لجميع محبي تجارب السيارات الرجاء الدخول --- هام

زورو الامارات · 16-02-2007, 11:04 PM

بسم الله الرحمن الرحيم

السلام عليكم ورحمة الله وبركاتة

المثل يقول ماخاب من استشار

في كم سؤال في خاطري من فتره وحبيت اعرف آرائكم

هل تفضل عزيزي العضو ان نقوم بتجربة سيارات فارهة مثل البنتلي او المرسيدس او الاودي واللكزس ؟

ام تحب ان نقوم بعمل تجارب واقعيه اكثر بمعنى آخر سيارات احنا نستخدمها وتكون بمتناول الجميع يعني الكل يقدر يشتريها وهي تمثل له شي مهم ؟
مثل الكامري والكورولا والسيفيك والسيارات المنتشرة بين الناس بشكل كبير

احب اسمع منكم على شان نقدر نركز اكثر على متطلباتكم يا شباب

Prelude 4 Life · 16-02-2007, 11:24 PM

انا اشوف ان تجربة سيارات سعرها في متناول الغالبية لكن في نفس الوقت تكون سيارات غير منتشرة بشكل كبير مثل السيفيك او الاكورد او الكامري

مثلا تويوتا اوريون.... هيونداي ازيرا.... انفنتي G35 ..... دودج تشارجر

تجربة هالنوعية من السيارات بيعطي الاعضاء فرصة انها تتعرف على مزاياها اكثر وبتكون التجارب لها فايدة لما شخص يفكر يشتري سيارة جديدة

EL_3grab · 17-02-2007, 12:12 AM

التجربة ما يحدها شي ..

أذا بالأمكان تجربة السيارات الفارهة ليش لأ .. وأهم شي تكون السيارة جديدة وتكون من التجربة واقعية وتعطي المعلومات اللي ما تحصلها عند الوكيل ولا مواقع الشركات ..

Corvette_Stingray · 17-02-2007, 12:22 AM

أحب أشكرك لانك تاخذ راي الأعضاء وهذا مب شي غريب عليك وعلى مشرفينا الأفاضل ..

ورد على سؤالك ..

من ناحيتي أحب انكم تكثرون من السيارات اللي نجوفها ناجحه عندنا ونجوفها في الشارع ..

أما السيارات اللي نادر ما نجوفها بعد نحب نجوف لها تجارب اكسب المعلومات عنها ..

وجزاكم الله خير على تعاونكم

كيف · 17-02-2007, 01:55 AM

اتمنى اشوف كل الانواع العملي منها والفخم

K10 · 01-06-2007, 02:18 PM

الاحسن ان المعلومات تكون مرتبة حسب التجربة

مثلا تكون هناك فقرة تتكلم عن السيارة بشكل عام

ثم يندرج الى السيارة بشكل خاص

ثم الداخلية

وهكذا

بس ليش ما تجربون سيارات يكون لها نجاح او انها دخلت السوق اول مرة
او تتوقعون لها نجاح

الشبابي · 01-06-2007, 03:06 PM

انا برأيي نجرب جميع الانواع ...
اي شخص تتوفر تحت يده سيارة فارهه او عادية وهو قادر على تجربتها فأهلا وسهلا ، وصحيح ان السيارات الفارهه محببه للكل ولكن زيادة الخير خيرين ،،، وهذه التجارب راح تكون مرجع للكل وتساعدنا في اختيار سيارات المستقبل او مساعدة اصدقاءنا واقاربنا في الاختيار ...

اخوكم الشبابي

ســـــزوكــــ swift ــــي · 01-06-2007, 04:43 PM

والله يا خوي زورو التجربة تكون على جميع أنواع السيارات

سواء كانت فارهة أو عادية

لأنه في بعضهم ما يعرفون شي عن السيارات الفارهة او العاديه

و اتمنى إني افدتك

Mr.K H A L E D · 01-06-2007, 05:45 PM

يالغالي نتمنى تجربة اي سياره تكون مرغوبه لدينا بالخليج
وليش لا بعد نشوف السيارات السبورت او الصالون الفارهه

تسلم زور الامارات

ra3y_v6 · 02-06-2007, 11:21 AM

اقتباس:

هل تفضل عزيزي العضو ان نقوم بتجربة سيارات فارهة مثل البنتلي او المرسيدس او الاودي واللكزس ؟

عن نفسي احب اتعرف على عيوب هذي السيارات الي ماسمعنا عن استخدامها وايد .. البنتلي والمرسدس طبعا الفئات الاكبر .. ومن هذي السيارات ..

السيارات الثانيه تقدر تقول في متناول الجميع ومعروف عنها كل شي ..

هذا رايي