>



صفحة 1 من 3 123 الأخيرةالأخيرة
النتائج 1 إلى 6 من 18
  1. #1
    powerguy2011 غير متصل عضو جديد
    تاريخ التسجيل
    Jan 2007
    المشاركات
    34

    افتراضي ابي اركب كزوز ثاني فالجارجر..مساعدة من خبرا القزوز


    انا ماخذ دودج جارجر V6 2007 جديدة و
    طبعاتعرفون انه ايي بقزوز واحد فقط وفيه فتحة فالبمبر من ورى يعني شكله قبيح بقزوز وواحد وفتحة فالجهة الثانية فاضية!!!
    رحت سالت محل اسمه فوكس عندنا فالامارات وقال انه يركب قزوز سستيم كامل من الجهتين ويمكن ينهي ضمان الوكيل ب 4000 ..طبعا المبلغ خيالي بالنسبة لـي وطريقته ماعجبتني انه بيوصل القزوزين فالمكينة وبيقص وحالة...وثاني شي انا اهم شي عندي الضمان والحفاظ عالموتر..ومايهمني انه يزيد قوة السيارة او يزيد الاحصنة بس يهمني شكل اغطي فيه الفتحة الثانيه..يعني الزبدة ابي قزوزين حلوين بصوت حلو يكونون مجرد شكل وبسعر مناسب..ممكن حد يقولي شو المطلوب اشتريه وكيف الطريقة وهل يصير هالشي؟؟ويخرب ضمان الوكيل ولا لا؟وتقريبا كم بيكلفني....وياريت لو حد يعرف محلات فالامارات مايقصر وياي..اهم شي شغل نظيف ومضمون ورخيص :D ....بانتظار مشاركاتكم الثمينة :)

  2. #2
    الصورة الرمزية الزرعوني
    الزرعوني غير متصل مشرف عام
    تاريخ التسجيل
    Jun 2006
    الدولة
    25
    المشاركات
    5,781

    افتراضي

    يا هلا فيك اخوي

    اسمحلي ما رديت عليك


    اتريا علي شوي بسوا تقرير عن محل تفصيل قزوزات كامله و نص

    و مواد ستيل اصليه

    بين 2000 و 4000 درهم

    و من عيوني بسولك خصم خاص .. بحاول اييبلك اياه بـ 3 او اقل

    و على كلام الريال يزيد 50 - 70 حصان


    عطوني مهله و من عيوني


    تشكرات :)

  3. #3
    bashar_255 غير متصل عضو فعّال جداً
    تاريخ التسجيل
    Jun 2006
    المشاركات
    1,247

    افتراضي

    ما فهمت عليك !

    تبغي تركب اكزوست بدون ما تركبه عشان الضمان ! <<< هذا كلامك مو كلامي

    شوف حبوب

    تبغي تسد الفراغ جيب لك عبارتين كروم و ركب وحدة في الدبة و خلي الثانية معلقة في الجهة الثانية ما بيبين أنه ما فيه دبة وراها

    بالنسبة للسعر فهو نصب جامد

    هالشغلة المفروض اذا طفحت و كلفت قول 1000 ريال حسب ما انت وصفت لي

    طريقتها طبعاً مو مثل ما الرجال مقترح

    يعمل لها أكس بيب و يفصل باك اكزوست كامل

    تكلف لها يعني حوالي 700 بدون دبات و قول دبتين بورلا يعني 1500-1700 ريال

    و السلام

  4. #4
    powerguy2011 غير متصل عضو جديد
    تاريخ التسجيل
    Jan 2007
    المشاركات
    34

    افتراضي

    شكرا عالردوود...وبخصوص اخوي الزرعوني مثل ماقلتلك السيارة يديدة مابيهم يدقون المكينة هههه انا ابي مجرد شكل بس مايهمني القوة وثلاثة بعد يعتبر وايد...لو تقدر تسولي خصم على الشكل بس بدون سستيم بتسوي خير هههه
    واخوي بشار اعتقد انك فهمتني...بس مافهمت قصدك عدل بالضبط...ياريت توضح اكثر شو المطلوب مني بالضبط يعني..المحل بيشيل دبة الوكالة؟؟وبيركب دبتين بورلا ويربطهم مع بعض؟؟لانك مرة قلت انك تحط دبتين بورلا..ومرة قلت بدون دبة مجرد كروم...انا الي ابيه انا الاثنين يبان انه مركب قزوزين مافيه يبين اي اختلاف :(...

  5. #5
    الصورة الرمزية [[^^الرعد^^]]
    [[^^الرعد^^]] غير متصل عضو جديد
    تاريخ التسجيل
    Apr 2007
    المشاركات
    23

    افتراضي

    السلام عليكم و رحمة الله و بركاته

    أنا من السعودية و عندي تشارجر

    أنا بعد ودي أركب كزوزين متطابقين 100% وش الطريقة ؟

    يعني يكون الراسين و الدبتين متشابهة ؟

    و شكرا ً

  6. #6
    الصورة الرمزية UAE SPEED
    UAE SPEED غير متصل مراقب عام
    تاريخ التسجيل
    Jun 2006
    المشاركات
    6,436

    Thumbs up

    بكل بساطه ركب اقزوز فئة الـ 8 سلندر ، أكيد تنزل بفتحتين .

    مادري اذا في اختلاف معين ، بس اقترح عليك تشوف الوكاله يمكن عندهم فكره ، وبنفس الوقت تكون مرتاح من ناحية الضمان .

    وعلى فكرة يالزرعوني ، القزوزات حدها تعطيك 10 - 20 حصان على موتر ستوك متوسط :)
    70 حصان وايد !
    التعديل الأخير تم بواسطة UAE SPEED ; 19-04-2007 الساعة 02:47 AM

صفحة 1 من 3 123 الأخيرةالأخيرة

ضوابط المشاركة

  • لا تستطيع إضافة مواضيع جديدة
  • لا تستطيع الرد على المواضيع
  • لا تستطيع إرفاق ملفات
  • لا تستطيع تعديل مشاركاتك
  •  

راعي اعلامي لمعرض اكسس 2016

1 2 3 4 5 6 7 8 9 10 11 12 13 14