تراك تبي تغير قطع على عماها وبدون فائدة!!


الرجة من وقفة السياره فوق السنة..روح الوكاله وخليهم يغيرو لك الكفرات على الضمان غصباً عن ابوهم..صاحبي غيرهم على حسابهم..والسبب الوقوف خلى الكفر غير مستوي

بالنسبة للقطع


1- اوكي

2- فلايويل ماله داعي بكرة ممكن تعطيك اداء بسيط حدود 10 حصان او اقل

3- ممكن يعطيك (مع برمجة ضروري)

4- 2 حصان بالكثير

5- الهوبات الرياضيه ضرورية..بريكات هولدن مافيها مشكلة للي يستخدم السياره استخدام نظيف..ومو استخدام زبالة وانت بكرامة..انا معي الفرامل سنتين ولا غيرتهم وبدون اصوات وبدون مشاكل..

6- موجود في سيارتك ومالة داعي تشتري غيره!!

7-الجلد مافيها مشكلة..ماشوف فيها اي شي..اذا ركبت يورثان بتضطر تشحم السيارة كل فتره..اما شد بلد ماتحتاج تشحيم طول عمرها..الا اذا شي مزقها.


8- ماله داعي بالمرة

9- هذي اهم من كل الاشياء واذا صار فيها خطا طفيف كل شي يصير غلط ويمكن يخرب لك الجيربوكس والمكينة اكثر من انك مركب سوبرشارجر !! والبرمجة تصير آخر شي بعد ماتركب كل الي تبيه عشان توزن السياره على القطع..



لاتهتم لكلام الناس..اكثره مأخوذ خيرة..واستشير قبل ماتسوي اي شي!! لاني حاس ان كلام الناس بيخليك تكره السياره وتشك في كل شي..ماله داعي صدقني وهذي نصيحة اخوية!! واذا ماتبي تمشي بالنصيحة بتجيب لروحك المشاكل وعوار الراس..



تحياتي

__________________

GM 2008

Some say

"The '08 car has a world-class interior, a two-tone design that is better over all than the Camry and the Accord. This Malibu is at least a match for both on the road in terms of powertrain and handling."

قوية

هل ركزت على نقطة عموما أنا بصير كالح وأسألك أسألة إضافية عن كل نقطة بس لا ـني


1-أوكي هل تنصح بمنتج غير عن منتجات كابا؟؟
2- البكرات حلوة لو بتعطي 10 أحصنة... 10 أحصنة تسوي شي بالنسبة لي... تنصح بمنتج معين؟؟
3- خوفتني من البرمجة كم ممكن يعطي، وهل بإمكان أن تدلنا على محل برمجة ممتاز في الرياض؟؟
4- ما تريح المكينة وتسوي إحتراق أنظف...؟؟ بركب شمعات Bosch أبو أربعة روس وأسلاك تنصح بشي معين؟؟
5- أنا بعد أحسها ضرورية أنا حسيت بعدم كفاءة الفرامل فيها من تجربتي مع الكابرس...
6- موجود في سيارتي؟؟ تصدق ما شيكت أنا أعرف إته موجود في الكوبيه وقالوا إنه تعبان وزينة أكثر من أنه عملي... لذلك BMR ينصحون بالتبديل للسترت بار قوي من عندهم... بصراحة أحس هالسيارة تحتاج تربيط وهي توها طالعة من الوكالة... بالنسبة للسب فريم يمكن أصرف نظر عنه لأنه يبغاله لحام وزحمة...
7- هذي معلومة جديدة أن اليورثان يحتاج لتشحيم
8- ماذا عن إشاعات الجير بوكس ومشاكله مع السيارة؟؟ هل هي مجرد خرابيط؟؟ وبعدين الدرايف شافت ما ردني عنه إلا سعره 900$ ولا أنا مقتنع بفائدته فيزيائياً...
9- خطأ كيف ؟؟ بصراحة خوفتني جداً من هذي النقطة هل تعرف محل مضمون؟؟

نقطة أخيرة...
هل عندك تعليق عل الجزئية أعلاه ؟؟

تشكرات أخي الكريم ولك كل التحية والتقدير على تعاونك...

