>



صفحة 1 من 3 123 الأخيرةالأخيرة
النتائج 1 إلى 6 من 14
  1. #1
    الصورة الرمزية مؤيد اف1
    مؤيد اف1 غير متصل عضو فعّال
    تاريخ التسجيل
    Jun 2006
    المشاركات
    798

    Thumbs up انطباعي لسيارات هولدن 2007...بعد تجربة قيادة


    السلام عليكم




    بحكم ان عندي سيارة هولدن موديل 2005...رحت الوكاله وانا اعرف شخص هناك معرفة شخصية..اقترح عليي تجربة سيارة 2007...وكانت كابرس التي زد...بالبداية قلت ماابي اجربها..عشان لااكره سيارتي ...اصر الرجال ان اجرب السياره..وجربتها بعد التوكل على الله..وبصراحة السياره من اول ماشغلتها انبهرت بها..وانا الحين الي باقوله باقوله بكل حيادية..وماكتبت الموضوع الا وتطور 2007 كان اكثر بكثير مما توقعت..وراح انقل لكم الحقائق بكل دقة لان الحاقد لما يجرب سياره بيسبها حتى لو مافيها شي..انا محب صحيح..لكني كنت مجربها وانا متوقع اني مابشوف فرق كبير عن سيارتي..لكني كنت مخطيء..عموماً الكابرس لومينا طويلة..لكن الاس اس يكون افضل شوي..ومع الاسف ماجربت الاس اس



    انا ماقدرت اشوف سلبيات...وانا ركزت على الجانب التقني اكثر من المواصفات..


    الاشياء الي عجبتني مره في السياره هي كالتالي..


    1- من اول ماتركب السياره وتشغلها يجيك احساس انك راكب سيارة المانية..والسياره فيها هدوء كبيييييييير يختلف عن الموديل السابق بشكل ملحوظ..فهدوء السياره وبدون مبالغه اكثر من ضعف هدوء الموديل السابف!!


    2- دركسون السياره جامد..وانت تسوق السياره تحس ان ماسك الطريق بيدك ودقيق جداً وسلس...كل درجة يتحرك فيها الدكسون لها قيمة فعليه على الشارع واتجاه السياره


    3- عزل الصوت والهواء في السياره تطور بشكللللل كبيييييييييييييييييييير..ل ما امشي 160 ب2007 كاني ماشي 100 كلم بسيارتي !! مع ذلك مااحس بالشارع ولا بسرعتي..

    4- مطب السياره مره ناعم..وغير محسوس...وهنا اقدر اقول راحة السياره في المطب = ضعفين الراحة في موديل سيارتي..عشان انها اس اس وعشان انها قديمة و نظام تعليقها ولا شي تحت 2007...وفي شي لفت انتباهي..ان المطب ماتسمع له صوت ابد..حتى بالديكور..وهذا يدل على ان جودة الديكور ممتاااااااازه...ومره اخرى..هالشي احسن من السابق بكثيييييييييييييييير..وهنا اقول لكل من يقول ان الجودة حقت الديكور اقل اقوله انت الف مره غلطان..وانا كنت واثق من كلامي حتى قبل مااجرب السياره..

    5- ثبات السياره ممتاز..احسن بشكل ملحوظ عن الموديل السابق..صحيح مامداني اجرب هالشي صح..بس ثبات السياره ماراح يقل عن ممتاز...لاني دخل منحنيات ولفات ضيقة بسرعه وبودي السياره ماحسيت انه مال لا يمين ولا شمال..جامدة جداً السياره..وهذا هي LTZ مو SS الي اكيد بيكون اجمد!


    6- الجير بوكس رغم انه 4 سرعات لكنه انعم بكثير عن 2006 وتحت...ولا تحس له في كل الاحوال..حتى في التنقل بين N و D و R....الجيربوكس اصنفه ممتاز...وتحسن كبير عن الجيربوكس القديم...الجيربوكس مختلف وهذي عليها الف خط احمر...لكن بنفس النسب..لكن الفاينل درايف مختلف..


    7- المحرك هاديء جداً جداً جداً...واستجابتة عالية وعلى اقل شي...انا اتكلم عن الاستجابة مو القوة...لكن القوة اعلى بشكل طفيف وغير محسوس..لكن الاستجابة فرق السما والارض عن الموديل السابق..واتوقع السياره توصل معظم سرعتها بنصف الدعسه!


