على أي أساس حكمت إن K&N أحسن شي ؟!

و على أي أساس السوموتا يدمر المكينة ؟

آنا متأكد 100% إن هذا كلام بس ، و ماله أي أساس من الصحة

__________________

أخ امبالا 96

في لومينا رويال بحريني ، مركب هدرز و كاتاوت ، تدري جم ياب على الداينو ؟!

335 حصان على الويييييييييييييييل @!

و 350 رطل تورك !!

<< تقريباً مو متأكد

المهم شوف هاي بس هدرز و كاتاوت ، يعني تزيد عليه انتيك و MAF السيارة بتكون مرتااااااااااحة

و على فكرة الهدرز يقلل من حرارة المكينة و يحسن من الصرفية

إذا تبي الفيديو كأنه موجود عى Youtube.com اكتب Royale Dyno Run

و بالتوفيق

__________________

http://www.b-quiet.com/

تفضل عزيزي هذا الموقع وفيه المنتج اللى تبحث عنه ...وانا استفدت من موضوعك...وبشوف لي ايضا هذا المنتج ويمكن اركبه في سيارتي الفولكس

__________________


( قُلْ لَوْ كَانَ الْبَحْرُ مِدَادًا لِكَلِمَاتِ رَبِّي لَنَفِدَ الْبَحْرُ قَبْلَ أَنْ تَنْفَدَ كَلِمَاتُ رَبِّي وَلَوْ جِئْنَا بِمِثْلِهِ مَدَدًا )

رداً على الأخ SAYEDCO تقول كيف هو أفضل لأن

1- الميكرو وهو الغبار لايدخل الفلتر
2- خامت الروق المستخدمة عالية الجودة
3- يخدمك عمر طويل جداً
4- له منظف خاص ( كت كامل عبارة عن منظف + بخاخ صبغ خاص للفلتر يعني أن من طول مدة الأستخدام طبيعي راح يتغير اللون نفس الصبغ الذي رش بهي الفلتر في الصناعة الأولى جهز ليبقى أنيقاً لك
5- كميت الهواء خرافية مرررررررررررررررررة والهواء نصف روح السيارة في وجهة نظري الشخصية (كمية الهواء تعادل ضعف العادي بنسبة 75%
هذا هو K&N الأمريكي سبب هذا المصنع هي أصحابة أبطال العالي في سباقات الرالي أحدهم أسمه كيلفن والأخر مايحظرني أسمة الذين عانو كثيراً من الفلاتر حتى قررو على أجراء تجار مختبرية وميدانية حتى وصلو إلى هذا الفلتر الجبار أنا ماكنت مصدق لين شفت بعيني الجهاز المختبري المصغر للفلتر العادي وK&N هذا وتقبل مني يابطل خالص التحية والتقدير والقارئين والمشرفين على الموقع.

1- عطني رقم ، ما فيه فلتر رياضي في الدنيا ، حتى فلاتر K&N تدخل نسبة غبار

2 & 3 ما عندك أي دليل و لا اثبات آنا بعد أقول أقول نفس الكلام على الفلاتر الثانية

4 - هاي مب صبغ ، هاي زيت ، لأنه OilType ، و السيموتا أغلبه Dry لذلك ما يحتاج هال"صبغ" على قولتك ، بس فيه كت منظف طبعاً

5- روح شوف موقع سيموتا حاطين داينو مقارنة بين عدة فلاتر على نفس السيارة ، و طبعاً الK&N عطى رقم أقل منه ، و لكن أفضل من AEM

في الأخير أقولك ترا فلتر جبار هاي قويييييية شنو جبار ، هاي فلتر يعزل الغبار و يدخل هوا ، و هلا بالأبطال في هالمنتدى ، و ترا لين جربت الأنواع اللي تتكلم عنها و قارنت بينها بداينو و أرقام مختبرية و في أفضل الأحوال و أسوأ الأحوال ، بعدين تكلم و احكم إن واحد أحسن من الثاني

آنا مهم عندي على الداينو جم يطلع و جم سنة عليه ضمان و خلاص

المفروض ما ندخل في كل هالتفاصيل أصلا

__________________

مشكور عريب السيف ، تصدق كل ما اكتب الموقع ما يطلع ، طلع من الاسبلنق

و ترا فيه صور لوايد سيارات مركبين http://www.b-quiet.com/installs.html

__________________

الله يجزاكم بالخير وشكر خصوصي لكل من غريبب السيف و sayedco...

