Mustang 1990 GT |سيارتي|

bashar_255 · #1 11-01-2007, 03:06 PM

السلام عليكم و رحمة الله و بركاته

اللهم صلي و سلم على محمد و على آل محمد

أخيراً و بعد مدة طويلة أنهيت مشروعي المتواضع و هو سيارة من نوع Ford Mustang 1990 هذا المديل ذكرى مرور 25 عاماً على الموستنج أول مصل كار أمريكي ..

في البداية جمعت الكثير من الأغراض حتى اركبها على سيارة أخرى " ترهيم " لاكن في النهاية اقتنعت لأن الموستنج مناسب و اسهل بمراحل من غيره من السيارات في التزويد

السيارة جددتها ما عدى بعض التفاصيل و حتى الآن المحرك و القير مزودين و البولت أون كله ستوك <<<

في المستقبل اذا اضفت هيدرز و اكزوست كامل اتوقع أجيب حوالي 320-340 حصان على التاير و في المستقبل اذا ركبت لي كارونة 3.73 اضمن بإذن الله أن ادخل 12 ثانية بوزن السيارة كامل بدون باور آد

هذي الحالة أول الأيام

طبعاً لما يوقف موستنج جنبي كنت أحس بالإكتآب بس بحمد الله قلبنا المعادلة بعدين

bashar_255 · #2 11-01-2007, 03:07 PM

السلندر كرنك مخروط متحرك 10 و ثابت 30 و بساتم من با عاصم 4.040 و فضاوة 0.0002 و طرمبة زيت ضغط عالي

طرمبة زيت High-Volume رقمها MEL-M68HV
http://store.summitracing.com/partde...5&autoview=sku
Melling high-volume oil pumps give you an additional 20 to 25 percent of much-needed oil volume for your performance application

الكازكيتات اللي بركبهم شد بلد لاكن حق الراس حق ضغط من فلبرو

FPP-1011-1
http://store.summitracing.com/partde...5&autoview=sku
Head Gasket, Composition Type, 4.100 in. Bore, .041 in. Compressed Thickness

بالنسبة للجنزير أكيد جنزير دبل رولر و من كمبو كام ( طلع علي اغلى من بيع السوق

)

CCA-2138
COMP Cams Magnum Double Roller Timing Sets
http://store.summitracing.com/partde...5&autoview=sku

بالنسبة للكام فهو كام Z303 الملقب من قبل موظفي فورد ريسنج بـ CamZilla

FMS-M-6250-Z303
http://store.summitracing.com/partde...5&autoview=sku

Duration 290/ 290, Lift .552/ .552

LCA 112

bashar_255 · #3 11-01-2007, 03:09 PM

بالنسبة للروس فهم Trick Flow Twisted Wedge

170cc و البلوف 1.6 للإكزوست و 2.02 للأنتيك مقاس الشامبر 61cc اساساً لاكن الروس ممسوحين و معمول لهم porting هذي الروس وزنها 28 باوند و روس شد بلد وزنهم تقريباً 50 باوند

هذي الروس قصتها قصة و تستحق فلم هندي

بالمختصر عملو لهم صنفرة في الكويت و كاسات و جابوهم و ضاعت البلوف في الطريق رجعناهم انتظرنا شهر ما فيه خبر قلنا لهم ركبو بلوف جدد و احنا بنحاسبكم ، طلبو بلوف جدد مرتين ما كانو لهم اصلاً و كل طلبية اسبوعين لحالهم و اسبوعين لكاعة و على ما وصلت البلوف و جابو الروس جينا بنركب سبرنجات كرور ، حسب خبرة خالد خضر ان الروس الألمنيوم يفضل وزن سبرنجاتهم في ورش مختصة فرجعناهم الكويت مع السبرنجات الى احمد البحريني و يوم شاف الكرور قال هذيلين ما يركبو لأنهم أقصر و رفض ان يركبهم تماماً و قال أن مسكة البلوف تعبانة اصلاً و لو تتبدل بنحاس يكون أفضل و هذي المسكات اللي عندي ما تصلح فعدلناهم ، المهم دورنا على بلوف مني لو مناك ما لاقينا فإطريت بعد شهر زمان طلب طلبية و وكلت الأمر الى أحد المعنيين على عمى

طلبت طقم سبرنجات دبل سبرنج و رتينرات و جلد بلوف طقم كامل و ما طلعت الطلبية فعمل لهم باك اوردر و طلعت لاكنه جابهم " شحن بحري " ، المهم بعد 4 شهور وصلو بالسلامة الى المينا و بعد 3 اسابيع عرف يطلعهم من هناك و بعد اسبوع سلمهم الورشة

