هلا شباب ...

وانا بتصفح في بعض المواقع حصلت هاي الموضوع واستغربت وابي رايكم وردوكم ...

الموضوع

....................
..................
................
..............
............
..........
........
......
....
..
.


الله يسلمكم من فتره بسيطه ما توصل اسبوع

كنت طالع من البيت ورايح اقضي لي شغله معينه وسريعه

قريبه من البيت

ورايح في ايفو 7

المهم وانا واقف اخلص شغلي وقفت وراي دوريه نجده

نزل الشرطي السلام وعليكم السلام

لو سمحت ممكن الملكيه والاستماره

قلت له تفضل بدون نقاش

قالي يا فلان ما تدري ان الصوت ممنوع

قلت له موتري من الوكاله صوته هالشكل

انا وشو ذنبي يعني

وقالي : موترك عليه تيربو صح ؟

قلت له اي نعم .

قالي : ما تدري ان التيربو ممنوع والموتر يتصدر .؟

قلت له روح كلم الوكاله اللي باعت لي الموتر

قال : لا انت مركب انا اعرف والا تبي تتحايل عى رجال الامن ؟

ما رديت عليه لان ما عندي تعليق على كلامه وما احب اطولها

وقالي موترك مسبب ازعاج وعليه بلاغات كثيره

وللعلم الموتر ما اطلع فيه الا في الشهر يمكن مب مره الا نادر

ابتسمت في وجه الشرطي وقلت له المطلوب

قالي الظابط معطينا امر نحجز موترك في بوهامور وتراجعهم الصبح ثاني يوم

قلت له ابشر ورحت الشبك فعلا وانا اضحك

وانا في الشبك اشوف رنجات سبورت وفوج وعاديين محجوزين

والله تقولون معرض الخليفي او معرض من معارض قطر

كله رنجاااااااااااات بالهبل

اشكل والوان اللي يبي يشتري يروح هناك

المهم نمت وعينت من الله كل خير

وصحيت الصبح واروح النجده مكتب التحريات

وكلمت الضابط وقالي تعال الشبك اشوف موترك

ورحنا الشبك وشغلت الموتر

اول ما شغلت الموتر قالي موترك لازم ينحجز

لان صوته عالي قلت له طال عمرك الموتر عليه اقزوز ما اقولك لا

لكن شاسوي اذا صوت القزوز هالشكل

قالي انا اعرف عاااااااااالم ومواتره ما عليهم مثل صوت موترك

انت مركب هدرز

قلت له طيب ممكن استفسار بسيط يا حضره الظابط قالي تفضل :

هو كان سؤال مب استفسار بالنسبه لي

سؤالي كان : اللمبرقيني والفراري والبورش تكلمونهم علشان الصوت . . . ؟

قال نكلمهم ونخالفهم ونحجز مواترهم لان القانون قانون .

على عيني وراسي القانون وما اقول لا للقانون

لكن اتفاجأ بأن عالم مواترهم هدرزات غير السبورت طبعاً

وتنزيله ورنقات وتنحجز مواترهم وفي نفس الوقت يطلعون مواترهم

ليش انه عنده واسطه وانا لا او ان احد من ربعه في النجده او التحريات

انا راضي اني اتخالف وينحجز موتري لكن القانون يمشي علي وما يمشي على غيري ليش

هل لان ما عندي واسطه . . . ؟

او هل لاني طيب واسكت وايد . . ؟

عالم مواترهم تيربوات وكامات وهدرزات انواع الطزه

اغلبيتهم تحريات او في النجده

ليش الضابط ما يخالفهم ليش ما يكلمهم ينصحهم على الاقل

لانهم قدوه لنا

والله لحد متى نرجع للخلف العالم تروح قدام هم يرجعون ورا

وعلى فكره الظابط ما قصر افرج عن موتري

وطبعا دفعني مخالفه دبه صوت 500 ريال وتعهد ان اذا صادوا الموتر عليه صوت

بغض النظر عن قيمه المخالفه الموتر ينحجز فتره 6 شهور

انزين المره الثالثه حاولت اعرفها مب راضي يقولي مال المخالفات

سألته وقلت له يعني وشو تصدير موتر تم يبتسم وقالي اكثر

وشو قصده بيعطوني ابعاد او سجن مؤبد

يالربع والله مب حاله لحد متى على هالحال

واترك الراي للجميع بكل صراحه

وان شاء الله اصواتنا توصل للمرور ويحسون فينا

(( ومن راقب الناس مات هماً ))

منقول ...

الجواب هو :

لان جيبك مب تخين

لكان اجى وجلس يمك وقال بس انت زين ..!

هذا حال الدنيا

والكل عارفها زين

لمن المشتكى .؟!

خليها على الله ،،

__________________

مع احترامي للجميع..ماهذا الغباء..هل هو غباء ام بإعتقادي..
هل هو حقد وسرقه ام بإعتقادي..
هل يلام الانسان على اخطاء الغير والاغطاء المروريه المتعقده..

هل السياره تطلع من الوكاله لكي تحجز ويتخالف عليها..

لماذا ادخلوها الي دولتهم..هل مجرد غباء..!!هل سرقه للناس..!!

الصراحه شيء غريب..يخلي الانسان يعصب بقوه..

تحيااتي

فتحت جرح ياخوي...

انا موتري مومسجل صارله شهرين...

بسبب الفتحة ولأنه لازم يكون صوته مثل التيرسل ولا ماينجح في الفحص...

كومارو مثل التيرسل؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟

شلون للحين مادري...

الله ......و......ولا......لافي......ولافي. .....

امين

فعلاً يا شباب ...

هاي الشرطي صاد موتر ايفوا ليش ... عيل اللمبرجيني والفيراري والبوغاتي بنفسها صوتها مزعج اقوى من الإيفوا ...

تسمع صوت البوغاتي من بعد خمسين كيلوا ...

ولو رحت بوهامور الشبك مابتحصل لا لمبرجيني ولا فيراري ولا بورش مستحيل تحصل ...

لو مرسيلاجوا او مواتر حلوه حلوه نفس المرسيلاجوا عليه رقم سبيشل او مرتب مايقدر الشرطي يقوله عليك مخالفه ... بيكون ثاني يوم افنش ...

مع احترامي لكل من يشتغل في الشرطه ...

تحياتي ...

__________________

وله هاذي مشكله ..

بس اتصور لو تطرح على مسئولين كبار او تذهب لصحفي في صحيفة مشهور

ويتبنى الموضوع ويطرحه كقضية عامة .. وخاصة إن هامش الحرية في الصحافة القطريه ممتاز ها اليومين
حاول وجرب

__________________

لا والله اخوي ...

مش لازم يوصل لصحافه ... ويوصل للمسئولين ...

لا انا قصدي احط الموضوع ونعرف كل واحد رأيه في الموضوع وبس ...

تحياتي ...

بكل بساطه بقولك شغله

الواسطه فوق القانون

هاذا شعار اغلب الدول العربية

__________________

The Technology Of Germany Engineering