__________________

والسلام عليكم ورحمة الله وبركاته

عندي تعليقات حبوب..انا بزعل اذا بعت الموتر



مادام عندك لومينا تدلل مافي ازعاج ابداً..على الاقل يمكن بفيدك وماتسوي اشياء غلط ومالها داعي..مثل ماتشوف العالم تسوي..وبعدين تلوم السيارة



لاتنسى تروح الوكالة وتغير كفراتك!!...هم سبب الرجة..قول لهم وبيفحصوهم وبيغيروهم على حسابهم..اعرف ثنين غيروهم على حساب الجميح..لانه موزع كفرات يوكوهاما الزفت



نجي للمفيد



هيدرز كابا زين...وسعرة لاباس فيه..بس حاول تدور على نوع اسمه pacemaker...بس انا باشتري slp اذا توفقنا بوظيفه صحيح غالي بس ممتازة جودته..حتى بيس ميكر ممتاز..بس مايجي بدبات تلوث..وانا ابي دبات تلوث.

بالنسبة للبكرة (ليست بكرات) هي بكرة كرنك فقط..وانصح بالSLP حقت الجي تي او ضروري..غير كدا حق كمارو او كورفت بيسببو لك مشاكل في الغالب..خصوصا حقت الكورفت. صحيح نفس المكينة لكن في اختلافات في الموديلات الجديدة من ناحية غطا الجنزير وحوض الزيت

والسيور اطلبها..احتمال كبير ماتحصل سيورها هنا بالحجم المطلوب من الشركة.


البرمجة بحر واكبر مما تتصور..شرارة زايدة ولا هواء زايد يمكن يخرب عليك المكينة او يكسرها لك!!


قبل ماتبرمج وبعد ماتبرمج استخدم بنزين 95 عشان يصير التايمنق عندك افضل..

والجير لاتفكر تخليه يبدل على اكثر من 6200 ولا ترفع ضغط الزيت بالبرمجة ابداً ابداً....رفع ضغط الزيت بيخرب عليك الجير..وانا من الحين ابريت ذمتي..ركب ترانز جو...بيعطيك مفعول رفع ضغط الزيت..ميكانيكيا..الي هو افضل بمراحل من الكترونياً..لان بالكمبيوتر راح تمسك الكلتشات مع بعض يقوة ولا في زيت كافي يوصل لهم ويبردهم..فبالتالي الحرارة مليون فيحرقو عليك الكلتشات وبيقل عمر الجير بدل 6 سنوات الى 6 شهور اذا مو اقل !!...الترانز قو يمكن يعطيك تبديلات خشنة وتفحيط بين التبديلات لكن راح يكون في السليم..وبيوصل زيت كافي للكلتشات ولابيخليهم يحتكو كثير مع يعض..وعمر الجير بيطول للضعف!!..مبرد جير اضافي انصح به بشدة...انا للحين ماركبته بس اول شي بيركب في السيارة قبل اي لعب فيها...تفحيط لاتفحط بالسياره..الجير راح تصير حرارتة مليون..وزيته غيره كل 30 ال 40 الف كلم..


بواجي لاتركب ابو اربع شرارات..راح يعطو مفعول عكسي..ركب NGK Iridum IX افضل بواجي ممكن تركبهم.



الفرامل ادائهم زين..بس لاتمسك بريكات قوية متواصلة بدون تبريد مثل الي يصير في القومات..(تمشي فتره بهدوء بدون بريكات على شارع طويل عشان تبرد) اذا بردت ماراح تحصل منهم مشاكل..


اعرف واحد كان يغير البريكات كل 15 الف..وانا لحد الآن ماغيرت وسيارتي ماشية 60 الف كلم..



سترت بريس هو العمود الي فوق المكينة الموضوع بالرفارف ظاهرياً لكنه موصل بالجامبينات لكل جهة..السب فريم خليك بعدين عنه ماتحتاجة..صدقني..كل الي تحتاجة تغير الكفرات


ايه اليورثات ماهو محكم مثل الي على السياره..ويطلع اصوات خفيفه في الجو البارد..التشحيم ضروري..ومع حرنا وحرارة المكينة والاسفلت الشخم بيذوب


الدرايف شافت الي تتكلم عنه مصمم للسيارات المزودة الي قوتها فوق 500 حصان..في هالحالة الي على السياره بينفرم من القوة الزايدة

ولما اقولك ان الي على السياره قوي يعني قوي ..وممتاز فعلاً. ويجي بوصلتين..جزئين..بعكس الرياضي الي يجي قطعة وحدة..الي يمكن يسبب لك مشاكل في التركيب واهتزازات لانه صعب التركيب.