( عند عدم رغبتك في معرفة ملخص القصة يمكنك اهمال المقطع السابق ) <<< خوش تنبيه

المهم هذي صور الروس بعد هالسالفة

على رف المكتب

بالنسبة لطقم السبرنجات ما صورته لاكن هذي صوره له

أحب انبه إلى أن اللي وصلو لي جلد بلوف بلون اخضر ( معلومة مهمة

)

و فوق الكلام ذا روكرات فورد ريسنج 1.6

ثلاجة Edelbrock Performer RPM

اما بالنسبة للكربريتر فهو هوللي 650 مع سبيسر 1 انش

بالنسبة للدستربيوتر أو الديلكو فهو مأخوذ من محرك فورد 289 كربريتر و عليه صحن MSD هذا النوع شرارته قوية و ينفع مع الكربريتر و بقوة

تم اضافة MSD 6AL

MSD 6AL
http://store.summitracing.com/partde...5&autoview=sku

بالنسبة للقير فهو قير تماتيك Ford C4 بكلتشات ريس و شفت كت و طنجرة 11 انش بدلناها بطنجرة 9 انش آخر شي

الدفرنش شد بلاده 2.73 و أفكر بالـ 3.73 اذا شغلتها

bashar_255 · #4 11-01-2007, 03:10 PM

الصدام بعد التعديل

الصدام الخلفي بعد التعديل مع الشنطة الجديدة

و هذا قاعد يركب الرفرف

في الورشة

الرش صار عند با سمير اما الأساس في ورشة الضمان في التركية الصناعية

bashar_255 · #5 11-01-2007, 03:10 PM

رحت الإمارات و اشتريت خفايف زيادة

بواجي NGK و مسكات للكبوت و وايرات أكسل

السيارة بعد انتهاء الأساس

بعد الفرن

bashar_255 · #6 11-01-2007, 03:11 PM

صور المحرك بعد التجميع

ركبنا هذا الشفتر

صور السيارة من داخل بصورها بعدين لأني ما نظفتها للحين

bashar_255 · #7 11-01-2007, 03:12 PM

طبعاً يبغي لي أركب الأزياق و أشيل بقايا التظليل و ألمع الجنوط و البدي و اركب الطوس و اركب غوازي

بس ماعندي وقت للأسف لآخر الإمتحانات

ان شاء الله أفضي لها بعد الإمتحانات

bashar_255 · #8 11-01-2007, 03:13 PM

المحرك اللي كان موجود ركبته على شي ثاني

ركبته على السيارة اللي كنت بركب عليها هالمحرك هذا

ركبته على !!

و هي الوحيدة في العالم اللي عليها محرك موستنج و السبب ضيق المساحة

و عشان تعرفو قد ايش المكينة حاشرة و ما فيها مكان هذي صورتين صورتين

البي ام ما بقدر اشغله في الفترة القريبة فلا تسألوني عنه

هذا الموضوع مختصر و اللي يرغب في المزيد من التفاصيل خلال العمل يراجعني على الخاص و بعطيه موضوع العمل و فيه 144 رد

حقوق الموضوع محفوظة للكاتب بشار من gulf4cars.com

تحياتي

و كل بروجكت و انتم بخير

الزرعوني · #9 11-01-2007, 04:16 PM

وااااااااااااااااااااااااااااااااااااااااو

اول شي ابارك لك على السياره الجميله و العنيفه

و ثاني شي يعطيك الف عافيه على الشغل و السياره ماشاء الله عليها جناااااااااااااااااااااااااان

و البروجكت بصراحه متعوووووووب عليه

و ماشاء الله على معلوماتك .. والله تنفع تفتح اكبر محل تزويد ..

هااانت على طول الطلبيات

بس اشهد ان الموستنج وحش

هيه تستاهلك و انت تستاهلها

و الف الف مبروك ..

و عقبال ما اركب مكينه LS1 على الكامري

FuLL MoOoN · #10 11-01-2007, 05:19 PM

والله ماشاء الله عليك أخوي شغل محترم ونظيف وعقبال توصلها لل 500 حصان وتطارح اقوى السيارات ومين عارف يمكن بعد فتره انشالله تشارك بدراق البحرين ونشوفك

تعديل حلو ونظيف والله يوفقك انشالله ويرزقك باللي ببالك

أدوات الموضوع
مشاهدة صفحة طباعة الموضوع أرسل هذا الموضوع إلى صديق
انواع عرض الموضوع
العرض العادي الانتقال إلى العرض المتطور الانتقال إلى العرض الشجري

{موقع الخليج للسيارات}

{روابط سريعه}

		منتدى الخليج للسيارات > منتدى السيارات > القسم الفني
Mustang 1990 GT \|سيارتي\|