السلام عليكم،


إن شاء الله ينكتب لي وأشتري سياره جديده الإسبوع القادم....


بس عندي سؤال لذوي الخبرة وللمجربين....


أنا ساكن على كورنيش في دبي يعني ما يفصلني عن شاطئ البحر غير مئه ولا مئتين متر (أنظر الصوره)...


كان عندي مرسيدس بو دمعه (أنظر التوقيع) وأكله الصدأ في السنه السادسة، وكان عندي رنج روفر (أنظر التوقيع) وكذالك بدأ يصدأ من السنه الثانيه...


سؤالي: ما هو أحسن أنواع مضادات الصدأ (زيبارت) الشفاف ولا الأصفر وهل تنصحون بالأسفلت (القار) من تحت السياره، وما هي أفضل ورشه لعمل الزيبارت في دبي؟


سمعت عن دعايات لطلاء شمعي يحمي الصبغه من الخدوش ويعطيها لمعه دائمه هل حد عنده معلومات عن وجود مثل هذا الطلاء؟ وأين؟


ما هي نصائحكم في أشياء أخرى غير اللي سالت عنها ليستفيد من قراء الموضوع فهو ليس شخصي!

__________________

__________________

شكرا اخوي محمد على النصيحه وان شاء الله اسويها في الونيت نيسان خخخخخخخخخ

مشكور يا محمد على النصيحة

موضوع يا في وقته

اخوي ماعندهم فرع في بوظبي ؟؟

واذا سياره يديده من الوكاله شو الاشياء الاساسيه الي تنصحنا انسويها ؟؟

انزين بغيت اعرف شو معني انهم يسوون دريل علي اطراف الابواب يعني يحفرونه ويحطون المادة ولا كيف

واذا بغيت اسوي عندهم مثل ماتفضلت وقلتلنا كم بيطلع تقريبا علي وهل هو مفيد وايد وشكرا

__________________

عندهم فرع باابوظبي اخوي ، زيبارت تايدي كار.
فرع لكداري مازدا.

اخوي انصحك تسوي عندهم زيبارت وخاصة تحت السيارة مع داخل هيكل السيارة، وتحط مادة حافظة للصبغه وخاصة للسيارات الملونة وتعطي شكل ولمعانا حلو.

وشي مادة يحطون لك على كراسي الجلد والفراش ، عشان مايتكون البكتريا عليه، او تطلع روائح، ويحافظ على شكل الجلد اكثر.

حاضرين اخوي

__________________

اطراف الابواب واطراف هيكل اللي يمسك الباب ، يحفرون فتحة صغيرة تقريبا 3 سم ، وبعد الرش القار ، يسكرونه فتحة خاصة او سدادة تغلق بااحكام ، وعليه شعار زيبارت، ماتعرف ان سيارتك تم حفرها وشكلها تقول راس برغي.

التكلفة حسب قيمة السيارة وحسب شو انت تبغي تسوي.

اذا كنت تبغي تسوي زيبارت وداخل الهيكل السيارة من 1200 الى 1500 درهم تقريبا.

اكيد مفيد اخوي ، والسيارة تعيش وياك اكثر ، وحتى انت بتحس الصدا مافي تحت ، يعني وقت المطر او دخولك للبر او اماكن الرملية ، ماله تاثير عليه،وانت تقدر تجدد الزيبارت كل سنة بقيمة تقريبا 250 الى 350 درهم

__________________

السلام عليكم،

شكرا ً يا أخ محمد على هذي المعلومات القيمه، وشكرا للأخوه على تفاعلكم في الموضوع ورفعه.

وإن شاء الله إذا كان في نصيب في السياره راح أعتنيبها من أول ما اخذها لأنه عند البيع تحصل المشتري يدور أي شيء عشان ينزل من سعر السياره.

__________________

اكيد اخوي وبالتوفيق لك وحاضرين بااي وقت

__________________