة مازاراتي ببيع اكثر عدد من السيارات و السياره داخليتها عادية جدا (رأيي الشخصي عند زيارتي للمعرض امس)


    Porsche

    Cayenne: باختصار .. ما عيبتني


    Ford
    ما حصلت شي يناسبني

    Lincolin
    ما حصلت شي يناسبني

    Caddilac
    ما حصلت شي يناسبني و حتى الـ CTS ما زلت اشوف الجيل اللي قبله كان احلى



    ولا حد يقولي استيشن ولا نيسان لاني بزغده



    الميزانية 280 الف

    لين 300 معقولة


    باختصار .. اللي عيبوني لين الحين




    E 300 AMG Kit
    وصول مرسيدس E-Class اي كلاس 2014 إلى السعودية


    Jaguar XF
    Jaguar Middle East - XF Gallery


    Lexus GS350 F Sport
    2014 Lexus GS 350 - Luxury Sedan | Lexus.com




    يالله يا شباب عطوني ارائكم

    حتى لو سيايير خارج اللستة .. او اي سياره ما خطرت على بالي ..

    موعد الشراء باذن الله تعالى هو بعد 10 ايام ..

  2. #2
    تاريخ التسجيل
    Jun 2006
    الدولة
    الإمــارات
    المشاركات
    7,079

    افتراضي

    وعليكم السلام ورحمة الله وبركاتة


    هلا بالحجي أحمد كيف حالك ؟



    رأيي بيكون كالتالي :


    1- مع اني مع عشاق المرسيدس طول عمري لكن E Class لن تكون من ضمن اختياراتي لسبب واحد وكيلها يبالغ في كل شي من عقد الصيانه الى الضمان مع انها سياره لذيذه


    2- الجاكوار اخاف منها لانها سياره من بعد الضمان تترجى اي حد يشتريها منك بالسعر الي يقول له بس تبغي تفتك منها


    3- لكزس 350 GS هي الافضل بالنسبة الي اولا لقوة مكيفها في اجوائنا اللندنية طول السنه

    ثانيا: وكيل اللكزس نشيط وقوي والصيانه رخيصة

    ثالثا: السيارة متميزة قليل جدا تشوفها في الشوارع فبتكون متميز فيها

    رابعاً والاهم شوف موديلات GS من كم سنه وهي للحين في الشوارع تكرف هذا يدل على ان لها عمر في الخدمة طويل


    خامساً : سعر اعادة البيع تقريباً ثابت وماتخسر فيها عكس الخيارين الاوليين

    يعني لو قررت تبيع سيارتك الحالية FJ تتوقع تنباع في كم يوم ؟ والله اعلم في نفس اليوم

    اما بالنسبة للمرسيدس فبتاخذ وقت والجاكوار انسى الموضوع


    قد تضطر تضحي ببعض الامور من اجل راحة البال



    والخيار لك



    تحياتي لك اخي الكريم

  3. #3
    الصورة الرمزية الزرعوني
    الزرعوني غير متصل مشرف عام
    تاريخ التسجيل
    Jun 2006
    الدولة
    25
    المشاركات
    5,781

    افتراضي

    مشكور حجي خالد :)


    الاف جي بتم ما بتنباع

    و انا عندي سياسه بان السياره اتم خمس سنين .. فالسياره اللي عقبها باخذها ان شاء الله 2019 ..

    انا مب من التوع اللي اخذ سيايير سنة ولا سنتين و ابيع و اخذ غيره ولا احب اخذ قرض :)

  4. #4
    تاريخ التسجيل
    Jun 2006
    الدولة
    الإمــارات
    المشاركات
    7,079

    افتراضي

    العفو حجي أحمد

    تحت امرك و5 سنوات بالنسبة لاي سياره تويوتا لا شي بالعكس تعيش اكثر مع شويه اهتمام وصيانة

  5. #5
    تاريخ التسجيل
    Jun 2006
    الدولة
    الإمــارات
    المشاركات
    7,079

