السلام عليكم ..
اخوي نواف بخصوص الاكورد 4 سلندر فل اوبشن 2006 فهي تغيرت شوي عن الـ2005 وخصوصا من الخلف الاسطابات فيها نظام
LED وشكل القزوز تغير .. ومن الأمام الشبك أطول شوي ..
المحرك صار أقوى بـ
15 حصان تقريبا ، والقير من 5 سرعات ..
الفخامه من الداخل معروفه وفيها مميزات ومواصفات لا تتوفر في منافساتها الكامري والألتيما ..
6 سيديات ، وتحكم كامل بالنظام الصوتي ، ومكيفين منفصلين للراكب والسائق ، وتحكم كهربائي لكرسي السائق ، وتحكم بارتفاع وانخفاض الانوار الاماميه تقدر ترفعها وتنزلها على راحتك ، وأيضا ً اضافة نظام
VSA للتحكم في الثبات ..
في السته سلندر الاختلافات بسيطه ، وهي اضافة اقزوزين في الخلف ، تحكم كهربائي لكرسي السائق والراكب ، فيها مقياس لدرجة الحراره ، تتوفر 6 سماعات ، المحرك 3.0 لتر بنظام vtec ..
الرنقات هي نفسها في الاربعه والسته سلندر ، مقاس
16 انش ..
المميزات في الموتر هي الفخامه والاحساس انك تقود سياره متميزه ..
السلبيات اللي واجهتها حتى الان هي ازعاج الهواء على سرعة 120 كلم ، ثباتها قاسي نوعا ً أو تقدر تقول ثبات رياضي .. وبس الحمدلله ما واجهت أي مشاكل في السياراه مع ان استخدامي قاسي ..
السعر حاليا انخفض .. آخر مره زرت الوكاله كانوا مسوين عروض خاصة ، رقم 3 سياحي كانت بـ 69 الف درهم .. و رقم 2 بـ 74 الف ... ورقم 1 بـ 82 الف درهم ..
انا شريتها بـ 88 الف درهم أول ما نزلت ، وعطوني تلفزيون 30 بوصه وجهاز ديفيدي مجانا ويا الموتر
وكنت حاجزها قبل وصولها بفتره طويله
والصور بتلقاها في الروابط اللي حطوها الاخوان فوق
أي سؤال أنا حاضر .. تحياتي لك .
معلومات عن أكورد 2006
العرض العادي
