اسألتك عن التصوير .. تفضل واسأل :) !! - الصفحة 3

moon · 25-07-2006, 10:44 PM

نسيت اخبرك اخوي بعد

في تعديل الوضعية اعتقد لازم اخليه الاولوية لسرعة الغالق هل هذا بيحقق لي نتائج جيدة؟

وفي سرعة الغالق نفسه كيف اخلي الفوكس ثابت؟

ياليت تفيدني بعدني توني اتعلم على الكاميرات الاحترافية !!!!

ra3y_v6 · 25-07-2006, 11:10 PM

اهلا وسهلا فيك اخوي ...
انا ضفتك على المسنجر وراح ارد على كل استفساراتك كلها

الزرعوني · 01-08-2006, 06:06 AM

السلام عليكم و رحمة الله وبركاته

شحالك اخوي V8

اشكرك على الموضوع الرائع .. و فيه افاده لمن لا يملكون الخبره في مجال التصوير و الكيمره .. ( منهم انا مييييح

)

والله ياخوي .. مثل ماا انت عارف .. انا اول مره اشتري كيمره في حياتي و هيه FUJIFILM F10 6.3 Migapixel

و هذا الرابط و الصور .

http://www.digital-fotofusion.co.uk/...lm_f10_zo.html

بس ياخوي ما عرف شي عن مواصفات الكيمره

قولي شو مواصفاتها ..؟

كيف اصور صورة ليلية و اتكون واضحة ..؟

بصراحة عن هاي الكيمره خذيتها وانا مغمض

.. كان عليها عرض قوي في amazon.com و شفت قوة الكيمره مع سعرها المنخفض جدآ .. و كلمت اخوي uae speed قبل ما اشتريها و قالي انها جيده المستوى .. ( مب ممتازة ) ..

و مشينا حالنا بما انها اول كيمره

و مشكور مقدمآ

ra3y_v6 · 01-08-2006, 07:48 PM

السلام عليكم اخوي ..
تبى الصدق انته غلطان تسأل واحد عنده فوجي عن الفوجي ههههههههه ..
لا الكيمره الصراحه حلوه وخفيفه ومواصفاتها وايد زينه

وتفضل كم سنبل لها

http://img2.dpreview.com/gallery/fuj...s/dscf0139.jpg
تصويرها الليلي حلو بالنسبه لكاميره صغيره

http://img2.dpreview.com/gallery/fuj...s/dscf0176.jpg
تصويرها بعد حلو في المايكرو !
http://img2.dpreview.com/gallery/fuj...s/dscf0164.jpg
الوانها تعجبك والكواليتي زين

.. .

الكاميره على بعضها اوكي ... ولا تحاتي ان شاء الله تتعلم عليها وتوصل لل كانون 1 دي

خخ كاميره ب 18 الف اظن ...
بالنسبه للتصوير الليلي كم شغله تتبعها وتطلع بصور زينه ..
1- تستخدم عدد ISO كبير والي يوصل في كيمرتك 1600 بعكس ابعض الكاميرات الي في فئتها 400 فقط ....
2- تستخدم ترايبود ... او مثبت ثلاثي ..او ستاند ... وان شاء تحصل صور نقيه ..
في حال انك حصلت مثبت ثلاثي مايحتاج انك تزيد الايزو ... لانه يسوي شويه نوويز في الصوره كل ماتزيده ... لانك اذا نزلته حساسيه الكاميره للضوء بتقل وبتزيد مده الشاتر بالتالي بتصير الصوره مشوشه..

سوري ضيعتك وياي

بس حبيت اقولك اذا تصور بإيدك صور على ايزو كبير واذا بمثبت على ايزو عادي ...
واي سؤال نحن حاظرين ..

الزرعوني · 02-08-2006, 06:59 AM

مشكووووووووووور حبيبي و ما قصرت

و اذا فيه اي شي .. بسألك على طول

K10 · 04-08-2006, 05:46 PM

خالد ما جاوبت على سؤالي

طيب اخوي

شو معنى عازلية الضوء وكيف اقدر اضبطها ؟

ياليت تراجع موضوعي عن ضوء النيون وتشوف رد الاخ جراند في8

لاني ما فهمت المقصد !!!!!!!!

ra3y_v6 · 04-08-2006, 09:06 PM

والله ياخالد مابقدر افيدك في عازليه الضوء ... يفضل انك تسأل صاحب المعلومه الي خبرك عنها

..
وآسفين !!

Silver · 05-08-2006, 08:22 AM

أظن إلي قالك كان يقصد عزل الخلفية أو عمق الميدان (Depth Of Field) ... مش عزل الضوء

إذا كان هذا هو غلي تبغيه ... فالمطلوب منك علشان تعزل الخلفية هو إنك تغير رقم فتحت العدسة f ... كل ماكنت مخلي فتحت العدسة على رقم f صغير كل ما كان الشاتر ماخذ فتحة كبيرة فتكون الخلفية مطموسة ... وكل ما كان رقم الـ f كبير كل ما كانت الفتحة صغيرة وبالتالي تكون الصورة حادة ...
أكبر فتحة هي f1 ويكون الشاتر فاتح بحجمه الكامل فيكون أي شيء بعيد عن الكاميرة بعدة أمتار مطموس بالكامل

للتوضيح أكثر راجع هذا الدرس
درس: عمق الميدان Depth Of Field وعزل الخلفية

ra3y_v6 · 06-08-2006, 01:53 AM

تشكر يا اخوي وان شاء الله هذا المقصود ...
خلنا نشوف صورك على الاقل

Silver · 06-08-2006, 06:42 AM

إن شاء الله .. بس ما عندي شيء جديد