    افتراضي

    حجي احمد وين وصلت في هذا الموضوع ؟


    شاورت ربعك ؟

  6. #6
    تاريخ التسجيل
    Jul 2006
    الدولة
    24
    المشاركات
    1,637

    افتراضي

    اخوي الزرعوني ان شاءالله اقدر افيدك بحكم ان كان عندي مجموعه من السيارات الي كان خاطرك فيها

    بالنسبه لل E Class كانت عندي سياره جميله وقيادتها ممتعه قطع غيارها رخيصه وقليله الأعطال والحين صار لها فيس لفت وصارت اجميل انا اشوفها خيار حلو وانصحك تطلبها على مزاجك والألوان الي تحبها والمواصفات الي تحبها.

    BMW X5 سياره قوية وايضا اعطالها قليله كانت عندري 2008 مشيتها 100 الف كيلو وبعتها السياره حلوه وتغير شكلها بالكامل الحين لكن بالنسبه لي التغير مش جذري لذلك لشخص كان عنده السياره احس بالملل من ناحيه الخارجيه والداخليه اضافه انها ماتستاهل 400 الف ريال والشكل القديم كان فيه عيوب مثل ان نظام التعليق خشن جدا.

    المرسيدس ML-350 AMG وهي سيارتي الحاليه قيادتها متوسطه المتعه العزم ممتاز 300 حصان والمواصفات تيجيك تقريبا كامله اوتوباركينج تبرد كراسي بانورما الح واكبر ميزه انها ناعمه ونظام التعليق ناعم جدا والمقود ناعم جدا انا سيارتي عليها رنجات 21 ومااعاني من اي نوع من الوعوره سعرها ايضا مناسب عيوبها انها امريكيه والداخليه ماتنافس الكيان والرنج.


    بخصوص بقيه الخيارات انت عندك رغبه عامه لكن بالنسبه لي راح استثني الأمريكي كله وراح استثني الجكور والأودري برغم انهم سيارات جميله لكن انا ما احب اعور راسي في موضوع البيع وقطع الغيار.

    بخصوص الكزس والإنفنتي بالنسبه لي سيارات ممله في القياده خاصه لكزس قعدتها مش حلوه تحس الطبلون عند راسك والشاشه حجمها اكبر من لازم ودايما في مشكله ان البريك يكون تعبان والسواقه ممله ودافع وتحس نفسك مش كاشخ وانا مادري عن الإمارات لكن في قطر صوالين الكزس مالها سوق والخدمه في الوكاله تعبانه مافي توصيل مافي سياره بديله ومافي نظام صيانه.

    بخصوص موضوع المكيف الML و BMW مكيفهم كان افضل من لاندكروزر عندي الألمان تجاوزو هذا الموضوع حاليا وفي نقطه مادري لو تهمك ماتقدر تقارن انظمه الثبات والسلامه في لكزس بالألماني بشكل عام.

    بالنسبه لي السياره اليابانيه هي لاندكروزر والنيسان باترول غيرهم لا

صفحة 1 من 3 123 الأخيرةالأخيرة

المواضيع المتشابهه

  1. سعودي يشتري سيارة بـ 20 ألف ريال ومخالفاتها المرورية 70 ألفا
    بواسطة Patrol 5.6 VVEL في المنتدى استراحة شباب الخليج
    مشاركات: 5
    آخر مشاركة: 24-08-2010, 05:40 PM
  2. شوفوا منو يبا يشتري ساب
    بواسطة Patrol 5.6 VVEL في المنتدى قسم السيارات العام
    مشاركات: 2
    آخر مشاركة: 08-05-2009, 02:43 AM
  3. للي يبغي يشتري GTR
    بواسطة Patrol 5.6 VVEL في المنتدى قسم السيارات العام
    مشاركات: 0
    آخر مشاركة: 25-05-2008, 07:39 PM
  4. مواطن اماراتي اول من يشتري سيارة "كونيغسيغ سي سي 8 اس"
    بواسطة Jaguar R في المنتدى قسم السيارات العام
    مشاركات: 3
    آخر مشاركة: 01-08-2007, 04:21 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14