مشاكل الجير تجي من اللعب فيه والحرارة..تنزيل وترفيع فيه بشكل غير عقلاني..كثر المقاوم الي يرفع حرارتة..التفحيط..عدم تغيير الزيت في وقته..الـــــــــــــــــــــــــــــــبرمجـــــــ ـــــــــة الخطأ. لو حبيت تقاوم قاوم في جو معقول..مايكون حار بزيادة..ولا تكثر مقاوم..5 دعسات كحد سليم..بعدها تبرد السيارة بالمشي المريح..تثبت على سرعة 80 كلم مثلا مسافة 5 كيلو..وبعدين امشي عادي..هذا الي انا اسويه..وماشوف اي مشكله منها.


برمجة خطا يعني في شي غير معقول يصير..وغير مصممه عليه السيارة..مثل رفع ضغط زيت الجيربوكس..هواء وبنزين غير موزونين..شرارة زايدة..وغيرها


بالنسبة للرياض انا مادري من الي يبرمج صح..بس سمعت عن اخو الجميح..يقال انه عارف للشغلة..ولا ادري..احنا بالشرقية عندنا هشام الملا..فنان وماينخاف من شغله..





فكر زين قبل ماتسوي اي شي


وانا موجود للمساعدة..



تحياتي

__________________

GM 2008

Some say

"The '08 car has a world-class interior, a two-tone design that is better over all than the Camry and the Accord. This Malibu is at least a match for both on the road in terms of powertrain and handling."

مشاكل الجير تجي من اللعب فيه والحرارة..تنزيل وترفيع فيه بشكل غير عقلاني..كثر المقاوم الي يرفع حرارتة..التفحيط..عدم تغيير الزيت في وقته..الـــــــــــــــــــــــــــــــبرمجـــــــ ـــــــــة الخطأ. لو حبيت تقاوم قاوم في جو معقول..مايكون حار بزيادة..ولا تكثر مقاوم..5 دعسات كحد سليم..بعدها تبرد السيارة بالمشي المريح..تثبت على سرعة 80 كلم مثلا مسافة 5 كيلو..وبعدين امشي عادي..هذا الي انا اسويه..وماشوف اي مشكله منها.

كلامك 100%

انا بصراحة اغير زيت القير كل 20 الف او 25 الف اذا كنت مهمل تبديل الزيت

ياجماعة حرارتنا 55 درجة
اعوذ بالله

والزيت مو غالي حيل

وانصح بزيت موبيل1 للمكينة

واغير الزيت كل 10 آلاف

__________________


لاإله إلا الله محمد رسول الله

تعجز الكلمات عن شكرك أخي مؤيد...

وأشكر باقي الشباب الذين شاركوا معنا...

أخي ما رأيك بهذا النظام من capa ...

VT-VY 5.7 GENIII V8 Commodore - Sedan, Ute & V2 Monaro
x4 into 1 stainless steel Headers, finished in high temp paint, also available in ceramic coating.
Hi-flow stainless steel Cats.
Twin 2 1/2" straight through Mufflers in mild steel or stainless steel.
Twin 2 1/2" straight through rear Muffler with twin outlets in mild steel or stainless steel.



مكتوب أنه يمشي مع المونارو ومع السيدان في نفس الوقت
أعتقد أن هذا يعني أن منتجات الـ GTO ستركب على السيدان...!!!
ما رأيك به...

========================================



LS-1 VT/VX Intercooler System (Battery not included) هذا إيش يطلع؟؟ أنا أعتقد انه تبريد إضافي للهواء الداخل للمكينة؟؟

ماهي فوائده وهل له مساويء؟؟

========================================


Mass Air Flow Calibrator MAF-CAL

وش فائدة هالقطعة؟؟

======================================


Engine Oil Cooler Kit

هل له مفعول في تحسين الأداء وإطالة عمر المحرك؟؟

=========================================

لي عودة لوضع باقي القطع...