بالنسبة لي أنا متردد من قصة العوازل كل ذلك بسبب التركيب...
بصراحة أخاف أوديها والسيارة جديدة ويجي واحد متخلف يكسرلي ديكور الأبواب مثل ما حصل معي في الفورد سابقاً...

لا زم محل محترف في فك الديكور وإعادة تركيبه...

أنا مستعد أدفع ضعف ثمن التركيب مقابل خدمة إحترافية... بس وين نحصلها الله أعلم...؟؟

__________________

والسلام عليكم ورحمة الله وبركاته

المحل إذا كسر شي غصباً عليه يدفع ثمنه و يبدله على حسابه

المشكلة مو كسر ، المشكلة العازل ما يركبه بشكل جيد لأنه لازم ما تكون فيه فقاعات و فراغات و يكون مركب بشكل ما يأثر على الملمس من الخارج و تحسه مايل و يطلع بشكل فضيع

عموماً بالتوفيق و وايد أتكلم آنا ، روح و توكل على الله

__________________

لمن تقلي ديكور باب بـ 2400 ريال... والله مهو بدافع شي غير يقلبها مضاربة وانا اللي بترفع واحد مقابل العشرة بنغاليين وفلبينيين...
آخرتها بنروح الشرطة وفيلم غبي وفي القسم زي طاش ما طاش بينصحونا نتصالح...

عموما أنا بحاول بس كمان شوي قدام...
شكلي حالياً بكتفي بعازل Ziebart واللي هو عبارة عن مادة ثقيلة ترش على أسفل الهيكل وتحقن بها الرفارف والأبواب من الداخل...

رغم أن أخوي محمد ((بريليود)) خوفني منها أيضاً يقول إنهم خربوا أبوابه ورشوها على مسار النوافذ وحتى لمن رجع لهم صلحوا المشكلة بس ما رجعت النوافذ كما كانت...

مستقبلاً أفكر بالعازل من نوع إكستريم وهو رقيق جداً ويجي بطبقة الومينيوم ويتشكل بسهولة مع الباب والأرضيات...

إحتمال أنزل جدة في الإجازة وأركب العوازل عند محل الكوثر وهو محل إحترافي معروف...

عموماً هذه نقطة العوازل أخذت علينا نقاش باقي التعديلات الخفيفة...

معليه بتعبك معاية شوي

1- ما فهمت المصطلحات التالية في أحد ردودك السابقة (كتاوت) ، MAF

2- ومصطلح إنتيك اللي هو نظام فلاتر كامل صحيح ؟؟

3- ما رأيك ببواجي Bosch ابو أربعة رؤوس؟؟ هل تركب ولا لا؟ وهل ستساعد في القوة؟؟ وهل تنصح بأسلاك معينة معها... سمعت بوجود أسلاك من نفس الشركة ما أدري إذا لك خبر عنها...؟

4- ما تشوف الهيدرز شوي مكلف؟؟ هل تعتقد أن فائدته تساوي تكلفته؟؟

الف شكر لك أخي على تعاونك

__________________

والسلام عليكم ورحمة الله وبركاته

اوه مسامحة تماديت آنا و ما كتبت الأسماء عدل

MAF = Mass Air Flow Sensor
< ما أعتقد مهم ، شي إضافي خاصة إذا السيارة بتعدلها على الخفيف


Intake = الهوز مال فلتر الهوا ، عرفته ؟ اكتب في غوغل و بتعرف قصدي
و طبعاً بعدين اللي تركبه بيكون ستيل أو المنيوم

3- هي أكيد ممتازة ، لكن شخصياً أشوف وايد مركبينهم على الكرايسلر Iridium +4 يعني اربع روس و من نوع آيريديوم ، ما فرق معاهم و لا شي أبد ، البواجي الأصل على الكرايسلر بلاتينيوم لذلك ما فرق ، شوف بواجي اللومينا إذا من نوع عادي ركب الآيريدوم على الأقل بتضمن احتراق افضل ""رغم إن الوكالة يكفون و يوفون مصممين لهالمكينة""

4- الهدرز Priceless لما تسمع صوته و إنت تعطيه ، اي الصراحة مكلف وايد الأصلي ، التفصيل رخيص بس مو مضمون ، ممكن تحصل محل يسوي لك مضبوط بس إنت و حظك

لكن شخصياً ما عندي فلوس حق أصلي ، تفصيل طبعاً

هدرز JBA شوف الداينو ماله + مركبين وايرات أفضل




و مسامحة على اللخبطة بس احين مستعجل بروح

__________________