ليش ياشباب الاندكروزر مرغوب اكثر من الباترول في الخليج مع ان الباترول ارخص وعلى قولت بعض الناس اانه احسن فهذا يدل على ان الاندكروزر افخم لايعلى عليه في النفود اكثر رزة يعني مو انت اللي تقرر ياراعي النيسان كثرة الرغبة وكثرة الشراء هي اللي تقرر

__________________

ما يهزك ريح يالنيسان من يوم يومك وانته حارق اعصابهم



من مواضيعي
1-كيف تكسب قلوب الأخرين

__________________
أول موقع جماهيري رياني يرحب بكم

http://www.alraheeb.net

بالعكس ياخوي


احنه عندنا فالامارات .. الشباب ياخذون النيسان اكثر من اللاند بكثير ( الشباب )

اللاند يستخدمونه كسياره عائليه في اغلب الاحيان ..

لاكن للبر ( التطعيس ) بتلقى معظم السيارات نيســــــــان

__________________

^^^^

اتفق معاك بالنقطه هاذي

وفي قطر اللاند منتشر اكثر والكلام ينطبق على الكويت والسعوديه مبيعات النسيان باترول الجديد عندنا شبه معدومه كل اللي اشوفه موديلات قديمه

__________________

The Technology Of Germany Engineering

انت الحين سألت سؤال ، وجاوبت على نفسك

عموما بقولك شي .. كل موتر يتفوق على الثاني بخصائص معينه ..
مثلا الراحه والجوده والاعتماديه عند الستيشن ، والسرعه والبر والخفه وروح الشباب عند الفتك .

يعني ما تقدر تقول هذا أفضل من الثاني .

__________________

الباترول شبابي نوعا ما عشان جذي فئه معينه تشتريه وارفع من الكروزر ومحركه اقوى

ولكن بالنسبه للكروزر مرغوب من كل الفئات الشباب والعوايل والكل

وطبعا في اسباب تخلي الكروزر يسنتشر طبعا بقول لك من حكم اني اركب السيارتين دوم

لو قارت السوبر سفاري مع الفي اكس ار من كل النواحي
اولا من اول ماتركب السيارتين
اول ماتفتح الباب نظام الإناره وكلمة لاندكروزر والإضائه الخضراء ماتقعد في الفي اكس ار السكان الكتروني يتحرك الكرسي اكبر والقعده اوسع السياره تشتغل بمجرد انك تحرك المفتاح الطبلون زينون البلوتوث جنبك والشاشه الي تعمل باللمس وتحكم المكيف والنفيجيشن كل شي البملس والكتروني ونظام التعليق الريف جدا كل شي معروض بشكل فخم الصراحه

السوبر سفاري قعده عاديه والطبلون مو فخم الخشب بلاستيك والمسجل عادي مركب والمكيف تدوره مثل الستاندر والطبلون برتقالي وزر المكيف الخلفي والخزان الثاني موجودين في مكان تحت غير موفق

انا ما ابي اذم بس السوبر سفاري مع الفي اكس ار مافي مقارنه الصراحه اركب السيارتين بشكل دايم ومافي مقارنه

الباترول يتقارن مع نفس سيارتي الجي اكس ار والناس اذواق ولكن انا افضل الكروزر شخصيا من ناحيه الشكل والهدوء والقعده وسعر مابعد البعيد وتوفر قطع الغيار

بس اقول النيسان محركه افضل واحسن في البر وارفع


لو جيت على مبيعات الكروزر فاز في هاي الموضوع في كل الخليج وحتى في الإمارات انا اروح اسوف الإستيشنات اكثر وحتى يوم اروح محلات الزينه اشوف كل الإكسسوارت حق الكروزر

اصحاب النياسين مايعترفون بهذه الحقيقه واغلبهم ماعندهم حياديه حتى على الأشياء الواضحه ولكن احنا الي نشوفه نقوله