__________________

والسلام عليكم ورحمة الله وبركاته

انا صاحبي شرا له الحين موستنق 2004
وهو من عشاق شكل الموستنق الجديد
وهو زميلي في العمل
وكان كاتب بكل الأشياء إلي يطلبها ومنها مبردات وكل شئ

وانا كنت بلحقه وبدور على كميرو موديل 2001 او 2002
وفعلا لقيت نظاف
بس الدوام فاجئونا بدورة لبره
فطقيت بريك ووقفت عن البحث
سبحان الله كل ما ابي اشتري سيارة اشوف شغله تطلع لي وتوقف الشراء
والحمدلله المال متوفر فالكماروات رخاص
وكنت مفكر بموستنق بس ضعيف حيل بصراحة.
انا ابي سيارة كوبيه امريكية

وكانت براسي اللومينا كوبيه
بصراحة شكلها حلو ومميزة وقعدتها وداخليتها روعة.
بس إلي وقفني عن شراها هي عدم توفر قطع تضبيط لها في الانترنت
مثل تنزيل السيارة واكزوز .........الخ

على العموم لما نرجع من السفرة نشوف

__________________


لاإله إلا الله محمد رسول الله

قايل لك اكثر القطع تركب بس مشكك في الاكزوس..اجس الجزء الخلفي اطول في اللومينا سيدان عن الكوبيه..اكيد الكابرس مايركب عليه حق الكوبيه..بس السيدان مشككني..ولو تلاحظ في كابا حاطين الاكزوس حق الكوبيه له سعر والسيدان له سعر..مادري ليش الفرق..هل هو عشان الطول او شي ثاني..هالاكزوس تمام..وماعليه غبار..من كل النواحي..صوت تحمل وسعر واداء..

الانتر كولر للسيارات الي عليها سوبرشارجر او تربو..لان الهواء يسخن لما يعبر بالشاحن التوربيني


Mass Air Flow Calibrator MAF-CAL

لاتهتم به..هذا للي يبرمج على مااعتقد..مو قطعه تركب..حق برمجة بدون حساس هواء..مافلس..


Engine Oil Cooler Kit

اذا مركب شواحن تستفيد منه



بالنسبة لقطع الجي تي او...99% منها تركب على اللومينا سيدان والكوبيه..يمكن بعضها يحتاج تعديلات بسيطة ..سواء يايات اصغر او اكزوس..وان شاء الله باطلب لي اكزوس كامل اذا صار فيه دراهم




تحياتي

__________________

GM 2008

Some say

"The '08 car has a world-class interior, a two-tone design that is better over all than the Camry and the Accord. This Malibu is at least a match for both on the road in terms of powertrain and handling."

على ماعتقد مو شرط
تبريد زيت المكينة حتى مايصير للزيت فلش
حتى الزيت يطول عمره
ويطول عمر المكينة


الحرارة تقريبا 55 درجة مئوية
المكينة والقير يبيلهم كولر بصراحة

__________________


لاإله إلا الله محمد رسول الله

أخي مؤيد ((الله يعينك عالنشبة )) واحد عارض عليه سيستم إكزوست + هيدرز كامل من SLP مستعمل لمدة سنة.... بس نظيف على كلامه...
أعتقد مثل هذه القطع ما يجيها شي إلا إذا السيادة مدعومة ولا مضروبة من تحت...

ويقولي يزيد 45 حصان بدون برمجة ، بصراحة حسيت إنها صرفة قوية... على حد علمي إنها تزيد حول 25 حصان...!!

بعدين أنا تذكرت موضوع حساس الأكسجين، وخفت تنور عندي لمبة Service Engine Soon ...
كيف ممكن أضمن عدم حدوث ذلك؟؟

وعموماً هل تشوف إنه التزويد المثالي كأول تزويد لي؟؟

السلام عليكم

__________________

والسلام عليكم ورحمة الله وبركاته

45 حصان مع البرمجة اصدقها...لمبة المكينة ماتشتغل الا اذا سنسر خربان..اذا انفك بطريقة غلط..


اكثر من مثالي الاكزوس بس ماقلت ويش نوع الديات؟




بالتوفيق

__________________

GM 2008

Some say

"The '08 car has a world-class interior, a two-tone design that is better over all than the Camry and the Accord. This Malibu is at least a match for both on the road in terms of powertrain and handling."