عنتر كولر ..

EL_3grab · 28-12-2006, 01:36 AM

السلام عليكم ورحمة الله وبركاته ..

شخباركم شبيبه ..

شو السالفه .. دشوا عللنك قبل لا تكملون ..

http://www.forgemotorsport.co.uk/con...uct=FMINTM K5

___

هذا أنتركولر يركب ويا أنتركولر الوكاله .. المشكله أنه الجولف أللي أينا فيه راديتر زياده ..

وكاتبين بموقعهم

اقتباس:

Please note: If your vehicle has been supplied to "Hot Climate specification" it will have an extra radiator in the front of the wheel arch. If this is the case our intercooler upgrade will NOT fit your car.

راسلت الشركة وسألتهم جان لقوا حل للسالفه, ردوا عليي وقالولي بنعطيك الأنتركولر بسعر الصراحه كان مغري حييييييييييل مقارنه بسعره الأصلي .. بالمقابل أجرب أركبه وأشوف شو السالفه بالضبط وأسويلهم ريبورت وأطرشه .. أنا من شفت السعر قلت أوكيه .. (معنه كنت معلن حاله قحط عام

) .. بس ما قصروا خلوني أدفع المبلغ على قسطين ..

وصل الأنتركولر والكوالتي كان شي رهيييييييب .. خذت ستاندات عشان أرفع الجولف .. رفعناها (حالها كان يغمظ) وكنت ماخذ وقتي بالتركيب ومب مستعيل .. واجهتني كمن مشيكله (تصغير

) ..

بيب للراديتر الأضافي كان يسوي أعاقه لبيب الأنتركولر اللي ماخذنه

.. حست البيب وكل شي تمام ..

بالأضافه كان في duct للراديتر الأضافي يباله شويه تقصيص ..

الزبده كل شي ركب ومافي شي سيريس ..

طرشنا الريبورت للشركة وننتظر منهم الرد ..

بالمره ما كنت أفكر أعدل القولف .. بس كانت فرصه ما تتقاوم .. باجر أن شاء الله بنردها لحاله الوكاله .. آخ ظهري

mr ss · 28-12-2006, 03:20 AM

ماشاء الله عليك
عطت عزم شوي ولا؟

bashar_255 · 28-12-2006, 01:50 PM

ما فهمت

سيارتك أحين فيها رديترين من شد الوكالة و انتركولرين واحد شد بلد و الثاني أفتر ماركت كلهم راكبين ؟

يعني انتركولرين مع بعض ؟

EL_3grab · 28-12-2006, 04:31 PM

اقتباس:

المشاركة الأصلية كتبت بواسطة mr ss

ماشاء الله عليك
عطت عزم شوي ولا؟

الأنتركولر وضيفته أنه يحافظلك على القوة والعزم ويخلي حرارة الهوى أثبت وما ترتفع زياده بعد الضغط على المكينه المتكرر ..

يعني في عزم وقوة ويبانون أكثر بعد الـChip (لأنها تزيد البوست) ..

يسلمو

EL_3grab · 28-12-2006, 04:31 PM

اقتباس:

المشاركة الأصلية كتبت بواسطة bashar_255

ما فهمت

سيارتك أحين فيها رديترين من شد الوكالة و انتركولرين واحد شد بلد و الثاني أفتر ماركت كلهم راكبين ؟

يعني انتركولرين مع بعض ؟

هيه ..

راديتر أضافي صغير والرئيسي, أنتركولر الوكاله واللي حطيته, مكانه جدام انتر الوكاله ..

بتقول بيأثر على البوست, نعم بشي بسيط تقريبا 0.7psi .. بس ثبات الحرارة مع التدعيس يعوضك تقريبا 6-7 حصان و 11-13 تيس عزم

..

وخصه بجونا .. وبالصيف قدرت أحس بأنه أداء التوربو يقل

EL_3grab · 28-12-2006, 04:38 PM

الشركة مستانسه حيل عن التقرير .. وبتطرشلي هديه ..

http://www.forgemotorsport.co.uk/con...roduct=FMFSITA

هذا سبيسر ينحط تحت الـDV الألكتروني مال القولف عشان يعطينا صوت الووووووووووششششششش ..

تقدرون تسمعونه مني ..

http://www.zippyvideos.com/938402192...6/forge_spacer

مؤيد اف1 · 28-12-2006, 05:56 PM

تعجبني..شغل عدل ولا بلاش..عقبال التربو الكبير وفورجد للمكينه

تحياتي

bashar_255 · 28-12-2006, 06:08 PM

جربت تكنسل شد بلد الوكالة ؟

ترى الثقل الزايد قدام هذا ما له داعي و اذا الحرارة عندك تحت المعدل كنسل الرديتر الصغير

جرب في المستقبل تركب اكزوست سستم و فلتر هوا عشان تنزل في الحرارة أكثر

شغل ممتاز و مو ناقصك الا الداينو

EL_3grab · 06:59 PM

اقتباس:

المشاركة الأصلية كتبت بواسطة مؤيد اف1

تعجبني..شغل عدل ولا بلاش..عقبال التربو الكبير وفورجد للمكينه

تحياتي

فورجد للمكينه شغل سهل .. بس التوربو مشكله ..

الأنجكترات (FSI) وبمب البترول حدهم بالكثير 350 حصان ماكسيمم .. للحين ما نزلوا لا أنجكترات ولا بمب لقوة أكثر .. يمكن بعد شهر 3 و4 .. الشركات بتبدي تنزل
(APR,VF/GIAC,Revo)

وفوق هذا عندك البرمجه ..

EL_3grab · 28-12-2006, 06:58 PM

اقتباس:

المشاركة الأصلية كتبت بواسطة bashar_255

جربت تكنسل شد بلد الوكالة ؟

ترى الثقل الزايد قدام هذا ما له داعي و اذا الحرارة عندك تحت المعدل كنسل الرديتر الصغير

جرب في المستقبل تركب اكزوست سستم و فلتر هوا عشان تنزل في الحرارة أكثر

شغل ممتاز و مو ناقصك الا الداينو

أنتر الوكاله كبير وفنان .. وماله داعي أكنسله .. والوزن عامل تأثيره بسيط وما بيتعدى كمن كيلو .. متى تطلع فايده الأنتركولر اللي حطيته .. مثلا أذا دشيت Autocross .. الحرارة تكون وحدة سواء خذت 5 ولا 20 دورة ..

ونفس الشي للراديتر الأضافي أذا مب مضايق ليش أكنسله .. وزنه ما يسوى كيلوين .. والحرارة بالمره ما زادت عن 90 بكل الأحوال ..

فلتر الهوى بالمره مب في بالي .. من تجربتي .. بالمره ما ينفع في جونا مع الغبار والرمل .. حتى واحد عنده سياره الـGTI Cup اللي بحلبه دبي .. قالنا مافي أحسن من فلتر الوكاله ..

الأكزوز بأذن الله (SuperSprint, Cat-less, Resonated) .. وطبعا ما أقدر أحط القزوز الا مع برمجه للكمبيوتر علشان يكنسلي الأكسجين سنسر اللي على الكات ..

ويسلمو ..