أخواني عندنا بالسعوديه الاند مرغوب أكثر من الباترول والسبب السعر اذا ناوي الشخص على البيع
ماينزل عن سعر الوكاله شئ
لأنه فرق تبي تشري الاند مثلا بـ160000الف يقعد معك سنه تبيعه بخساره 10000الف الى 15000الف
اما الباترول فهو العكس تمامــــــــــــــــــــــــــــــــــا.....
وترا الباترول منتشـــــر كثير عندنا بعد الموديلات الجديده 2005---فما فوق
1000 شكر لكم على طرح الموضوع

انا اتفق وياكم انه مبيعات الاستيشن اكثر من النيسان من سنه 98 والسبب لانه النسيان موديل 98 لين 2001 كان تعبان لكن لا تنسون من 88 لين 97 منوه كان محتل صدارة المبيعات ! النيسان طبعاً
وتم تغيير شكل 2001 و عدلو مكينته في 2002 وصارو الشبيبه كلهم ياخذون البونسه
وارتفعت مبيعاته اكثر يوم اتعدل شكله من 2005 وطالع
وشوف الحين في الشوارع عندنا في الامارات الناس زهقت من شكل الاستيشن
وحبت اتغير فقامو ياخذون النيسان لانه شكله صار مرتب من داخل ومن برع بعد
وانا من ناحيتي عندي نيسان باترول 2005 والحمدلله راضي عنه واشوفه اخير من الاستيشن
لانه عفن الصراحه وهو على هذا الشكل

والسموووحه منكم

__________________


SaY HeLLo To My LiTtIL FrIneD

خبر عاجل : تقوم شركه تويوتا بالإستعانه بمهندسين من شركه نيسان لوضع تصورات جديده لباص الخبر أسف قصدي الاند كروزر
لان الناس ملت من الشكل الي مب راضي يتغير من سنه 98


بس في نقطه تنحسب لشركه تويوتا انها عرفت تلعب على بعض العقول تغير كل سنه شكل الشبك والسطابات وترفع سعره 15 و20 الف والناس مصدقه نفسها راكبين 2006



ما يهزك ريح يالنيسان من يوم يومك وانته حارق اعصابهم

ترا كل سيارة فيها ايجابيات وسلبيات

موضوع حلو وفيه نقاشات كثيرة


بالنسبة لي كان عندنا نيسان 90 ومن ثم 96 ومن ثم 98 ومن ثم 2002 ومن ثم 2005

ولاحظت ان الشكل يتغير مرة بعد مرة يعني في اختلافات

ومن ناحية السواقة لاحظت انه مناسب اكثر شي حق البر فقط

الكروزر

موديلات قوم 90 - 97 شفتها فخمة وقوية بس فيها برودة في القومة ؟؟؟؟؟ مع انها 6 سلندر
بس قعدتها مريحة اكثر من النيسان من نفس الموديل

موديلات ال 98 + شفت ان الشكل صار افخم بس كل شي صار نفس الشي
يعني القعدة مريحة اكثر من النيسان لكن الاستخدام مب بر تحس ان الاستخدام كله شوارع وعائلي

بغض النظر عن ال جي و الجي اكس هذيلا اشوفهم ملائمات حق استخدام البر شوي
من ناحية القعدة


طيب نتكلم عن قطع الغيار والتصليحات

النيسان شو يخترب فيه؟؟؟؟؟ حرارة - مكيف شو بعد ؟؟؟ والكل يعرف يصلحه !!!

الكروزر شو يخترب فيه؟؟؟؟ صراحة ماعندي خلفية ومع هذا الكل يعرف يصلحه !!!

طيب قطع الغيار ..... موجودة في كل مكان

قطع غيار النيسان لاحظت انها ارخص


طيب نشوف رضا الزبائن

النيسان: الكل راضي عنه

الكروزر: الكل راضي عنه

السعر:
النيسان: غالي نوعاً ما وعند البيع يطيح سعره

الكروزر: غالي جداً وعند البيع يطيح شووووووووووووي



هذا اللي عندي !!!!

__________________


دروس السيارات: 19 درس مع صور مشروحة


دروس التصميم: 5 دروس مع صور مشروحة