سؤاااال ضروووووري

Mr.Cayenne Turbo · 06-04-2007, 02:00 AM

مرحبااااا شباااااب

شحالكم شباب عساكم مرتاحين؟؟

انا انشاءالله بسافر يوم السبت بسياره وبغيت اعرف هالي يحطونه في واجهة السياره صابون وبرقع ومادري شوه لازم اركبه ولاعادي لو ماركبته؟؟ خاصه وانه السياره يديده

واذا لازم اركبه شو افضل شي عشان اركبه؟؟

ياريت لو تساعدوني وبكون شاكر لكم

ERT · 02:35 AM

حط لها Clear Shield

مميزاته:

حمايه غير مرئيه: يحمي المرايا الجانبيه , يحمي المصدات , يحمي الاضواء والمقدمه
ضمان 5 سنوات
وله مقاسات مجهزه لجميع السيارات

ابوظبي :4492010 02

Jaguar R · 06-04-2007, 12:27 PM

استعمل الي خبرك عنه ERT .. لانه الموتر يديد, والصابون ينفع لاكن اضن انه يضر..

saymyname · 06-04-2007, 04:54 PM

البرقع يكفي وزيادة.....

PORSCHE · 07-04-2007, 03:38 AM

اقتباس:

المشاركة الأصلية كتبت بواسطة saymyname

البرقع يكفي وزيادة.....

يكتم السياره والهوا مايوصل للراديتر بسهوله وتزيد الحراره

Mr.Cayenne Turbo · 07-04-2007, 04:10 AM

مشكوررررين اخواني عالمساعده ويزايكم الله خير

اقتباس:

المشاركة الأصلية كتبت بواسطة PORSCHE

يكتم السياره والهوا مايوصل للراديتر بسهوله وتزيد الحراره

عيل شو الأنسب برايك ؟؟

grandv8 · 07-04-2007, 10:15 AM

السلام عليكم ورحمة الله وبركاته

اخوي

لاتركب برقع واذا ركبت اشتري من الوكالة ولاتفصل، مشكلة البرقع انه مع الهواء يتحرك ويضرب على الغطاء المحرك ويشرمخ اللون.

اما الصابون اذا كان موترك ملون لاتحط صابون لا بعد الحرارة الصابون يلصق لصقة على البودي ويعلم على الصبغه ويكون واضح.

في مادة شكل معجون لون بني رمادي وسعره 15 او 10 دراهم وترش على الوجه والمدعمية والمرايات الجانبية وحتى المدكار الجوانب.

بس على الليتات لاتحط حاو تحط صابون لوكس سائل خفيف عشان الحشرات مايلصق وتقدر تنظفه بسرعه، وكل مرة توقف تعبي بترول نظف الزجاج الامامي من الحشرات بسائل خاص للزجاج ينباع بمحطات البترول من ادنوك بسعر 21 درهم تقريبا، ورش الزجاج ونظفه بقماش نظيف وحتى اللمبات وتقدر تنظفه.

بالتوفيق اخوي والله يحفظك.

PORSCHE · 08-04-2007, 12:36 AM

والله انا ماعندي فكره عن البديل بس البرقع والصابون وخر عنهم