تبديل السفايف و خراطه الدرامات

الزرعوني · 04-02-2007, 03:36 PM

السلام عليكم و رحمه الله وبركاته

كيف الحال و شو الاخبار ؟؟

هالمره انقلب السحر على الساحر

و مثل ما يقولون باب النجار دايما خربان

بالعاده انا ادل الناس على الاماكن الصحيحه هالمره انا اطلب لوووووول

يا جماعه ناوي اغير السفايف و اخرط الدرامات للكامري ..

قبل كنت اتعامل مع كراج و محل ميزانيه .. بس اتضاربت وياهم اثنيناتهم

لرداءة شغلهم اخر مره .. و الكراج النصاب خذ علي شغل ايديه مثل سعر الوكاله و زود 10 دراهم بعد

.. نصب × نصب

المهم يا جماعه .. انا ناوي خلال هالاسبوع .. حد يعرف مكان مضمون و شغله نظيف و سعره معقول في الشارقه او عجمان ؟؟؟

يا ريت اتفيدوني ..

لان بصراحه الوكاله يبالغون و ياخذون يوم و نص .. و انا بصراحه ما اقدر استغنى عن السياره لان النيسان عند اخوي

يزاكم الله خير

Sayedco · 04-02-2007, 04:42 PM

بدلهم عند البيت

السفايف و الدرامات ما يبيلهم شي ، شيل الرنج ، فك البولتين ، شيل البريك بدل الدرام و بدل السفايف ، رجع كل شي

إن شاء الله الشباب من الإمارات بيفيدونك

الزرعوني · 04-02-2007, 05:03 PM

تنفع ليش لا لوووووووووول

بس ياخوي كيف اخرط الدرامات ؟؟

Sayedco · 04-02-2007, 05:37 PM

اوه تعال ما انتبهت :s

آنا عبالي بتبدلهم ، جم سعرهم ؟ ما أنصحك تخرطهم ، بدل مرة وحدة

و إذا مصمم تخرطهم

إن شاء الله غيري بفيدك آنا من البحرين

for ever 21 · 04-02-2007, 07:40 PM

ياخوي مع انك من الشارجه وكل صناعيه الامارات فالشارجه وغريبه ما ادل شي هناك والله عاد عندنا مصفح بس بعيد عليك ونشالله يفيدومك الاخوان من الشارجه وعيمان

الزرعوني · 04-02-2007, 08:56 PM

والله ياخوي لاني من طلعت السياره و انا اتعامل مع كراج واحد .. مثل ما اتقول موصيني عليه .. بس لان الحين شغله صار مب لين هناك . فناوي اغير .. و مابي اجرب و اضيع وقت ع الفاضي

BMW M8 · 08-02-2007, 12:03 PM

اخي الزرعوني معلش ولو بكون ثقيل عليك نصيحة لوجه الله تعالى ...ودي السيارة الوكالة اريحلك واحسن لراسك من وجع راسك ...الميكانيكي ما يشتغل صح وياخذ سعر قريب جدا من سعر الوكالة وما تاخذ شي زين .... على العموم الراي الاخير لك ..... تحياتي

uae speed · 09-02-2007, 01:24 PM

والله يا بوشهاب انا من يومين مبدل سفايف وخارط الدرامات في الشارجه ، صوب المغاسل .

والكراجات هناك بالهبل ، بس انت وحظك يمكن يطلع الشغل نظيف ويمكن يطلع أي شي !

واذا بغيت تضمن الشغل ، ما عندك الا الوكاله! بتدفع شوي بس بترتاح نفسيا ً .

بوجاسم · 18-02-2007, 06:08 PM

صح كلامكم الوكالة أضمن وبترتاح نفسيا