    8 - البريكات...هنا في كلام كبيييييييييييييير...البريك على اقل ريحة يمسك معاك..ان شاء الله لو بس تحط رجلك عليه ...وتقدر توصل لاعلى قوة فرملة بنصف المجهود عن الموديل السابق..وتحسن كبير هنا مشهود له...تقريبا اداء البريك ثابت..بعكس الموديل السابق الي بسرعه ترتفع حرارته للي مايعرف له..




    هذا ملخص الاشياء الي قدرت اشوفها..وانا متاكد ان في اكثر..لاني جربت السياره فقط اقل من 20 دقيقه...فما بالك بيوم او اكثر..اكيد في شي اكثر ممكن اشوفه في السياره..واعذروني ماقدرت اشوف شي سيء في السياره ملفت للنظر...وللتأكيد..الديكور افضل بمراحل عن السابق...ولايتأثر بأي مطب كان ولا يطلع منه اي صوت..كانه قطعه وحده...وكفى افتراءً عليه


    ماقول الا بدعتي باهولدن ياحبيبة قلبي وجهد كبير بذلتة الشركة على تحسين كل شييييء في السيارة..كل شي في السياره تطور. وتستاهل سعرها بكل امانه ولو انه مرتفع حبة بسيطه لان السياره جديده في السوق. مجهود تستحق عليه الثناء الكبير..رغم صغر الشركة ومحدودية مصادرها الي الكثير يجهلها. لكن المستقبل المشرق قادم..والبداية بتسويق سياراتها في امريكا من اول موديل للشكل الجديد للكومودور!


    واعذروني على التقصير



    تحياتي

  2. #2
    الصورة الرمزية AMG
    AMG
    AMG غير متصل مراقب عام
    تاريخ التسجيل
    Jun 2006
    المشاركات
    13,173

    افتراضي

    مشكور الغالي على التجربة المبسطة وياليت لو كان فيها صور

  3. #3
    for ever 21 غير متصل عضو نشيط جداً
    تاريخ التسجيل
    Jan 2007
    الدولة
    الامـــ بوظبي ــــارات
    المشاركات
    379

    افتراضي

    اشكرك ع انطباعك وبصراحه مب قاري الموضوع بس حبيت اقول تسلم عالموضوع بعد:)

  4. #4
    الصورة الرمزية Bindubai
    Bindubai غير متصل عضو نشيط
    تاريخ التسجيل
    Sep 2006
    المشاركات
    65

    افتراضي

    السلام عليكم،

    يوم السبت كنت رايح وكالة اليوسف اللي في دبي عشان أشوف التاهو اليديد وأشوف الفرق بينه وبين اليوكون.


    لكن......


    لما شفت الكابريس اليديده إنبهرت....

    عالعموم حبيت أنقل لكم الأسعار:

    LS - بـ 90 ألف درهم.
    LTZ - بـ 124 ألف درهم.
    SS - بـ 139 ألف درهم.
    رويال بدون فتحة سقف - بـ 144 ألف درهم.
    رويال بفتحة السقف - بـ 149 ألف درهم.

    >> وهنا << المواصفات.

  5. #5
    الصورة الرمزية STrong
    STrong غير متصل عضو نشيط
    تاريخ التسجيل
    Jun 2006
    الدولة
    KuwaiT
    المشاركات
    185

    افتراضي

    مشكور اخوي مؤيد بس عندي سؤال هذى السياره مافيه مجله قامت بتجربتها ؟؟

  6. #6
    الصورة الرمزية UAE SPEED
    UAE SPEED غير متصل مراقب عام
    تاريخ التسجيل
    Jun 2006
    المشاركات
    6,436

    افتراضي

    يعطيك العافية مؤيد على التجربه السريعه .

    بصراحه تامه أنا معجب بالكابرس واللومينا ، وخصوصا من الداخل من حيث جودة المواد والكوالتي العالي .

    المحرك طبعا أقوى من المحرك السابق وعزمه ممتاز ، ولكن كنت اتمنى لو أنهم نزلوه بست سرعات .

    يمكن السعر المرتفع قلل شوي من المبيعات ، بس أنا أشوف سعر مناسب جدا ً مقارنة ً بمدى التطور الحاصل في الجيل الجديد والمواصفات الجديده فيها .

    شكرا لك مؤيد .

صفحة 1 من 3 123 الأخيرةالأخيرة

المواضيع المتشابهه

  1. تجربة قيادة شفرولية سلفيرادو 2008 Chevrolet Silverado Test Drive
    بواسطة grandv8 في المنتدى تجارب السيارات
    مشاركات: 68
    آخر مشاركة: 19-03-2009, 06:03 PM

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14