>



صفحة 1 من 4 1234 الأخيرةالأخيرة
النتائج 1 إلى 6 من 19
  1. #1
    الصورة الرمزية شيخ_الشمال
    شيخ_الشمال غير متصل عضو نشيط
    تاريخ التسجيل
    Jun 2006
    الدولة
    الإمارات العربية المتحدة
    المشاركات
    171

    افتراضي يوكون دينالي 2007...(تقرير + صور)


    السلام عليكم شباب...

    أعرف أنه كثير من اللي في المنتدى يحبون هذي السيارة..ولهذا السبب حبيت أسوي لكم هذا التقرير الشامل عن الوحش الجديد يوكون بالنسخة اللي تعد فئة القمة بالنسبة لهذي السيارة...


    أول شي نبدأ بمحرك السيارة والجير واللي بصراحة أنا أشوف أنه شركة جي إم سي موفقة في إختيارها هذي المرة لأنه مثل ما قلت أنه هذي الفئة تعد الفئة الأكثر فخامة والأكثر جمالاً بالنسبة لليوكون فكان المفروض منهم أنه يحطون لهذي السيارة محرك قوي...وفعلاً هذا اللي حصل والمحرك الموجود في هذي السيارة يا أخوان هو محرك ڤورتيك 6200 V8...واللي يولد 380 حصان @ 5500 دورة في الدقيقة


    وجهزت أيضاً هذي السيارة بناقل حركة متطور من 6 نسب مما يجعل تسارع السيارة هذي قوي جداً بالنسبة لوزن السيارة


    -=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-
    السيارة من الخارج

    وواضح من الصورة العنفوان اللي في مقدمة السيارة وخاصة بالتركيز على إنخفاض السيارة والكشافات الجميلة واللي عاطية السيارة شكل رياضي أكثر من السابق...:)


    وهذي الصورة واللي ما تستغني عنها الشركة في أي موقع رسمي لأنها تعد فخر بالنسبة للصناعة الأمريكية وبالتحديد للجي إم سي...لأنه الصورة هذي مكتوب فيها على الجهة اليسرى في الأسفل "يوكون دينالي 2007 حازت على 5 نجوم, وهو أكبر تقدير ممكن في اختبارات الحكومة الأمريكية لإصتدام السيارات من الأمام"




    السيارة من الخلف جميلة جداً في نظري خصوصاً مع وجود المصد الكروم والشكل العصري جداً للمصابيح الخلفية...مع وجود 4 حساسات تساعد السائق في الرجوع للخلف...


    ومن ضمن المواصفات الإلكترونية الحلوة في هذي السيارة هو فتح الصندوق الخلفي أوتوماتيكياً من خلال مفتاح السيارة مثل ماهو واضح في الصورة..


    السيارة متوفرة بخيارين من الرنجات...

    الخيار الأول هو الألومنيوم المصقول بقياس 18 إنج...


    الخيار الثاني هو الكروم الصرف بقياس 20 إنج...

    -=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-
    السيارة من الداخل

    حظي الكونسول الأمامي لسيارة يوكون دينالي بالتخشيب المناسب في نظري واللي عاطي السيارة نوع من التميز والفخامة عكس الموديلات السابقة...وهذي الخطوة تحسب للجي إم سي لأنها بدأت تهتم جداً بداخلية السيارة نظراً للمنافسة القوية اللي بينها وبين بعض السيارات اليابانية والأمريكية...وواضح في الصورة أزرار التحكم على المقود بالنظام السمعي في السيارة ونظام تثبيت السرعة والنظام الملاحي واللي أعتقد أنه متوفر في بعض دول الخليج...


    طبعاً الصورة مش محتاجة تعليق والسيارة معروفة أنها ملكة المساحات والرحابة...:)


    أزرار التحكم في فتحة السقف مع وجود أزرار للتحكم بطي المقاعد الخلفية والباب الخلفي للسيارة...


    النظام السمعي الأمامي وأزرار التحكم بالتكييف مع شاشة جميلة جداً...


    الشاشة الخلفية...


    أزرار التحكم الخاصة بالنظام السمعي الخلفي مع وجود زرين لتدفئة المقاعد...


    الزر الخاص بطي المقاعد الخلفية...


    مراحل طي المقاعد الخلفية...




    وبخصوص الألوان

    الخارجية: ذهبي ميتاليك, أحمر, تركوازي ميتاليك, أسود ملكي, سلفر, رصاصي ميتاليك, أبيض ثلجي

    الداخلية: الجلد البيج الكشميري, الرصاصي
    -=-=-=-=-=-=-=-=-=-=-=-=-=-=-=-=-=-=-=-=-=-=-=-=-=-

    انتهى التقرير وياريت يحوز على إعجابكم...:)

    وسامحوني على الإطالة:)
    التعديل الأخير تم بواسطة شيخ_الشمال ; 17-07-2006 الساعة 02:55 PM

  2. #2
    الصورة الرمزية RX300
    RX300 غير متصل عضو جديد
    تاريخ التسجيل
    Jun 2006
    المشاركات
    11

    افتراضي

    تسلم على الموضوع المميز يا الغالي

    انا عندي موديل 2006 بس لحد الحين مب متحسف اني شريته

  3. #3
    الصورة الرمزية شيخ_الشمال
    شيخ_الشمال غير متصل عضو نشيط
    تاريخ التسجيل
    Jun 2006
    الدولة
    الإمارات العربية المتحدة
    المشاركات
    171

    افتراضي

    الله يسلمك أخوي RX300...

    يمكن ما تتحسف عليه...لكن ودي أعرف شعورك يوم بتشوف دينالي 2007 أسود ملكي مر جنبك في الشارع؟؟؟:D:D:D:

    الله يهنيك فيه ويعطيك خيره ويكفيك شره..:)

  4. #4
    Bu_7maid غير متصل عضو فائق التميز
    تاريخ التسجيل
    Jun 2006
    الدولة
    الامارات-دبي
    المشاركات
    6,000

    افتراضي

    this car is good

    thank you for the information

  5. #5
    الصورة الرمزية AMG
    AMG
    AMG غير متصل مراقب عام
    تاريخ التسجيل
    Jun 2006
    المشاركات
    13,173

    افتراضي

    مشكور على الموضوع

  6. #6
    الصورة الرمزية American Muscles
    American Muscles غير متصل الفائز الاول بمسابقة الرياضية
    تاريخ التسجيل
    Jun 2006
    الدولة
    مسقط
    المشاركات
    155

    افتراضي

    تسلم اخوي على الموضوع الرائع

صفحة 1 من 4 1234 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14